مشينا العريشه قالت لي اسمعي المره جات الاسبوع الفات دا و جابه عمر معاهو من الجزيره لمن عرف انو امي جات شافته نحنا لمن مشينا ليها واتكلمنا معاها هو كان ما في البيت المهم قعده في بيت احمد ود عمي علشان بعيد من الناس ومافي زول من اهلنا ساكن جنبو وكان بصرفه من بعيد لبعيد ومرات يعني بمشي ليها هو زاتو وكان ماشي يودعه حسب علمي طياراته اليله ولا بكره ما عارفه وما بدس منك وسكتت ...قولته ليها ما بدسي شنو احكي اترددت قالت لي بصراحه هي جات علشان ترجعو وعمر موافق انو يرجع معاها لبنان وو.. ماشي يطلع جوازو قولته ليها كل الناس بسمعوني الكلام دا وين الجديد ؟؟ قالت لي الجديد انو فعلا هو ناوي يرجع دا اكيد سكته ما رديت ليها قالت لي انتي لو رجع حاتطلبي الطلاق ؟ قومته منها مسكتني من يدي قالت لي ما خلصته كلامي قولته ليها في شنو تاني ؟ قالت لي انا ما عايزه ادافع عن نفسي وعارفه موقفي بطال قدامك لكن بجد امي ما كلمتني اننا ماشين ليها وانا حكيت الحقيقه واذا ما عايزه تصدقيني براحتك حبيت اوضح ليك علشان ما يحصل زي ما حصل المره الفاتت وعارفاك لسه زعلانه مني قولته ليها هامك رضاي لدرجه جايه بعك اسبوع تعتذري وتوضحي ؟ قالت لي يوسف ولدي كان عيان الاسبوع الفات عشان كدا ما قدرته اجي سكته منها قالت لي كان عندو التهاب وتايفيويد تعبو شديد ولسه ما شدا حيالو ومسكتو لي رغد وجيت علشان اصالحك وراجعه عن اذنك بكون بكاء ورغد اصلا ما فاضيه لي حسيت روحي ظالماها قولته ليها خير ما مشكله عافيه قالت لي شكرا سكته مساافه قولته ليها انتي شوفتي المره دي وش لوش ؟قالت لي اي شوفتها قولته ليها سمحه ؟! قالت لي انتي احلا منها ولو ما مجبور عمر ما كان عرسه ضحكته ليها ضحكه سخريه قولته ليها مساكين انتو جد مصدقين انو مجبور ؟....
؛؛ في جانب ساره ؛؛
ساره انا بسال فيك ردي خليتي بيتك ليك اسبوع قاعده معانا قولته يمكن جايه تسلمي لكن ما شايفك زوله رجعه مالك يا بت في شنو؟! ساره قالت ليهو والله يا ابوي بصراحه انا عايزه اطلق من خالد دا ابوها قال ليها طلاق ؟؟ دا كلام شنو دا ولشنو الطلاق ؟ قالت ليهو يا ابوي خالد قاعد بدون شغل وكل ما يمسك شغله يفكها وانا زهجته من العيشه معاه على طول بارد وما هامو شي اخوانو بصرفونا يا ابوي ولدي كان مرض انت البتعالجو انا راجل ما بتحمل مسؤليه ما دايراهة اهون لي اقعد في بيت ابوي من اني اعيش مع واحد بشحد بينا شحده انا ما بقبل الناس هي التصرف علينا زي الشحاتين ابوها قال ليها وغير الشغل في شي تاني قالت ليهو بس الشغل دا وبقوله ليك من هسي خالد ما شاف ليهو شغله زي الناس انا ما برجع عديل ما برجع ابوها قال ليها كان على الشغل محلوله ارجعي بيتك وانا بتكلم معاو ساره قالت ليهو لا انا ما برجع وما راحعه مالم يمسك ليهو شغل زي الناس ولو انا متقله عليكم بسوق ولدي وبمشي بيت جدي عبدالعال وبقعد معاهم بس رجوع لخالد من غير يشتغل ما برجع ابوها قال ليها انا ما قولته انك متقله علي انا ابوك وهمي مصلحتك وما داير خراب البيوت الكلام الاعوج ما حبابو وخالد دا انا بتكلم معاه اطمني ،،
ابوها طلع منها وعلى طول اتصل لخالد فضل يتكلم معاه حكايه نص ساعه وفصل ...
...................
