نفسي قااام بقيت اتنهد طبيعي كل ما اضايق نفسي بضيق ما عارفه العلاقه بين ضيقي ونفسي شنو بس بقيت بضايق من الحتته دي وبقت مؤزماني قعدته ارسم سمؤال قالت لي لسه انتي عاينته ليها من سكات وشلته تلفوني طلعته برا اتصلته لنشوى حكيت ليها الحصل من طقطق لسلام عليكم قالت لي انتي هبله يابت شغل شنو دا التسيبي عشانو ؟؟ انتي حياتك كلهااا واقفه على شغلك دا واول عقبه تلاقيكك تخلي عشان واحد زيو ؟؟ اركزي في مقعدك الشركه دي فرصه عمرك اوعك تضيعيها قولته ليها انا بحكي ليك عشان تقولي اركزي انتي ما سمعتي القولتو ؟؟ قالت لي سمعته لكن انتي لو خليتي الشغل انتي الخسرانه وفرصه زي دي تاني ما حتلقيها انتي مما اشتغلتي في الشركه دي ليك 4 شهور وفي الاربعه شهور دي بقى عندك زابينك وناسك وعندك 10 الف فلو في الاسنتغرام والفيس فاهمه علي ومستوعباني ؟؟ سكته مسافه صغيره و قولته ليها فاهمه عليك قالت لي تقعدي لي شوكه في حلقو تشتغل شغلك ايمه وتبقى ديك يا البجزاويه المخمج و قلى ادبو يدك ما بعيده انتي هسي عشان لسه تحت تاثير الموقف بس بعدين بعد ترجعي لعقلك كلامي دا بقع ليك اكتر قولته ليها فعلا معصبه شديد انا بعد نفسي قام قالت لي هو الموقف مستفز جدا يعني قولته ليها وحاجه زي دي انا كنت مستبعداها منو لكن معليش من هنا وجاي اي زول في حدو والعفويه الفيني حاشيلا برا خصوصي مع رجال السجم ديل ما حاسيب شغلي عشان واحد تافهه وحقير قالت لي ايوه كدا ارجعي تيسير البنعرفه وما تعصبي من اي شي بحصل ليك طنيشي بس يااا زوووله عشان ما تتعبي قولته ليها اوكيهه اسمعي شايفه ادم جاي ناحيتي افصلي ما يحس بسي هو تاني ويعمل لي بلبله وفصلته... ، ادم جاء قعد جنبي وكان جايب سندوتش وعصير في يدو قال لي قبيل ما فطرتي تقومي تقعي لينا زي امس ومداهم لي شكرتو وشلتهم منو اكل من سكات ما فتح خشمو معاي بشي قولته ياربي مصعب كلمو ؟ باقي هم اصحابو يفتنوني بينهم بس لالا ما اظن بعد الكف الاديتو ليهو دا يتجرء يفتح خشمو مع زول قطع حبل افكاري قال لي مالك انتي ومصعب اليله ؟؟ قولته ليهو هاا ..؟ لا ولاشي اختلفنا في حاجه بس عاين لي قولته ليهو شي سخيف يعني سوء تفاهم واتوضح هز لي راسو قال لي خير حسيتو فهم انو انا ما عايزه اتكلم خلص السندوتش ومسك علبه الببسي بيدو فتحه ادفقت في يدو كان في منديل في جيب القميص نفض يدو الشمال وتنى قميصو طلعو برؤؤس اصابعو شال واحد نضف بيهو يدو وشال سجاره اول ما عايز يولعه عاين لي ورجعه محلها قولته ليهو هي بتأذيك انت اكتر مني قال لي بحاول اخليها ربنا يهدنيني بس بتريح قولته ليهو انت بتوهم نفسك بس هي ما بتريح ابداا قال لي وجهه نظر برضو سكته قال لي اول سجاره شربتها كان عشان اثبت لاصحابي اني راجل تخيلي الهباله الكنت فيها ! قولته ليهو وهسي ؟ قال لي بضحكه خفيفه اهبل اكتر من زمان ، قريتي فايل مشروع المعرض ؟ قولته ليهو ما قريتو عشان بالانجليزي قال لي دقيقه مسك تلفونو بعد خمسه دقايق قال لي افتحي الشير فتحتو حول لي تطبيق قال لي التطبيق دا بترجم ليك الملفات والهلم جرا دا كلو ما عليك الا تصوري الورقه وتنزليها فيهو بقوم بترجمته وبعرضه ليك وهكذا بس لازم تحسني الانجليزي بتاعك ما بتقدري تعتمدي عليهو اعتماد كامل قولته ليهو بحاول بس مع الشغل وكمان البيت ودانه صعبه اخش كورس قال لي انتي مش قاريه لغايه تالت و عارفه الاساسيات ؟؟ قولته ليهو اي بس نسيته قال لي النسيان هين بتذكريها عاادي شوفي الانجليزي دا ممارسه كل ما اتكلمتي كتير واتعاملتي بي كتير ان شاالله لو كلمه بتتمكني منو نزلي اغاني ، اقري كتب الليترتشه الصغيره تبع تامن وتالت دي ، احضري افلام ، فلوقات ليتويبرس اجانب واتكلمي معاهم لوكي في الكلمه زي اللبانه وكرهي بيها الحواليك شويه شويه بتلقي روحك اتمكنتي شويه تانيه بتتكلمي بطلاقه الموضوع بسيط قولته ليهو تصدق فكرتك زابطه قال لي وساهله كذلك في قناه في اليوتيوب حارسل ليك الرابطه بتاعه بتزبط امورك قولته ليهو خلاص زابط وانا اسمع اغاني واغنيهم لدانه ضحك قال لي شكله حاتشوف ايام سوداء قولته ليهو هي لاقيه ، عارف اما نكون مجتمعين مع صحباتي ويتكلمو بالانجليزي بتحرج اسال كل دقيقه عشان اعرف بقولو شنو وبحس بنقص واحراج قال لي هو شي مؤذي بس ابدا ما تحسي كدا انتي ما اقل من واحده عشان تحسي بنقص يمكن انتي افضل منهم في حاجات كتيره الفكره انو الانجليزي مهم عشان تفهم بي غيرك وتعاملات الشغل ما بدل على الكمال او انو الزول رهيب دي ما الفكره ابدااا سكته وعاينته بعيد قال لي هييي اتلفته ناحيتو قال لي فكك من عقد البنات دي بكره تتعلميهو عادي حسيتو فهمني شديد قولته ليهو ان شاءالله قال لي بمانو صحى لي اتكلم معاك انت ليه كنتي بتعاملني بافتراء ؟ رفعته لي حابجي قولته ليهو انااااااا ؟؟ شوف منو بتكلم عن الافتراء بالله قال لي ياشيييخه انت قلبتي فجأه ولا ناسه يوم لاقيتك في ساحه الحريه ؟؟ قولته ليهو آدم اقفل الموضوع دا عشان مافي زول هنا غيرك غلطان قال لي يا زوله ؟؟ وعملته شنو هااا ؟؟ قولته ليهو العملتو انا في الساحه والانت مستنكرو وشايفو دا كان رد فعل على تصرفك لمن فصلته فيني الخط وعاملتني بستهتار قال لي دا متين ؟؟ قولته ليهو ارجع بذاكرتك خمسه شهور ورا وقت رسلت لي الصور وطلبته منك حساب البنك تبع وعد عشان انزل ليها باقي المبلغ انت رسلته لي الرقم غلط فاتصلته ليك وانا في البنك تلاته مرات ، الاولى والتانيه ما رديت والتالته فصلته فيني الخط وفضلته مستنياك عشان لو اتصلته البنك ما يكون قفل واخسر وقت رجعته لي قولته لي انتي منو وشنو وشنو وفصلته فيني الخط قال لي انا ما مستتحضر الموقف دا لكن اذاا انا عملته كدا فعلاا فانا اسف بس اكيد اكيد دا ما انا حمرته ليهو قال لي والله مااا انا بقى يتذكر قال يومها انا قولته ليك شنو بالضبط قولته ليهو الكلام القالو لي قال لي في الفتره ديك حسب ما اعتقد كان عندي مشكله حاصله زايد الرقم الانتي كنتي متواصله بيهو معاي دا حق اخوي تلفوني كان بايظ وقته وعشان ما اعطلك رسلته ليك الصور منو ومسحتهم من الاستديو تبعو فبكون دا اخوي ما انا قولته ليهو المفروض اصدقك ؟ قال لي تصدقي ما تصدقي دا شي برجع ليك بس دي الحقيقه الانا عارفه قولته ليهو طيب ليه هسي شغال بيهو ؟؟ طلع تلفونو قال لي مش الرقم لسه قاعد عندك ؟ قولته ليهو اي قال لي طلعي فتشتو قال لي هاتيهو اديتو ليهو سجلو وعمل اتصال قال لي اقري الاسم قريتو كان مسجل الرقم باسم زايد واتصل لي برقمو كنت كاتبه عليهو ادم حاف وداك كاتب عليهو اخو وعد قال لي انا شايف لازمك قعده مع نفسك طويييله عشان الرقمين ديل اي واحد انتي مسجله باسم مختلف قولته ليهو انا من ولدته دانه وانا ذاكرتي في ضعف قال لي ما تملي بلاك عليها سااي انتي من يومك سمكه قولته ليهو باستهتار طبعا ما بتعرفني من سنين قال لي احساسا اي بس حقيقه لا بس كويس انو سوء التفاهم اتوضح مديت ليهو ليهو يدي قولته ليهو هاي انا تيسير فؤاد قال لي اهلا وانا ادم عبد الرحيم تقرفنا قولته ليهو القرف ليك يلا انا ماشه بستاذن هز لي راسو و ضحكك ركب سماعتو وكان بحرك في رجليو وبغني قبل اتحرك امش كان مندقر في تلفونو
سمعتو قال ...
