نتيجة عشــقي بنآتي

part 86

البارت ال 86 من الجزء الثاني
روايــة نتيجـه عشقـي بناتـي
بقلـم الكاتـبه: حـوراء الوائلـي

___________________________________________________

" طرنه ويه الطيور اندور اعشاش
ورجعنه بكل جنح حسرة بساتين
شح بينه الضوه وكل سجه عثرات
وماندري نتعثر وين ماشين
ردنه نصير ورده بكل حديقة روح
بس شلون مكسوره السنادين
مسكين الينشف ثوبه بالماي
ومسكين الحوه بناعوره بس طين
.
.
.اقرو تكملة البارت 8 5 يلا تقرون هذا لان عبارة عن بارت كامل وبي احداث واغلبكم مقريتو
.
.
.
رفعت: مبتسمة من گلبي وفرحانه ممصدكة ودموعي تنزل ياربي صدك يعني اني هسه راح أروح للصالون علمود حفلة

خطوبتي معقولة مداصدك أبجي من الفرح طبت بلسم للغرفة الي اجت من الصبح حتى تساعد وترد الدين لان دائماً جنه سوة شافتني ابجي حضنتني وهي تگول

بلسم: اعرف ليش تبجين لان ممصدكة اصلا اني اريد ابجي من الفرحه الج

رفعت: اعرف حاسة بيه لان سبق ومريتي بموقفي وانتضرتي هواية

بلسم: صحيح وبلحضه طيش أجيت أضيع حب حياتي وأقبل بغيرة لوما نائل الي مو بس اخ والله احسه صديقي وابوية وسندي وكولشي بالدنيا كولشي ماريد غير الله يحفضه الي

رفعت: الله يحفضه بقينه نحجي غسلت وجهي ونزلت لگيت خاله غدير منتضرة او بالأحرى غدير لان راح تصير مرة حماية هي بس شافتني ضحكت وگال

غدير: والله وقت جنتن انتي وفرح تصيحن خاله وهسه تصيحن غدير

رفعت: ضحكت ورحت بستها وكتلها تبقين خالتي وامي هم مانسي بيوم جنت اگولج ماما لان صدك بمقام امي باستني وبأثناء مدانحجي طبت فرح وبنتها بحضنها وهي تلعلع والعباه طايرة وراها شكلها كلنه ضحكنا عليها وهي تگول

فرح: هلا بمرة حماية الجبيرة هلا بعمة بنتي المستقبليه هلا بأم سجودي الغاليه هاج جنتج شلعت گلبي واني ابدل واروح وية مرة حماية دزوني مرسال خير

غدير: ومنو يگول أزوج ابني لبنتج اذا انتي امها شترجه من البنيه

فرح: يا دادة نزول عليج غير اخبل اني شو عاقله منو مثلي بس انتم ضالميني

غدير: انتي وشهم دائماً ضالمينكم خطية دروحي يلا ام جنتي بس شمعنى سجاد من بينهم

فرح: لان آدم نسخه عن شهم واذا انطي بنتي هم حضه أعوج مثل عمه وهم مينحمل وفراس لسانه طويل بس سجودي سودة عليه فقير لو تسوي طلي ميحجي

غدير: روحي روحي الله ينطيج العقل

فرح: رفعت ايديه وصحت آميييين الي ولبسومي حبيبي وصعدت بدلت ونزلت رحت وية بلسم ورفعت للصالون