امي قالت لي لو عرسته البت دي انا ما راضيه عنك قاطعتها قولته ليها امي اهدي واقعدي مبدئيا انا ما حاعمل شي من غير رضاك واخد غضبك وغضب ربنا معاي بس دا ما بيعني اني حا اعرس واحده غيره عن اذنكم .. ابوي قال لي بتلوي يدنا يا آدم ؟؟ دي شنو حركات الشفع دي ؟ قولته ليهو انت في الاول قولته لي العرس سمح لو كان مع الانسانه الاخترته انت من بين بنات حواء كلهم دا الشجعني اني افتح الموضوع معاكم وانا وريتكم اخترته منو وكلكم عارضتو ورفضتو، الحاله انا بتناقش معاكم بس امي دخلت غضب وما بعرف شنو حتى من غير ما تعرف باقي التفاصيل طالما حا الاقي رد الفعل دا منكم معناها ما حا اقدر اصل معاكم لاتفاق يبقى مافي داعي للنقاش من اساسو بس دا ما بيعني ان الموضوع دا اتففل وكل ما تفتحو موضوع العرس حا يكون موضوعي تيسير ابوي قال لي ما ياهو لوي اليد، آدم انا اتحملته قراراتك الطايشه وركوب راسك بما فيه الكفايه وخليتك تعمل ما بدالك لكن كفايه لمن تصل لمرحله زي دي كفايه ... قولته ليهو ابوي ما عايز غيره تمام ! امي قالت لي اكيد عملت ليك عمل والا ما كنت عاينته لواحده زيها البنات السمحات البرا ديى جت وبنات العيل ديل كلهن ما عجبتك واحده غير تيسير ؟؟ عينك ما وقعت الا عليها هي ؟ قولته ليها يمه قلبي هو الوقع ما عيني ودي حاجه متحكم فيها ربنا ما شيخ وانتي زوله مرمنه غلط البتقول لي دا ، من البدايه وضحت ليك انتي بالذات وحكيت عنها من اول يوم شوفتها فيها عشان تعرفي قدر شنو انا واقع فيها يا امي واقع ، والبنات البتقولي عليهم ديل ما يسون ضفره امي قالت لي كلهن يا ادم كلهن ؟ شوفتهن كلهن ؟ قولته ليها جيبهم كلهم ولو قدرت واحده فيهم تملى عيني خلي قلبي داك انا بعرسه ليك البنات الانتي بتحكي عنهم ديل مرايه بس لكن من جوه بايظات ملانات وسخ والنضيفه فيهن ما بتناسبني ، انتو ما شفتوها ما تحكمو عليها لمجرد انها مطلقه ذنبها شنو لو راجله الاول كان باطل زنبها شنو هي ؟ ابوي قال لي بنهره ادم ،، ابعد عن البت دي والموضوع دا انتهى واتقفل خلاص قولته ليهو الموضوع دا ما حا ينتهى طالما انا حاسي اتجاه شي ما عايز من الدنيا كلها شي غيره يا ابوي امي قالت لي انا مستنيه 27 سنه اشوفم عريس عشان في النهايه انت تختار لي واحده بشافعه ؟ انت ليه مصر تحرمني افرح بيك ؟ قولته ليها امي ،،، انا ما حا اكون مبسوط ابدا مع واحده غيره افهمي علي ، امي زعلت شديد ومشت انا اخدته بعضي وطلعته كنت متوقع رد فعل زي دا وخاتي في راسي انو ابدا ما حا تكون لي بالساهل راسي جايط شديد خصوصي بعد رد اهلي فتحته التلفون لقيته رافعه صوره ليها هي وخالاته وواحده تانيه مع اخوات العروس على قدر ما كانو المعاها جميلات بس عيني ما لمحت غيره ، كان نفسي شديد ابوح ليها بمشاعري واحكي ليها عنها جواي هي شنو ؟ بس يديني كانو مربطين ما بقدر اطعن صاحبي في ضهرو واعمل علاقه مع اختو واذا في يوم علاقتي معاها حا تشوف النور فلازم احكي لصحبي واطلبه منو رسمي عشان اقدر اعترف ليها قدر شنو انا بحبها بس كيف اقنع اهلي ؟
........
في جانب تيسير :-
حبوبه قالت لي تيسير بتي ما راجعه معانا شيلي اذن من شغلك دا حبه وارجعي والله حديقتك وزرعح الزارعهو من فوتي بقى باهت قولته ليها بخلعه مات ؟؟ قالت لي لالا مهته بيهو وجدك يومي بسيقهو كان غبا عنو يومو بسيقوهو انا الزهور الفيهو قامت القطيفه زهرت وبقت سمحه ارجعي معاي شوفيها قولته ليها ما بقدر يا حبوبه انا يدوب لي كم شهر كان من هسي اتكاسلته وعملته لي موضوع اجازات الناس دي بتفصلني طوالي ولا بتهظر قالت لي خير يا بتي دامك مرتاحه مافي عوجه تب بس قبيل مان نفسي اقعد معاك واشبع من بتك ما حصل غبتي عن عيني الفتره دي كلها قولته ليها معليش بس اثبت تاني بقدر بتصرف على راحتي قالت لي الله يعدله عليكي محل تقبلي ويبعد عنك واولاد الحرام ♡ قولته ليها امين يا حبوبه ادعي لي عليك الله حبوبه قالت لي ما غبتي يوم عن دعاي كان ركعته كان سجدته دعواتي متلفحاكي انتي وبتك في صلاه قولته ليها ما يحرمني منك يا حبوبه قادر يا كريم ،، امي جات لقتني مطبحه في كرعين حبوبه وشايله دانه لي كرعيني قالت لحبوبه شنو كل مره قاعدين وناسينيني؟ حبوبه ضحكت قالت ليها عندنا مواضيع خاصه بينا برانا امي جات قعدت قالت لينا اليله كان اخرب ليكم مواضيعكم دي ، حبوبه وخالاتي مشو بعد شراب الشاي طوالي وانا طلعته معاهم سواء هم رجعو وانا مشيت شغلي كنت زعلانه شديد كونو حبوبه مشت بس ما كان في يدي شي اعملو ، اتصلته لنشوى كانت مضايقه شديد قولته ليها مالك في شنو؟ شالت نفس و قالت لي اانا و ايمن انفصلنا قولته ليها وين الجديد بكره بترجعو ! اها سبب الشكله شنو المره دي ؟ نشوى قالت لي لاوالله يا تيسير انفصاال عديييل وبقناعه تامه كمان قولته ليها السبب ؟ قالت لي نفسي طلعت منو يا تيسير طلعت منو كرهته حركاتو ذ" اثناء ما بتكلم معاها ادم جاء خاشي " عايز يفتح خشمو اشرت ليهو بيدي مديت
