استمريت تلاته اسابيع مع الدكتوره كانت بتمشي معاي امي بدل خالي وبناخد دانا معانا بس طبعا انا ما بقرب ليها بس ما بضايق من وجوده زي الاول يعني بتقبل وجوده معاي في نفس المكان بس ما اني اقرب منها الاسبوع الاخير الدكتوره كانت بتحاول تقربني من دانا حاوله معاي مره واتنين لاني اشيله بس ما قدرته بس حالتي شويه اتحسنت من الاول وخالي بقى شغال معاي كتب وتسميع وجاب لي كذا قناه تنميه بشريه في اليوتيوب واجبرني اني احضرهم لغايه ما اندمجته معاهم وبقيت بحبهم ، امي كانت خاته دانا في السرير وهي في المطبخ وانا جنبها بقرا في كتاب دانا بكت بصوت عالي شويه شويه حدت بكاها زادت حاولته اتجاهله ما قدرته كوركته لامي ما اشتغلت بي قالت لي خليهت بتبكي وبتسكت انا ما فاضيه ،، كل ما اقول اتحاهله صوته بيعلي اكتر ماسكه كيس حلاوة في يدي كشكشتو ليها بيدي بدت تسكت شويه شويه انا واقفه فوق ليها في السرير وبكشكش ليها رفعت لي يديها اشيلها شكلها زهجت من الرقده عاينته ليها مسافه وفضلته اشاغل فيها من بعيد لبعيد قعدت تبكي ومصره الا يشيلوها ما عرفته اتصرف كيف خالي جاء داخل قولته ليهو تعال ارفع دانا من قبيل بتبكي قال لي ما فاضي والله عندي ملف جاي اشيلو وراجع نادي ليها امك جاء باسه ومشى ناديت امي قالت لي قولته ليك بتسكت هسي وشالت صحن قالت لي ماشه هنا اودي لجارتنا دي عيانه ما بتاخر راقبيها بس وديك العابه هي نعسانه حركي ليها السرير بتنوم وطلعت فضلته انا وهي برانا في البيت انا اعاين ليها وهي تبكي وبكاها بدا يزيد امي اتاخرت وصوت بكاها بدا يضايقيني لمن عرفته اعمل شنو قعدت ابكي معاها 😂💔 مسااافه هي تبكي وانا ببكي وراها روحي حرقتني شديد ما اتحملته بكاها بطريقه دي يعني في الشارع سمعه مسكتها يدها ومن غير تفكير شلتها كنت ماسكاها وبرجف من فوق لتحت قعدته بيها في السرير قولته عشان لو وقعت مني تقع في السرير ما يحصل ليها شي هي بمجرد ما عصرتها علي بدت تكوس عايزه ترضع شلته البزازه رضعتها اثناء ما برضع فيها كنت بتأمل في الحاجه الصغيرونه دي وحاسه باحسيس مختلفه وجايطه من ولدتها انا ما مسكته بيدي ناهيك عن اني احضنه .. ♡
جسمه كان ناااعم ودافي واطراف اصابعه كانو باردين ، عيونه حلوة شديد من غير شعور ضحكته لمن شفتها بتضحك قربتها مني وشميت ريحته مسااااافه ما عارفه شنو الشعور الجاني وقته بس دمعوعي نزلت وما وقفت خالص امي جاتني لقتني حاضنها وببكي طوالي بكت وحضتني عليها قالت لي اخيرا اخيراااا يا تيسير الحمدلله قولته ليها ما مصدقه اني ماسكاها دي بتي صاح ؟ خالي ضربني في كتفي قال لي لا شاحداها دي بتك الابيتها دندونه حبيبتي قولته ليهم دقيقه انتو نطيتو من وين ؟؟ خالي ضحك قال لي عملنا كدا قاصدين عاينته لامي هزت لي راسه قالت لي الدكتوره طلبت مننا انو خليك براك معاها ولمن سمعته دانا بتبكي وانتي محروقه عليها قولته دي اللحظه المناسبه اشرت لي خالك وفهمني ونحنا ما طلعنا على فكره كنا قاعدين ورا الباب عشان نشوف رده فعلك واذا حا تنجح ولالا ولو ملاحظه الايام الفاتت كنت بحاول اخليك مع دانا براك الله يسهل للدكتور ويعدله عليها محل تقبل فكرته جابت نتيجه الحمدلله خالي قال لي الدكتوره قالت لازم قلبك يوجعك عليها عشان مشاعر الامومه عندك تتحرك يا تشوفيها في وضع خطر وتحاولي تحميها يا اما تتعرضي لموقف زي دا وبصراحه احترنا لانو خلينا دانا في وضع خطر حا تتأذى والحمدلله الفرصه جات بانو دانا تبكي بالطريقه دي عشان تشيليها وكدا ممكن نقول اول مشكله قدامك اتحلت قولته ليهم بجد انا نا عارفه من غيركم كنت حاعمل شنو امي قالت لي لازمي تشكري دكتوره رغد الفضل برجع ليها جيبي دانه انيمه جوه قولته ليها لا خليها في حضني احسن امي ضحكت قالت لي شكلو تاني ما حا نقدر نلمسه نحنا خالي قال ليها ارح خلي الام وبتها يشبعو من بعض امي قالت ليهو انا عايزه انوم تعبته زاتي اليله اصلي العشاء وانوم ،، شلته دانا خشيت بيها الغرفه جوه نيمتها في السرير ونونته جنبها طول الوقت كنت بعاين ليها ويتأمل فيها بجد تخببببببل كيف الوقت دا كلو مر من غير حتى ما املي عيني منها ؟؟ كيف قدرته اكره ملاك زي دا ؟؟ اليل كلو حاضنها وابوس فيها فتحته عيوني لقيتها بتلعب سااااي وبتاكل في البشكير المنيمها في شكلها صحت بدرررري بوستها شديييييد مسكتني من شعري وشخرتني بيدها مسكته اصابعه قولته ليها ضوافرك عايزه قص شويه وحا تبقى كديسه ضحكت وحركت جسمه واتثائبت فضلته اشاغل فيها والعب فيها قريب الساعه عشان قمته من السرير امي قالت لي الكسلانات قومن على حيلكن اليله خالكم عازم اصحابو قولته ليها ما لينا ما زاج نقوم مش دندون امي شالت دندون قالت لي كان دايرها بعد تنضفي تعاليها هناك وطلعت قومته استحميت واصلا ما عندي صلاه نضفته و رتبته البيت وولعته فيو بخور ظريف كدا امي قالت لي انا جهزته الحاجات المحتاجه تبرد الاكل لسه ما مشيت عليهو انتي امسكي الاغويس البتعرفي ليهن وانا بمسك الاكلات الرئيسيه ضحكته قولته ليها دي اسمها الطقه النضيفه ما الاغويس يمه بعدين اذا نحنا الاتنين اشتغلنا دندون نخليها منو ؟؟ ورفعته دانا من السرير بوستها قولته ليها ينفع القمررر دا يهملو ؟؟💋 خالي هشام شاله مني قال لي طبعا ما ينفع القمر دا يقعد معاي وانتو الاتنين انجزو بسرعه عشان ساعه كم وحايصلو نحنا عازمنها فطور ما وجبه نص يخوانا وشال دانه ومشى ،، انا وامي دخلنا المطبخ وبدينا شغل ،الضيوف وصلو كانو تلاته اولاد نضااااااف انضف من ضميري وضاربهم سماحه استغفرالله بس لبسته لي جلابيه استقبال وطرحه عشان تساعدني في الحركه ، خالي فضلهم في الصاله وهم ما مقصرو من شافو دانا يشيلو ويبوسو فيها والله خفته يكملو عسله ويحسروها لي دا يشيله والتاني يخطفو منها ظراف شديد وما متكلفين في كلامهم واحد منهم اسمو زاهير قال لي صغيره شديد يا تيسير عرستي متين بعد هسا عندك قمر زي دا ؟؟ قولته ليهو اتزوجته قبل 4 سنه كدا قال لي بخلعه بجدد يعني عندك غيره دانا كمان ما شاءالله قولته ليهو لا ما عندي ياها بس دانا قال لي كويس احسن زاتو دي القفله الصاح واحده وخلاص صاح دندون ؟؟ ربنا يحفظه ليك وجضمه خفيف قولته ليهو صاح كلامك واتفضلو الاكل جاهز شلته منو دانا امي قالت لي ماشاءالله كان قبيل وقعتي في واحد منهم يا بت بطني ضحكته قولته ليها بعد اييييه تاني قالت لي لخير يا زوله ممكن يجي سعدك قولته ليها ولا سعد ولا غيرو كدي ننفك من الخزين دا ونرتاح ...
تلفون امي ضرب كانت نشوى قولته ليها عندي ليك سبرايز افتحي فديو كول قالت لي احيييييا اموت انا في السبرايز فتحت فديو قالت لي السبرايز خلقتك دي لاحولاااااا ضحكته قولته ليها اصبري شلته دانا قولته ليها ترااااااا ومين بقا بحب دندون اكتر زول في الدنياااا ؟؟ نشوى قعدت تصرررررخ واخيرااا الحمدلله جات شيماء اختها جاريه قالت ليها مالك بتصرخي كدا يابت ؟؟ قالت ليها تيسير شالت داناا فضلته اتونس معاهم بعد فترته نشوى قالت لي عندك لي سبرايز برضو قولته ليها ما احلا من حقتي طبعا ضحكت قالت لي اصلااا انتي حقتك دي بالدنيا فاهمه بالدنيااا قولته ليها اها احكي ايمن ناوي يتقدم ليك ؟؟ شالت نفس قالت لي لا احلى قولته ليها اها شنو شوفتيني ؟؟ قالت لي انا عندي اجازه شهرين و الشهرين جايه الخرطوم اقضيهم مع اسماء اختي وبتاااااااععععع قولته ليها بفرح جد بجد ؟، قالت لي وحااااات الخلق دندونه دي مصطفى حجز لي في باص بااكر وما بتتخيلي قدر شنو مشتيه اشوفكم قولته ليها فرحتيني شديد تصلي بالسلامه ♡♡ اتونسنا شويه وفصل الخط ،، ضيوف خالي مشو صاح قعدو معانا كم ساعه بس ملو لينا البيت اصحابو ظراف شديد وطيبيين وتشوف الطيبه في وشهم عاملونا كانو هم اخوانا لدرجه في واحد قال عطشان مشى لقى الحفاظه فاضيه طلع التلج من التلاجه وملاها وشرب 💙
بليل خالي هشام جاني داخل لقاني بلعب في دانه قال لي تيسير عايزك في موضوع فاضيه قولته ليهو اي اتفضل قال لي الموضوع د بخصوص قضيه الطلاق حسب انتي كنتي مكتئبه ما جبنا ليك سيره انا عايزه تمشي معاي بكره الجلسه قولته ليهو ليه انت ما كفايه ؟، قال لي كفايه بس عايز اختصر الوقت القضيه دي اخدت اكتر مما تستحق طولت شديد وكفايه لهنا بكره بمجرد ما تقولي قدام القاضي انو نفى نسب دانا زايد الشهود حا يطلقكك بتفرقه لعان ونخلص انتي تعبتي شديد ولازم تتحرري من العلاقه المقيداك دي لازم تشوفي حياتك قولته ليهو بمناسبه حياتي انا كمان عايزاك في موضوع قال لي احكي ... قولته ليهو امممم في موضوع في راسي ومقرره اعملو بس عايزه دعم رفع لي حاجبو قال لي في منو في الدنيا دي بدي دعم غير هشاااام عبدالعال ضحكته قولته ليهو ولاااا زول في الدنياا غير هشام ضحك قال ليها اها يا بكش شنو مشروعك قولته ليهو امم امس كنت بتصفح في النت وشوفته فكره عجبتني هي عاملاها واحده اردنيه بس حبيته عامله صفحه في الفيس بتصميم فساتين وكذا وبماني عندي شغف في المجال دا فحابه ابدا اعملو قال لي ممتاذ جداا قولته ليهو انا حكيت لي رغد وحبت الفكره شديد وقالت انو حايساعدني في اني اقلل من النوبات البتجيي عشان ابقى مشغوله قال لي اوكيه عايزه راس مال؟؟ قولته ليهو هو لا دي ما الفكره عايزه دعم معنوي اكتر عندي دهيبات على قول امي عايزه ابيعهم خالي عايز يفتح خشمو قاطعتو قولته ليهو خالي هشام انا عايزه اعمل الحاجه دي مني لنفسي وبوعدك اذا احتجته قروش حا اطلب منك بس الدهب دا كان جزو من الشبكه الجابه لي عمر انا كنت محتفظه بيها بس قررته اني ابيعه واستفيد منها فالحكايه شخصيه بنسبه لي قال لي بعد قولتي كدا ما عندي كلام اقولو فوق قولك ربنا يوفقك وانا معاك وعايزه تختي في راسك انو العايز يقوي مافي شي بوقفو مافي شي اسمو فاشل وناجح في البجتهد بينال قدر اجتاهدو انتي اسعي مطالبه بالسعي ما الوصول فهمتي علي ؟؟ هزيت ليهو راسي قولته ليهو انا ما عارفه من غيرك كنت عملته شنو يخليكي لي ما يحرمني منك يارب باس راسي قال لي انتي بتي يا تيسير انتي والعسل دا وشاغل دانه بيدو ♡♡ قال لي انا ماشي انوم بكره عندي محكمه بدري قولته ليهو تصبح على خير ،،
كنت قاعده في الارض و متكله على ضهري في الكرسي و خاته دانه في كرعيني وبلولي فيها انتبهته ليها لقيتها نامت شلتها نيمتها في السرير وغطيتها كويس ،، مشيت على دولابي محل جادعه تلفوني طلعتو وعندي شريحه جديده ركبتها لقيت روحي محتاجه لرصيد عشان افعل واخش النت لبسته توبي وشلته 150 في يدي طلعته وتركشته الباب عشان ما يقفل نزلته البقاله كانت قريبه من البيت لقيت ولدين واقفين وقفته وراهم مستنياهم يمشو في واحد كان بشرف في سجاره غطيت لاحظ لي طفاها وقال لي سيد الدكان مشي اختنا دي عليك الله اديتو القروش قولته ليهو عايزه كرت mtn 150 شاله مني واداني الكرت جيت راجعه كان في كلب واقف بعيد جريت جري طقشته واحده في باب العماره قالت لي بسم الله مالك يابت ؟؟ الولد قال لي بس ما يكون في ولد ساكك ؟؟ قولته ليهم لالا بس خوفته من الكلب قال لي بضحكه الكلب هين استأذنته وطلعته شقتنا بسحب برااااحه زي الحرامي دخلته المطبخ عملته لي كبايه قهوه مسكته تلفوني فعلته نت وبديت ادور عن كورسات للأزياء واتفرج على استايلات غربيه والخ.... اتصفحته كتيييير وبديت اخت في اهدافي في ورقه عشان اعرف انا حا امشي كيف ، خلصته تصفح وبديت ارسم رسمته زي 5 رسمات كانو ما زابطين جدعتهم وابتديت تاني من الاول فضلته ارسم لغايه الصبح اذن قومته صليت وجيت حضتنه بتي نووومته ،، صحيت لقيته مافي عاينته للساعه كانت 10 طلعته برا لقيت امي ماسكاها قالت لي لقيتك نايمه ما حبيت اصحيك مساهره للصباح مالك ؟؟ قولته ليها كنت برسم مش انا حكيت ليك ؟ وين خالي ؟؟ قالت لي خالك هشام طلع بدري قال عندو مرافعه اليله قولته ليها صاح صاح كلمني امبارح جيت قعدته جنبها قولته ليها امي عايزاك في موضوع قالت لي باستغراب احكي ! قولته ليها عندي دهب في بيتنا هناك عايزاك تكلمي حبوبه ترسلهم لي مع خالي عبدالاله عشان لو كلمتها انا حا تساليني وسين وجيم وانا راسي ما فاضي لدا كلوو قالت لي هي اصلا قالت جايه معاهم تشوفك لكن دايره بيهم شنو ؟؟ قولته ليها في راسي شي عايزه اعملو ولطفاا يا امي ما تساليني عن شي قالت لي سسسسمح ما قولته حاجه لكن اعملي حسابك ما يغشوك قولته ليها اتغش اكتر من الغش الاتغشيتو انا دا ؟؟ انا دايره افتح صفحه جديده يا امي صفحه ملانه انجازات عايزه اعمل لي اسم عايزه اتشاف ما عايزه اكون البت الضحيه الضعفيه اللي الكل بدوس عليها عشان قلببه طيب ما عايزه اكون ببكي طول الوقت واربع يديني واتحسر لغايه ما القى راسي شيب واندم على سكوتي عايزه يكون لي سند اتكل عليهو ما دايره اكون البكايه والهبله خلاص عمر دا غلطه وندمته ليها لكن ما حاسمح ليهو يكسرني اكتر من كدا لهنا كفايه استوب خلاص نقطه سطر جديد فيها تيسير وبتي حبيبتي ووانتي ما دايره من الدنيا شي تاني قالت لي كلامك سمح يا بتي الا ابقي قدرو قولته ليها قدرو ان شاءلله انتي بس ادعي ،،
حبسته روحي في البيت خمسه ايام وانا غير الرسم والكتب ما عندي شي كل ما اكسل اتذكر الناس الضحكو فيني واكلو لحمي وحالفه يمين الا اخليهم يندمو على العملو فيني نفر نفر ، كنت ماسكه دانه في حضني وبرسم امي جات خاشه قالت لي خالك قال ليك جاهزه قولته ليها ثواني بس امسكي لي دانه دي ، مشيت لبسته عبايه ملونه واتمكيجته ومرقته امي قالت لي الصلاه على النبي ماشه وين كدا؟؟ قولته ليها ماشه اجيب حريتي وجايه ضحكت قالت لي ان شاءالله المحكمه تكون لصالحك قولته ليها اكيييد لصالحي ان شاءالله مشينا المحكمه وقعدته في كرسي كدا لغايه يجي دورنا حسيت بيد في كتفي من ورا اتلفته لقيته نشوى سلمته عليها بفرح وبكت معاي شديد قالت لي ما قالو دايره تموتي عشتي لشنو هسي كان اكلنا لينا زلابيه ضربتها في كتفه قولته ليها دا همك جيتي متين ؟؟ قالت لي لي اربعه ايام ولمن عرفته انو اليله اخر جلسه جيت اشوفك خالك قال لي جايه قولته ليها ما بتقصري ... الشرطي نده اسمائنا خشيينا نشوى استني برا .....
#محبات🚶🐣💙
