# البارت ال 18
من رواية نتيجة عشقي بناتي
للكاتبة حوراء الوائلي #
___________________________________________________
من تريد تروح روح ولاترجع بعد
مو فترة وتجي وتكول مشتاك
ومن تريد ترجع لاتدور اعذار
ترا بقانون العشك يرجع المشتاگ
بقلمي
.
.
جواهر: أنصدمت. فعلا كلامة الي ديكولة إلى متى نبقى هيج ووين توصل بينه يعني لاني متزوجته ولاني منفصله عنه بقيت منزله رجلية من التخت وأباوع للأرض رفعت راسي اله لمن كال:
علي؛ هاا جواهر شكلتي ولا اكلج عندج وقت هوواية وفكري بي براحتج
ردت احجي وسمعنه صوت طكطكة قوية صارت نزلنه نركض وجان نشوف غدير بالمطبخ و تصرخ وتباوع عله الحايط والطباخ وراها مشتغل رحت يمها:
جواهر: غدير شبيج وليش هيج داتباوعين وتصرخين وشنو هل أصوات مالت الطكطكة
غدير: جواهر والله شفت مرة هنا وجانت تطكطك بالشباك والله اني شفتها
جواهر: متوهمه حبيبتي ماكو شي
ام حيدر: روحي ماما نامي هاي لان انتي تعبانه اليوم ورحتي للمگبرة هيج دتخيلين ماكو شي حبيبتي
حيدر: غدير هسه هاي وضعيه بربج تصيحين على شي مموجود والله فززتيني عبالي صاير شي
علي: عله العموم الحمدلله عدت سلامات اقرئي ايات وانتي تصيرين زينه
غدير: بقيت ساكته شحجي بعد واني متاكدة شفت مرة لابسة اسود ودتباوع عليه عيونها حمر ولازمة سجين وتضحك وبعدين شالت السجين وبقت تضرب عله الثلاجة بصووت قوي احس متت بدمي من شفتها والله حقيقه مو حلم يربي
ولاخيال اني شفتها هيج دتحاجيني يالله ساعدني ياربي يا ابونا اليسوع ابعد عنا شر الخلق يا امنه العذراء احميني وحصنيني من كل سوء جواهر بقت كاعده يمي وحضرنه العشه وصبيناه واني بصوتي كعدت الكل ما شاءالله. كعدت واني ماشتهي
اكل لان متاكدة اوووف شنو الي ديصير كملنه وهم تجمعوا جواهر وعلي راحو للبيت جواهر تريد بناتها متحملت بعدهن اوووف ياربي ساعدني اني جبانه وأخاف ومكدر اسوي شي مر الوقت ورحنه ننام حيدر تقربلي اخذ حاجته ولاعبالك مثل قبل
شون رومنسي ا ابد كانما واجب أداه وراح اوووف شكد نقهرت بس من حيدر اكثر ياترى شنو الي خلاه يتغير وليش هييج ديتصرف ياربي تعبت اني مو كد هل شي الي ديصير تغطيت وحته مكمت وسبحت ونمت واني ابجي اجه راد ينام
حضني من ورة ونام نامت عليك طابوكة انشالله. نمت وكعدت ثاني يوم. وكالعادة بين تنضيف والجهال تهاني شالت إيدها من البيت شكد طلبت منها تساعدني لان بيت فوك وجوة وجبير وعندي طفلين وعمتي متكدر ولاكأنما تكول مكتلج تزوجي حيدر
أنت تقرأ
نتيجة عشــقي بنآتي
Любовные романыفتاة في ال 16 عشر من عمرها تتزوج لتلد ثلاث بنات ماذا سيحصل لها لنعيش معها في قصتها احدى الفتيات العراقيات تاخذ فيما بعد قصتنا منحدر آخر إلا وهو قصص حب بها انتهت بالزواج وبها انتهت بسبب مايسمى بتنضيم داعش شباب وبنات يعيشون قصص حب داخل قصه واحدة (قصه...
