نتيجة عشــقي بنآتي

part 82

البارت ال 82 من الجزء الثاني
روايــة نتيجــة عشقـي بناتـي
بقلـم الكاتـبه: حـوراء الوائلـي

___________________________________________________

" صدگ ذكرى الصداقة يضل على البال
شكل يوصف صديق بگلبي مرسوم
تدور عالشكل كومة معاناة
حزن ماريد أطلعه بصدري مكتوم

.
.
.
.
.
.

هيفين: من يوم خطبتي اني وأيسر وهو يومية يتصل بيه ويحاجيني جنت ماطيقه بالبداية وكل شوية ألوم نفسي شون قبلت بي

مر اسبوعين وبدة دوام الكليات المرحله الأولى معدلي جان 75 أنقبلت كلية تربية قسم اللغه الأنگليزي اني زينه كولش بالانكليزية وانقبلتها كيفت وهيلين راحت قسم رياضيات اما ليث جان ويانه معدلة هم عالي ودخل كلية هندسة

أيسر قدملي الاستمارة وهو اخذني بأول يوم للكلية بديت أتقبله شوية شوية جان يغار بشكل مو طبيعي وجنت أگول معقولة هذا ينشر صوري جذب ماصدك من ورة غيرته

مرة طلعت من المحاضرة تعبانه ماعندي صديقات بس وحدة وزميله هم مو صديقه طلعت للكافتريا واول مطبيت منزلة راسي تمشي بصفي مناهل البنيه الي ويايه رفعت راسي وشفت أيسر گاعد ابتسملي ورحت تقدمت بإتجاهه وعفت مناهل وراي وصلت يمه

هيفين: سلام عليكم

أيسر : وعليكم السلام تعالي وكفت ولزم ايدي

هيفين: وين ماخذني

أيسر : خذت اذن امج وأخوج واريد أطلع وياج نتونس

هيفين: بس عندي محاضرات

أيسر: اني اقريجياهن بس هسه تعالي

هيفين: اوك لزمت ايدة وطلعنه نتمشى بالكلية مبتسمة يمكن لان هو ويايه الحب واضح بعيونه گلت اني ليش منطوية على ذاتي ليش ما أحاول ألگه الجانب الحلو بأيسر مثلاً حبه الي واضح وضوح الشمس صعدنه بالسيارة وكتله وين رايحين

أيسر :لا تستعجلين هسه تعرفين

هيفين: حباب كولي وين رايحين

أيسر: راح اشمرج من السيارة

هيفين: ههههه حباب والله بس گول

أيسر: باوعلي وضحك ماگول خليها بگلبج بقه يمشي وصلنه قريب الفرعنه

هيفين: رايح البيتكم

أيسر: لبيتنه حجاها بأصرار

هيفين: شنو المناسبه

أيسر: دسدي حلگج وسكتي أحسلج

هيفين: طبينه الفرع وطلع منه وحتى بيتهم فتنا ايسر البيت ورانه

أيسر: اني كلت لبيتنه مو بيت أهلي يالفهيمه

هيفين: درت وجهي متفاجاة طبگ السيارة ونزلنه وگفت مقابل بيت مو كلش جبير بس زين ومرتب