نتيجة عشــقي بنآتي

جواب للاسئله

السلام عليكم

اولا ماكدر انرل بارت الليله لان ملحگت اكمله بارت طويل واحداث هوايه
راح أأجل لباجر

ثاني شي بالنسبه للسؤال الي انطرح بأكثر من مرة وهو
ليش نو يصير لغدير يصير لجواهر

أعتقد واضح الجواب لان بنفس الليله فاطمة اخذتهم اثنينهم وأثنينهم خوالهم بالموصل اهل كحلاء خوالي عباس كلكم تعرفوهم بالموصل

وأهل سماح خوال ليث كتلكم من رجعو من السفر أستقروا بالموصل
غدير فكرت تاخذ ابنها وتسافر ومتبقى بالعراق هذا أفضل حل وجواهر نفس التفكير واي وحدة ممكن تفكر هل شكل إذا الموضوع يخص اطفالها

السؤال الثاني الي هو ليش ليث وعباس ومو البنات
بصراحة هذا السؤال ماگدر اجاوب عليه هسه بالمستقبل راح تعرفون
ويمكن اني والبطلات لحد هسه منعرفه كامل السبب وليش هيج سوت واخذتهم

السؤال الثالث:  هل ياترى القصه حقيقيه
اي حقيقيه بكل احداثها كل الي ضفته مني هو السرد كأي كاتبه
أحداث حقيقيه وثلاثه من البطلات ماخذات وضع السايلنت بالقصه وديتابعن وبس بدون تصويت يعني يقرن الأحداث

السؤال الثالث معقولة حيدر يسوي هيج بس لان بنات
اي معقولة ليش احنه مو دنشوف بالبرامج شون يضرب ويأذي وشون يضلم لان بنيه هل شي طبيعي وحيدر فاض صبرة وميريد بنات يريد ولد رغم هاي إراده ربنا

السؤال الرابع معقولة علي الحنين هيج
لتصيرون نفسي ونتسرع بالحكم ونكول زين معقولة يصير شين
لازم منتسرع بالحكم لانو منعرف يمته يصير زين ويمته شين بخصوص علي
مانطيكم جواب يريح كلوبكم لحد الجز الثاني

السؤال الخامس والأخير ليش اثنينهن للناصرية
هاي هم واضحة ترا عمام هيفين وهيلين بالناصرية وأعتقد تعرفون كولش زين هلشي هذا وواضح هم ولان ترملت رجعت ل بغداد
وغدير ليش راحت لهناك هم تفاجات بصراحة بس دور العمة عراق بالقصه خلاها تصير واضحة وليش غدير راحت الها راح تعرفون

تفسير: 

اول محجتلي القصه رفعت جذبتها وگلت ممعقولة وتاكدت شكوكي من دزتلي صور تشبيه بدله عرس غدير وماصدكت بعدين دزتلي صورتها بالبدله لان لحد هسه يم غدير البدله والله نصدمت بصراحة يعني والنبي حيل اكو تشابه جبير بينهن
هنا هم مصدكت كلت عادي يجوز هسه مشتريها لكن روايه كامل تقريبا
راح توصل وية الجزء الثاني 90 بارت هيج شي طول الاحداث وبدل متكولي تروح هيه تنشرها إلا ان فتت گروب بي معضم بطلات القصه فردت بيهن وحجلي قصصهن قصه قصه انصدمت من هول القصص احداث الجزء الثاني خاصه خلتني اتأكد اني اعتبر الحزء الأول مقارنه بالثاني لا شيييئ الجزء الثاني عبارة عن تجسد للواقع العراقي

القصه حقيقيه 100% حبايبي صراحه

أتمنى تنال أعجابكم باجر ينزل بارت انشالله بي أحداث هوواية

ملاحظه:  لكثرة شخصيات الدور الثاني ف مواقف الدور الثاني راح اسويهن 4 مواقف

آسفه عالأطاله
هسه راح تكولون خبصتينه بالجزء الثاني اي نعم 😂😂🌚 يخبش يخبش

الكاتبة: حوراء الوائلي