خشينا المحكمه مشت الاجراءات كالعاده بين خالي ومحامي عمر القال للقاضي اني حاولته انتحر وانا مره مجنونه وداهو تقرير بالحصل وانو وجود دانه معاي خطر القاضي قال ليهو انت موكلك مش نفى نسب الطفله دانه ليهو كيف هسي جاي تقول عايز الحضانه ؟، المحامي اتردد وخالي قال ليهو اسمح لي سعادتك انا ارد بدلو الواضح من الموقف المرتجل لزوجه انو واحد كذاب بالاضافه لانو كان بضربه زي ما قولته ليك في الجلسه الفاتت والعيشه معاهو مستحيله اما بنسبه للتهمه بانها حاولت تنتحر فانا ما بنفي ابدا انها عملت كدا بس موكلتي حاليا متابعه مع طبيب نفسي وحالته ماشه في تحسن وفعلها السابق بالانتحار ما كان الا رد فعل بسبب افعال زوجها وانا برجو من المحكمه الطلاق باللعان وياريت تاخد في الاعتبار انو زوجها صعب المعيشه للاسباب الذكرتها انفا ،، القاضي قال لي تيسير ان ابغض الحلال عند الله الطلاق متاكده ما عايزه ترجعي له ؟؟ قولته ليهو متاكده انا الشفتو معاهو ما هين عايزه اعيش انا وبتي بعيد عنو في امان راجع الاوراق وشال نفس قال المحكمه تصدر قرار بطلاق لعان وغائب ....
خالي مشى يكمل بقيه الاجراءات وانا قعدته مع نشوى كنت فرحاااانه شديد شوفته من بعيد المحامي بحكي مع عمر جاء ماري جنبي حمر لي ومشى نشوى قالت ليهو حاسب ما تقع من الزعل قولته ليها سيبك منو انا عايزه احتفل بالمناسبه دي عايزه اطلع عايزه اشم هواء عايزه ...قاطعتني قالت لي نكلم خالك اصلا الجو دا جو حوامه ارح ...
كلمنا خالي وطلعنا انا ونشوى مشينا مطعم ظريف كداا قعدته اكل كأني في حياتي ما اكلته قبل كدا شهيتي كانت فاتحته شديد ،، حكيت لنشوى كل مخطاطي اثناء ما نحنا بناكل فرحت شديد قالت لي ما مصدقه انك طلعتي من دور الضحيه انا بحب ، بموووت في تيسير المتمرده دي وانا معاك في اي شي انا معاك بس وليك علي طول فتره الشهر الهنا دي كل يوم معاك لغايه ما تعبري قولته ليها مبدئيا انا عايزه مكنه لكن امي كلمت حبوبه و جابت لي مكنه امي الهناك فهسا عايزه اقمشه حبوبه وصيته على دهب جابتو لي وبعتو وهسي ماشه اشتري لي كذا قماش ابدا بيهم قالت لي لازم اول تصاميم ليك يكون بكسرو وما تشطحي في السعر عشان الناس تجيك كتيره بعد داك زايد لازمنا فوتغرافي قولته ليها وليه قال ؟، قالت لي انتي هبله ؟؟ استفيدي من السوشيال ميديا لازم يكون منسق وجميل ونضيف عشان الناس الهاي تجيك فهمتي علي قولته ليها صاح كلامك انا قولته اجيب مودل لكن حا تشتطح لي ف السعر وانا ما عندي فقررته اكون انا المودل ضحكت قالت لي ما لدرجه دي كمان قولته ليها جاده معاك وعارفاك خايفه من شنو ما حا اظهر وشي يعني مافي زول حا يعرف منو الابس الفستان وصفحتي القديمه حزفتها عملته واحده جديده وفي تويتر كمان عشان العرر اهلنا ديل ما يعرفوني ضحكت قالت لي عقلك لمن يشتغل كعب عدييل بس ركزي على الانتسغرام برضو الناس فيهو اكتر قولته ليها بفكر كدا اها تمشي معاي السوق ؟ قالت لي اي الفي شنو والمافي شنو بمشي معاك لكن تيسير عشان الفساتين تكون جاهزه عايزه كم من الوقت القولته ليها الفستان الواحد عايز شهر قالت لي بتهظري قولته ليها جاده معاك انتي ناسيه اني عايزه يكون مدقن ما عايزه فيهو ولا غلطه لو قدرته ابقى الرسمتو دا حقيقه واثقه تمام الثقه اني حا انجح بس لازمني اقرا واتعلم عن الفاشون فهمتي علي ؟؟ قالت لي انا ما فاهمه حاجه لكن اوكيييهه قدام يا صحبتي انا معاك ضحكته قولته ليها قومي يا عكاز عماي الاسابيع الجايه دي كلها حاتكرهي اسواق الخرطوم دي كلها قالت لي اصلا انا جايه احوووم فlest go beby 😌👏
دخلنا السوق وطبعا كنت شايله متي لسسته فيها انواع الاقمشه العايزاها بالتفصيل عشان ما اغلط لفينا لغايه رجولنا اتكسرو مت لقينا غير قماش واحد بس زي ما انا عايزه ...!!! من هنا عرفته انو اصعب جزو في مشروعي دا حايكون الاقمشه ،،
رجعته البيت امي كانت فرحانه شديد بطلاقي لدرجه عملت لي لقيمات ام غريبه صاح...؟!، تاني يوم كان عندي كورس ازياء طبعا باخد كورس الميكب في النت في واحده من القنوات في اليوتيوب مختصه بتعليم المكياج والهدف من دا اني امكيج المودل او انا لغايه ما اقرش والقى لي مودل المهم بحاول قدر ما اقدر انجح في مشروعي بباقي قريشاتي ديل كلمته امي اني طالعه قالت لي دي خالتك مفيده قالت دايره عاينته ليها نظام دايره بي شنو ؟؟ شلته التلفون طوالي شبكتني ملامه ما كان العشم وكيف تطلقي دا مهما كان ود خالتك وكان سترك وغطاك كان شايلك بدل ابوك الماعرفين ليهو درب دا كلمته الاخيره دي وجعتني قولته ليها انا ضهري ما فاضي عشان يسندو لي ولدك الله يخلي لي جدي وخوالي واوووومي القامت بدور الاب والام قالت لي حيلك حيلك مالك هسي فايره كدي ؟ اها دندنه بتنا كيف دايرين نشوفه ناويه تجي متين ؟ولا عجبك الوضع هناك ؟ قولته ليها بتكمم ؟؟ياته دي مش دي القولتي انتي ولدك اني جايبها بالحرام ؟؟ ما عندكم بت عندي وفصلته الخط في وشها وجدعته التلفون في الكرسي وطلعته ،، وصلته المعهد لاقتني غفران دي البتعلمنا او المس بتاعتنا ولا بقولو ليها شنو هي ...😅 قالت لي مالك اليله اخلاقك في الارض قولته ليها مافي شي غمتت لي ورقه في يدي وربتت على كتفي قالت لي بتهون ابستمته ليها وجريت لي كرسي قعدته فتحته الورقه الادتني ليها لقيت مكتوب فيها ...
وغداً ستشرقُ للمدى
وغداً ضياؤك َينبلج
ضاقتْ ولكن لاتخف
ضاقتْ عليك لتنفرج ♡♡
