قفلته التلاجه لقيت ادم واقف بميل مربع يدينو وخالف رجلو اتخلعته قال لي يعني زعلانه مني لسه ؟ اعمل شنو عشان تغفري لي العملتو اكتر من الاعتذار ؟ قولته ليهو ولاشي ما زعلانه منك والفات مات قال لي الفات طالما اثرو باقي يبقى ما فات ابدا ، ما عايز ابرر ليك عارف البدر مني مؤلم بس ما قاصد ءاذيك تيسير لو انتي ما مهمه عندي ما كنت اعتذرته ليك واصيرت اني اراضيك واتلاقيته فيك بالطريقه دي قولته ليهو طالما انت ندمان على القولتو وانك ما قاصد خلاص سامحتك قال لي من قلبك ولا كلام خشم ؟ قولته ليهو لا والله من قلبي مد لي يدو قال لي اصحاب ؟ صافحتو وابتسمته لي رجعته قبليهو شويه جاء طالع شايل اولاد اخو قال لينا نستأذن نمشي بعد دا نحنا عشان ديل ما ينومو لي مصعب قال ليهو الوقت بدري ادم قال ليهو معاد نومهم جاء اذا نامو حا يتعبوني بعدين افضل هسا وهم صاحين امي قالتو ليهو ما قصرته يا ولدي نردها ليك في اولادك ادم ابتسم قال ليها امين ريناد قالت لينا على كدا نمشي نحنا كمان عشان ما ينومو خالي قال ليها طيب اوصلك ادم قال ليهو خليها بوصله في طريقي هشام قال ليهو لا خليها ريناد بوصله عشان اهله ما ياخدو موقف ادم ضحك قال ليهو ظابط ما حا ادخلك في احراجات طلعنا قدمناهم وجينا داخلين ضايرنا البيت ومن التعب نمته طوالي صحيت مكسله من القومه ابداا ما بحب قومه بدري دي وانا طالعه جاني اتصال من ادم قال لي مرقتي ؟ قولته ليهو لسه قال لي جيبي معاك التصاميم عشان اوديهم المشغل ما تنسيهم قولته ليهو فعلا كنت ناسياهم كويس انك ذكرتني قال لي في طريق بيتكم انا اغشاك ولا تجي مع مصعب ؟ قولته ليهو لا بجي مع هشام سلفا هو مستنيني برا رجعته اخدته التصاميم كان في تصميم اتشكح فيهو شاي ولا مويه ما عارفه وصل لي كيف وخربو قولته اعيدو في المكتب ، اول ما وصلته لاقيت ادم في وشي ابتسم لي ابتسامه مريحه صبح علي قال لي جيبي التصاميم ماشي المشغل هسا قولته ليهو في تصميم اتخرب الا اعيدو واديك ليهم كلهم مع بعض قال لي طيب بس حاولي اسرعي محتاج شغل كتير ؟ قولته ليهو حا اعيدو بس عايزه حكايه نص ساعه بس دخلته بديت اشتغل فيهو شويه جات سمؤال قالت لي الناس المجتهده صباحو قولته ليها يسعدو ♡ لا اجتهاد لاشي التصميم باظ وبعدل فيهو وشبهه خلصته ومدياهو ادم قاعد ؟ قالت لي لاقيتو في الباب طالع قولته ليها شكلي اتاخرته اتصلته ليهو قولته ليهو طلعته ؟ قال لي اي لكن ما مشيت المشغل عندي مشوار بخلصو وبجي ما بتاخر قولته ليهو خلاص بمشي المشغل ومنو اشوف الحاصل وفي كذا حاجه كدا عايزه اشرف عليهم بنفسي قال لي يبقى جيبي نخلص الشغل الما خلص امس جيبي معاك الفايل ونتلاقى في "..." قولته ليهو وين دا قال لي خلي باب المشغل يمنك ولفي غرب جغرافي سكته مسااافه وانا بفكر غرب جغرافي دا وين يا ربي ؟؟ ضحكك قال لي بعد تصلي اديني خبر اوكي ؟ قولته ليهو سمح قال لي بخباثه سمح ساااي هو ♡ بعد مشيت المشغل قعدته حكايه ساعه كان في مره كبيره كدا بتتونس معاي وما شاءالله يدها حلوة شديد ادم جاء لقاني قاعده معاها سلمت عليهو بفرحه وحضتنو عليها شديد قال لي استنيني في العربيه برا بعد خلص لحقني قبل يفتح باب العربيه كان في ولد صغير شايل جرايد بوزع فيهم وشكلو بردان ادم مشى عليهو سلم على واتكلم معاهو شويه وشال جريده واداهو السيوتر الكان لابسو لغايه ما وصل العربيه كان برقص من البرد قال لي برد شييين عديييل قولته ليهو شديد الحركه العمله ادم كانت عجبتني جداا خشينا مطعم طلب اكل قال لي الشاي ما شربتو الله ما سالتو عن السبب كان طالب اكل لشخصين قولته ليهو انا ما جعانه كنت تسالني قبل تطلب قال لي انت شمي الريحه بس حا تجوعي امس مش قولتي 24 ساعه خشمك فاتح للاكل ؟ قولته ليهو بس هسا ما جعانه اكلته كيكه مع سمؤال ملت لي بطني قال لي بهدوء تمام ،، خلص اكل وبدينا شغل في نص الشغل جعته يدي اتمدت على السندوتش وانا ما منتبه وفضلته اكل بعد خلصتو ادم عاين لي ببشاشه قال لي احلا حاجه ان تصرفاتك العفويه البتكون من غير قصد دي بتراضي زول من جوووه عاينته ليهو إستغراب ضحك قال لي لمن رفضتي انك تاكلي فكرتك لسه شايله مني بس لما اكلتي الطلبتو حسيت براحه قولته ليهو امبارح قولته ليك صاافي زايد فضل بسيط نخلصو سرعه صحي كنت كان عندي فكره كدا في راسي بخصوص السيشن قال لي نخلص الشغل بالاول ولا عندك فكره ؟ قولته ليهو نخلص بالاول ونحنا بنخلص اقول ليك الفكره عادي جدآ قال لي رايك شنو ننسى الشغل وتحكي لي عنك قولته ليهو احكي ليك شنو ؟ جات رولا قالت ليهو بحنكشه هاي ادم كيفك ادم قال ليها تمام قالت ليهو شوفتك قولته ااطل اسلم عليك ممكن نحكي شويه ؟ ادم قال ليها ما بتقصري ، اتفضلي قالت ليهو لأ على انفراد عاينت لي قالت لي اذا ما عندك مانع طبعا ! قولته ليها لا ابدا اتفضلو عايز اقوم ادم قال ليها تيسير ما غريبه احكي عادي قالت ليهو بس الموضوع شويه خاص قال ليها اي احكي قالت ليهو خلاص نتفق نتلاقى يوم اوكي ؟ قال ليها يكون افضل مشت وهي بتحدر لي قولته ليهو كسفتها ليه ؟ قال لي عشان مشغول هي شايفاني شغال كانت تاجلو طالما الموضوع بتاجل بعدين متاكد انو ما كان في موضوع قولته ليهو انت ليه قاسي كدا ؟ انت احرجتها وصغرتها قدام واحده ما بتعرفه ترضاها لنفسك ؟ قال لي صدقيني مافي شي ضروري ودا طلس منها قولته ليهو مافي زول بجي لزول ساي ملي وقت سكت ما رد لي موقفو استفزاني شديد قال لي تيسير حقيقي هي تستاهل زابط كدا ؟ يلا نرجع لشغلنا ؟ قولته ليهو هي راحتك ما تزعل نفسك كاني ما قولته شي قال لي بعصبيه شنو راحتك دي ؟؟؟ قولته ليهو تمام اهدا فعلا ينرفز ختى القلم لي التربيزه ومشى طلع برا قولته في نفسي بررري الولد دا ماسكاهو نفسيات وما نصيح تصرفاتو كلها مبهمه وما واضحه دا شنو دا الله يشيفي ويعافينا امي اتصلت لي قالت لي دانه جبنها الدكتور خوفته شديد قولته ليها دكتور شنو ؟ ماله حصل ليها شنو ؟ قالت لي اهدي ما تنفعلي جاته حمه ساي وقولته اكلمك طيبه مافيها شي قولته ليها وين انتي ؟ قالت لي في مستشفى"..." قولته ليها جايه عليكم انا لملمته حاجاتي ادم قال لي في شنو؟ قولته ليهو دانه في المستشفى امي قالت لي تعبت ماشه ليها نخلصو بكره قال لي اهدي و اخدي نفسك مافيها شي ارح بوصلك جاني اتصال من رقم ما رديت وصلنا المشفى لقيتهم مركبين ليها اوكسيجن امي ومصعب جنبها خوفته شديد قولته لامي انتي مش قولتي لي حمه ؟؟ دا شنو المركبنو ليها دا ليه الاجهزه دي كلها ؟؟ في شنو بتي ماله ؟ انا خليته كويسه حصل ليها شنو ؟ مصعب قال لي تيسير اهدي عندها نقص في الاوكسجين ادوها اوكسيجن هسي بتصحى قولته ليهو وانا برجف والدرب دا شنو ؟ قال لي دا جلكوز بس ما اكتر ممكن تهدي ؟ مصعب حمر لامي قولته ليهو ويدوها جلكوز ليه ؟ مصعب قال لي ممكن تهدي شويه عشان اعرف اتكلم معاك ؟ قولته ليهو انا ما بصدق القولتو دا انا حاسه انكم انكم مخبين عني شي ما مرتاحه انا ابدا بتي ماله ؟ الدكتور جاء خاشي قال لي يا مدام اهدي شويه بتك كويسه ما فيها شي عندها نقص في الاوكسيجن عشان اتحسست من اكله وعملته ليها ضيق تنفس قولته ليهو وعملت ليها دا كلو ؟ قال لي اي كلو بحصل لو اكلت كميه كبيره قولته لامي هي اكلت شنو اليله ؟ اكلت فاصوليا ؟ امي قالت لي اي غفلتني واكلت غلطتي اعفي لي يا بتي قولته للدكتور هي حا تصحى هسي مش ؟ قال لي اصلا هي جابوها قبل شويه وما تخلعك الاجهزه دي بس عشان راحته مختوته اهم شي عندنا ان المريض تتوافر ليهو الاجهزه المناسبه عشان يتعافى بسهوله ،، دانه كان مركبين ليها درب وجاهز اوكسجين وفي جهاز نبض جنبها زي الكان بركبو لي بعد اتعب ، قومته امي وقعدته ابكي جنبها عقلي كان بودي واجيب وكلام امي ومصعب ابدا ما اقنعني خوفته شديد عليها تكون عيانه بجد او في شي مخبنو علي ادم كان قاعد ما مشى خالي جاء داخل اول ما شوفتو انهرته كنت قاعده على الهبشه ما بقدر استحمل شعره تمس دانه انا بخاف عليها لدرجه الهبل هشام كان بحاول يطمن فيني انها كويسه بس قلبي ابدا ما مرتاح ، دانه فتحت عيونها كنت جنبها اول ما ختت عينها في عيني ابتسمت دموعي جات جاريه شلتها حضتنها الا امي مسكته مني طول الوقت دانه مانت ماسكه يدي الدكتور طمنى عليها قال لينا بتقدرو تمشو بعد تعملو لي التحاليل دي قولته ليهو تحاليل شنو قال لي تحاليل عادي بس عشان نطمن انها سليمه قولته ليهو انت شاكي انو فيها شي ؟ الدكتور قال لي ابدا بتك ما فيها الا العافيه بس حبيت اطمنكم عنها عموما هو تحليل رويتني لو حبيتو تعملو في اي وقت اتفضلو مصعب قال ليهو شكرا ليك دكتور وعاين ليهو رجعنا البيت ادم تقريبا مشى او قاعد ما انتبهت فضلته جنبها طول الوقت حسيت روحي مهمله ومقصره في حقها شديد قعدته ابكي والوم روحي قولته في نفسي شغل شنو وبتك اليله حا تموت وانتي بعيده عنها وما جايبه للدنيا خبر ؟ هسي لو قبيل حصل ليها شي فعلا يا تيسير حا تسامحي روحك كيف ؟؟ قطع حبل تفكيري دانه وهي بتتململ فتحته النور شكلها ملت الحفاضه جبته واحده نضيفه لبستها ليها ورقدته جنبها امي صحت قالت لي ماله دانه ؟ قولته ليها غيرته ليها الحفاضه بس قالت لي عندها حمه ولا حاجه ؟ قولته ليها لالا حرارته مناسبه ، امي انتي في التلفون قولتي لي جاته حمه بعد وصلته قلتو نقص في الاوكسجين كذبت علي ليه ؟ قالت لي تيسير انا خفته تتخلعي انتي باقي بتكبري المواضيع قولته ما ابقى فيكي انتي التانيه باقي بعد تتعبي تعبك كعب سكته سااي ما قولته ليها شي و رجعت نامت دانه كانت بتلعب ودست جوه حضني قعدته العب ليها في شعره لغايه نامت انا النوم غلبني ابدا ما قدرته انوم كل ما عيني تغفى بخاف دانه تقع ولا تحصل ليها حاجه بصحى تاني فضلته بالحاله دي لغايه الصباح دانه فتحت عيونها لقت بعاين ليها ابتسمت لي قالت لي مااا "ماما" دموعي جرت قولته ليها روحي ماما انتي ما اعدم الابتسامه دي يارب اتعطست شكلو جايها التهاب امي قالت لي ما ماشه الشغل ؟ قولته ليها لالا جاني اتصال من نشوى قالت لي لهسي نايمه ولاشنو ؟ قولته ليها ما نومته اصلا قالت لي من شنو ؟ شكلها كانت مبسوطه ما حبيت اخرب فرحته قولته ليها دانه ما خلتني انوم تشيل وتململ قالت لي يمكن عندها سخانه بول بعدين الشتاء متعب بذاات للامهات لازم غيار على مدار الساعه دانه كانت بتكورم نشوى سمعت صوته قالت لي اشتقته ليها والله لا شفتها وهي تحبى ولا هي بتحاول تتكلم قولته ليها بكره تناديك باسمك لمن تزهجي قالت لي ياريتني ياااخ ، كنت حابه اصبح بصوتك فكرتك في الشغل عشان كدا اتصلته ما قايلاك مساهره يلا بايات .. فصلت بجاي حبوبه عاشه اتصلت لي اطمنت على دانه وفصلت ،، شلته دانه طلعته بيها برا تشم هوا لاقيت مصعب جاي داخل شايل اكياس في يدو جاء شاله وباسه في خدها هي تنى رقبته في رقبتو قال لي نامت امس هزيت ليهو راسي اي قال ليها خوفتينا عليك ضحكت ورجعت لنفس الوضعيه قال ليها تعالي شوفي خالو جاب ليك شنو يلا نمشي عاين لي قال لي امشي نومي امي قالت امس ما نومتي قولته ليهو ما نعسانه قال لي حا تقعي من طولك انتي ما تهلكي روحك بالطريقه دي وانا وامي قاعدين امي قالت ليهو وريها عليك الله انا لساني تعب واكل حلفت ما تاكل مصعب قال لي تيسير انتي شافعه تاني ؟ غلط البتسوي دا قولته ليهو نفسي مقفوله من اي شي قال لي اذا من حاحه بسيطه بتعملي كدا لو لاقدر الله حصل شي حا تعملي شنو ؟ امشي ارتاحي وبعد ترتاحي نفسك حا تفتح لاكل قولته ليهو خلي بالك منها ، كنت مرهقه بجد لدرجه ما طايقه اتناقش مع زول في شي دخلته نمته صحيت على صوت على التلفون بضرب كان ادم قال لي اسف صحيتك ؟ حبيت اطمن على دانهقولته ليهو بصوت ناعس كدا كدا كنت حا اصحى دانه كويسه قال لي وانتي كويسه ؟ قولته ليهو طالما دانه بخير انا بخير قال لي بالي انشغل عليك كنتي منهاره شديد اسببك تكملي نوم بعد دا اختصرتو قولته ليهو ما بتقصر واسفه قلقتكم امس قال لي خلي بالك من نفسك ..وفصل
" هي دقائق معدوده يحسبها مزامن المكالمات حين احادثك اظنني بحاجه لتغير هاتفي كيف لالة ذكيه تحسب الدقائق معاك كانها 60 ثانيه فقط ؟!
لما لا يعرض لي في نهايه المكالمه " احبك" ك نوع من المواساة لي ؟ ♡ ""
#محبات🚶💙
