نتيجة عشــقي بنآتي

part 53

البارت ال 53من الجزء الثاني
روايــة نتيجــة عشقـي بناتـي
للكاتبـة: حـوراء الوائلـي

___________________________________________________

كافــي ✋
كافــي ✋ # ياروحــي العشــك مــو ثوبنــ👗ــنه 🎽
اكثــر م̷ـــِْن ابليــس 😈 هســه ذنوبنــه😞
روحــ🎀ــي مــو كافــ🙉ــي جــذب 💨
النــ👥ــاس ماتعـ؟ـرف تحــ💔ــب
اول وتالــي النحبــ💖ــه يعوفنــه🏃✌✌

.
.
.
.

بلسم:  مستحيل احب شخص مس ابوية الي نايم بگبرة ومستحيل احب شخص يحجي على امي وهي اليوم رابع بگبرها ماكو شي بحياتي اسمة نزار بعد خلص نزارر انتهى وررراح

سافرو كلهم قسم للخارج رجعو وقسم لبيوتهم وهنا انتهى گلبي ومات الحب بيي فتت لغرفتي واقسمت من هل لحظة ماكو شي أسمة نزار اكو بحياتج يا بلسم 3 أشخاص وبس نائل وهويدة وزين المسوؤليه

الي لازم تتحمليها وتشيلينها على جتافج وبداخل روحج عايشين اثنين رباب وسجاد وأنسي الباقي رحت توضيت وكعدت أقرأ قرآن على روح أمي وأبوية جانت دنيا العصر بوقتها وبليلتها نمنه وجدنه نائل وزين وهويدة وبلسم بغرفه وحدة كلنه بدون رباب الأم الطيبة الي جانت تجمعنه وتقوينة وتعلمنه

وتدرسنه راحت وراحت المحنه وياها نامو كلهم تعبانين اباوع نائل كل عمرة 16 سنه بله هذا وين يكدر يعينه وهو صغير وهويدة 14 وزين 9 سنوات شلت هم الهم بس رجعت وعدت نفسي أهتم بيهم وأدللهم رحت قفلت البواب ونضفت البيت معفته بوساخته وكملت كلشي باجر عدهم دوام بس مدرسات

كالن لتداومن بعد اسبوع وكذلك مدرسين نائل متفهمين بقى زيوني اكعدة اسويله ريوگ وأخذة لمدرسته رحت طلعت ملابسه وسخات غسلتهن وجففتهن وكويتهن وعلكتهن عالباب ومددت بفراشي فات زيون بحضني ويكول ماما نزلت دمعتي اااخ يماما شكد مشتاقتلج انتي وبابا لحد هل لحضه أتذكر بابا قبل ليموت ركضت وراه داكولة يجيبلي بقلاه احبها باسني براسي وكال عيوني الج بقلاوة تاكل بقلاوة شتطلع ضحكت وطلعو اخواني باسهم وكال انتضروني

هسه أجيكم والعصر اطلعكم مدينه ألعاب تتونسون بس ااااخ من ضالمين النفس الي بسببهم ضاع ابوية حسبي الله بيك يا علي والله استحي اگول خالي هييج صاررت اوووف وخوب هذا حيدر غسلت ايدي منه حتى للفاتحه محضر ولاوصل والله صار سنه ب أمريكا وميكدر يرجه ديريد ياخذ الجنسيه الأمريكيه

يله يرجع وميكدر يضيع سنه وينتضر غيرها شكد كرهته الحقير الله ليوفقكم كلكم ويطلع حوبتي بيكم دموعي تنزل بكثرة مشتاقه لأهلي هيج تاليها صفيت لا ام ولا أبو يمكن خسرت اني من شكم يوم بس مشتاقه لابوية اكثر اني اكثر وحدة متعلقه بي وحتى نفس تصرفاته واسلوبه وطريقه كلامة تعلمت