بعته القدامي والوراي بعته لي دهبي كلو اديتو ليهو بصمتو ما نقصته منهم جنيه ما نقصته منهم خاااتم والارض الكتبه جدي باسمي ؟ بعتها واديتو حقها ، بعته الحيلتي كلهاا وغمتو ليهو في يدو قولته ما خسااااره بعوضني ما خساااره ابداااا في راجلي وابو عيالي البسافر وبتغرب علشان لقمه عيشنا علشان يحسن وضعنا ويعيشنا احسن عيشه وهو يلعب مع النسوان ؟! ما استخسرته فيهو مليم علشان يعمل العايزو ويحقق طموحو وقفته معاهو في المره قبل الحلوه ضوقته المر معاهو سكته وسترتو وما فتحته خشمي ولا ناس بيتنا ولا امي القااعده دي ما جيته ببكي ما حصل خشمي طلع كلمه برا البيت مع انو كان بعملني معامله الخدم معامله الكلاب الفي الشارع ما بياخدوها قولته معليشش معليشش يا تيسير الرجال كولهم كده استحملي معليش بكره بتغير ،، شيلي الصبر وما تخربي بيتك بيدك وشنو جزات العملتو ؟؟! عرس فيني يعرس فيني انااا ؟؟! انا الضويت ليهو اصابعي العشره شمع يعرس فيني ؟؟! ويعرس منو ؟؟! لبنانيه عريانه ؟؟! يعرس فيني بدس؟؟! مالو ما راجل يجي يقوله في وشي ويقول لي داير اعرس اسمع من الناس سمع ذي الغريبه ؟؟!
- تيسير اهدي المشاكل ما بتتحلا بالكواريك والعياط..
- نهااائي ما تقولي لي اسكتي نهااائي زول يمسكني مافي وانتي وانتي يا نجلاء كنتي عاارفه وما كلمتيني ؟؟! باكل معاكي في صحن واحد وقايمه وقاعده معاك واخوك معرس فيني وانتي تدسي مني ما بتخجلي ؟ انتي وخالتي القاعده دي ما عافيه ليكم ما عافيه ليكم ليوم القيامه كانت كسرتني وشمتن فيني خلق الله و دسيتو مني حاجه زي دي واسمع من الناس سمع في قعادت الجبنه ، النسوان يتونسن بي ويلوكني زي اللبانه وانتو تكضبو علي عينك عينك زي الهبله ،، مالك ساكته يا خالتي ااه؟؟! المسكتك شنو ولا خجلتي من عملت ولدك ؟!
تلااااته سنه انا افتش فيه تلاااته سنه من زول لزول من محل لمحل بفتش زول يجيب لي خبرو ويقول لي راجلك في الحته الفلانيه ،، لا اتصل لي ولا سأل مني ولا قال عندي مره رازعه في البيت الله بسال منها اتصل اطمنه عليها ولمن اتصل اتكلم معاك انتي وكلمه " ادوني تيسير " غلبتو وفصل الخط مستخسر فيني السؤال بيتصل من سنه لسنه وبتحنيس وبرضو قولته معليش دي امو ودي اختو اولى بالسؤال مني لكن تصل لمرحله تكونو انتو الاتنين عارفين انو عرس وانا بت اختك بت اختك يا خالتي تشمتيني فيني الناس ؟؟ولمن سالتكم كضبتو علي قولتو لي ما تشتغل بالناس الناس غير السواطه وقالو قالو ما عندهم شغله طلعتو انتو الكضابين وانتو السواطين
خالتي قالت لي تيسير والله نحنا عرفنا غير الاسبوع الفات وانتي كنتي عيانه نكلمك كيف؟! نحنا كنا خايفين عليكي ووحات الله وحات المغارب دي يابتي ما قصدنا
قولته ليها ما تحلفي لي بالله اوعك تكضبي انتو عارفين ليكم شهرين ونص بالتمام و الكمال من عرس خالي فرح وتحديدا يوم العقد انتو عرفتو وكلمتك نجلاء القاعده دي وكان بتكلم معاك كل فتره والتانيه وعرفتي انو عرس فيني ،، قاطعتني قالت لي الوصل ليك الكلام ده كضاب نحنا زينا زيك ما كنا عارفين معقوله ادس منك حاجه زي دي؟؟!
