نتيجة عشــقي بنآتي

part 72

البارت ال 72 من الجزء الثاني
روايــة نتيجــة عشقـي بناتـي
بقلم: للكاتبــة حـوراء الوائلـي

(مكدرت انيمكم بدون بارت لعيونكم الحلوة تستاهلوون احبتي)
___________________________________________________

" ‏خرايب طين البالي
ادور بيهن اعله زين
ولكيت الزين جتالي
وأدري انه جنت وهمان
وأدري يرخص الغالي
ودري بطيبي زايد جان
بيهم خير حسبالي
وأدرييه . العمر يومين
مو لدوم تصفالي
وهسه انه صفيت وحيد
كلبي من البشر خالي "

.
.
.
هويدة: فزيت على مي بارد انشمر عليه احس جمدت بمكاني من الرجفه والخوفة تذكرت اني وين وبجيت صرت أتوسل يطلعوني وابجي وراسي أحسه ديريد ينفجر من الألم ماعرف شنو

وشبية صرت بس ابجي واتوسل جانو اربع اشخاص وغرفة ضلمة وريحتها كارثية تموت عالك حضيرة مالت حيوانات گاعده بيها اتوسل يفكون مني بس وين لاحياة لمن تنادي صرت ابجي رايدة الفرج شوية

سمعت صوت صياح وعرك برة هذولي خزروني ووجوهم ملثمه وطلعو بدون صوت بس واحد عاط وكال ماريد صوت ثواني بس واندفرت الباب واني عطت باوع عليه وهو يسب ويغلط والظاهر مخربطين بيني وبين بنيه

ثانية من جهة ارتحت ومن جهة ثانيه متت خوف ليرحون يسوون بيه شي شوية ولثموني

وصعدوني بسيارة صرت ابجي وخايفه كولش ورة وين والسيارة تمشي وماشوف طريق وبس ريحه دخان الجكاير بالسيارة

تعط وكلما ابجي يعيطون بيه اسكت مشفت وجوههم ابد وكفت السيارة لزموني اثنين وشمروني بالگاع صرت عالشارع خدي الأيمن

تزلغ واحس دم بي بس عيوني مغطاية وايديه مربطة صرت اعيط بصوت عالي مادري وين ليل لو نهار بيا مكان مادي سمعت صوت شخطة سيارة صرت اصرخ واركض عبالي رجعو لحضات حسيت نفسي بفلم واركض

بس هيهات العراق بوقتها جان الي يصير بي محد يستغرب شفن العجب من حادثة جسر الأئمة ولحد هل لحضه

اي شي يصير بالافلام صار بالعراق وأكثر بعد حسيت ايدين حاوطتني صرت ارافس مثل الطير المذبوح

انفتحت عيوني وايديه بقوة وصرت ارفس ومبين رجال لازمني دفعته بقوة وهو مقصر شمرني عالگاع وهنا

جسمي أعلن عن تكسير اعضاءة التفتت واشوف واحد واگف لابس عسكري وصافن عليه باوعلي باستغراب التفتت وشفت نفسي بنص الشارع ودنيا ليل

الضابط: منو انتي وشتسوين هناا ويخزر بية ومتحذر مني اني أمنت من شفته بلبسته العسكرية حسيت بأمان

هويدة: بجيت اريد أهلي فدووة نااائل اخذني اله اريدددة

الضابط: وانتي منوو وشعندح بنص الليل بالشوارع ملثمة ومربطة