نتيجة عشــقي بنآتي

part 83

البارت ال 83 من الجزء الثاني
روايــة نتيجــة عشقـي بناتـي
بقلــم الكاتـبه: حـوراء الوائلـي

___________________________________________________

" فاضحني الكلب بس يبجي بالليل.
موكافي البجي حس الليل مسموع.
محد  شال همك  ياكلب  ليش.
وعليك اليوم صار الفرح ممنوع
كف الدمع ما ينفع  بجي ونوح.
شاريهم جنت واليوم  مبيوع.
باعوك برخص ياوسفه ياحيف.
وبعد هيهات  للباعوك  مرجوع.
جرح السيف لابد ينمحي بيوم.
بس جرح المحب للموت مطبوع "

.
.
.
.

هويدة: نزلت بلسم والتلفون بإذني ودموعي تنزل أول ماوصلني صوته گال

عزام: إن وعد الله حق إنا لله وإنا إليه راجعون

هويدة: بجيت اكثرر وگلت رااحت عزام رراحت جانت واعدتني تجيني بعرسي وهي تحطلي حنتي

وبجيت متحملت الفكرة صعبه أحسها جبيرة على عقلي بقى عزام يحجي وياية وورة شوية سد التلفون ألتفتت شفت سهير ورفعت هم يحجن

طفت سهير ووراها بشوية رفعت الهوى بارد شهر الواحد حيل بارد بس بقيت گاعده أريد نار گلبي تبرد أريد أعيط من گلبي ثلاثتنه متجمعين وهي مو ويانه

حييل مأذيني فراگها أتذكرها بالكلية يومية تجيني مبتسمة تگول من ورة القسم حتى بطني صارت مجمدة ودائماً نطلع مطعم قسم العوائل ونتونس جنه روح بروح والسبب طيبة گلبها غمضت عيني ورجعت

جسمي عالحايط أنرسمت صورتها ببالي عيونها الي لونهن أزرق فاتح وبشرتها البيضه والنمش بوجهها جانت محجبة وجهه يضوي

أبتسمت واني اتذكرها يمكن احلى وحدة بينه خلق وأخلاق وضاعت من بين إيدينه حجت رفعت

رفعت: بنات تتذكرنها موو شون ضحكتها تخفف الهم ودائماً مبتسمة معقولة بعد ماشوفها ولاسمع أخبارها معقولة يعني

سهير: لو من جانت بسرعه تصير عصبية وتعگد حاجبها وبس ننطيها أكل تاكلة وترجع طبيعيه

رفعت: مغمضه ودموعي تشرح حالي حتى كلام شهم مريح گلبي وبعدني مقهورة يمكن فراقها مشابه لفراق اخوية عباس بس علأقل هذا جنت متوقعه يرجع بفد يوم بس هاي شون گلبي ديأذيني سهير انتي اقرب وحدة الها توسلي بيها بلكي ترجع

سهير: اااااخ يااااريت تسمممع

رفعت:  بقينه للأذان أذن ونزلنه صلينه وقرينه قرآن الها بعدي على سجادة الصلاه ابجي وأقرة بالقرآن وهويدة يمي التفتت لسهير أشوفها بقيت صافنه واگعه بسجادتها وهي تصلي حركتها وگعت عطت عيطة فززت هويدة وبلسم الي بالغرفه الخ تصلي

رفعت: سهيييررررر گعدددي وووولج هوويدة ركضيي لواحد من الولد ياخذها ررراح تررووح من ايدي