نتيجة عشــقي بنآتي

part 50

البارت ال 50 الجزء الثاني
روايــة نتيجــة عشقـي بناتـي
للكاتبـة: حـوراء الوائلـي

___________________________________________________

اللهم صلي وسلم على محمدٍ وإلِ محمدٍ الطيبين الطاهرين

.
.
حطام الحب هذهِ المرة هو الذي يتطاير من حولي تألمت وحدي
سقطت وحدي ضحكت وحدي وبكيت وحدي ألم وخذلان بداخلي
أنتم يا من اسميكم ب ظُلامي سيأتي يوم تأخذون جزاء أعمالكم بي
أنا فتاة لا حول ولا قوة أنا وحيدة تنهش ب لحمي الذئاب أنا كما أنا
أم __ أخت __ أبنه __زوجة والأهم أنا إمرأه عراقيــه حكمتني عاداتهم

.
.

.
.

جواهر: شدعي عليك يا فارس استغفرك ربي

غدير: اندگت الباب وفتحتها جواهر وانفتح باب الأستقال مثل الأعصار رفعت راسي واشوف شهم فوگ راسي حاولت اكعد وهو عاط

شهم: احجووو صدكك هل كلااام لووو. لاااا احجوووووو

غدير: إهدا شهم اي كلام

شهم: فارس معتدي عليج وانتي حامل منه واليوم نزلتي الطفل اااااحجيييي بررروح بناتج وغلاتهن عندج احجييي احججييييي

غدير: اباوعله يريد يبجي من العصبيه والحرگة صوته ضاع كد الصياح اني كعدت ابجس وجواهر نزلت راسها ونزلت دموعها هو فهم بدون ما احد يجاوبة رجع عالحايط ورجع راسه كعد بالگاع اول مرة اشوفه بهل ضعف صار يحجي بس احس كلامة الي بدة يحجي يگطع بگلبي ويضربني بسجاجين

شهم: ولكمم والله حريص عليكم اكثر من روحي والله أخاف حتى لاتجيكم حجاية منا منا وروح امي وغلاتها والله امانة امي انتو كلما تشوفني طالع تكول مرلهم خطية هل بنات الدنيا تتلاطم بيهن من جهة لجهة حضهن مثل حض امك

يمة تخيلهن اني وساعدهن برضاتي عليك هاي كلماتها كل كلمرة اطلع من الباب وتالي ااااخ ااااااخ تالي متالي يجي اخووي وحززام ظهري هيج يسوي والله انتو عرضي كام يبجي وغطة وجهة بإيدة واني زادت بجيتي شهم

صدك شهم أباوعله يبجي بقهر ويگول كسر ضهري بسوايته رجع باوعلي وكال
متاكدة هذا اخوي فارس هيج سووة اخوي احن واحد شافته عيني ماعندة هل سوالف والله هو حتى شرب ميشرب ولا يوصل ل بنات

الليل ابد ولا هل سوالف معقولة هووو معقولة

غدير: وداعه بناتي هووو حجيتها بغصه ورجعت ابجي جواهر كعدت بالطرف وهم تبجي يمكن دموع شهم حسستني فعلاً ما الي احد بهل دنيا ابد لو عندي حظ مجان صار الي صار لو عندي سند يلزم ظهري مجان كدر يتقربلي

ويدوسلي على طرف بين تفكيري ما احس اله شهم طفر يركض وطلعت وراه جواهر واني مكدرت اكوم بس كعدت ابجي ألوم بنفسي