قولته ليها اخلاق زي دي ما بتناسبنا والله لمن قولته الجمله دي البت فكت البكيه قالت لي وهي بتتنهد والله العظييم ما قصدي امسحيها لي في وشي واالله والله فكرتك بت تانيه هو قبل ما تتصلي كان بكاوي فيني انو شاف غيري ويئس مني خلاص وحتى لمن رد ليك حسسني انو بتكلم مع حبيبتو وما قدرته اتحمل وانفجرته فيك ياخ انا تعبته شديد ومنهاره بسبب الجرجره الحاصله دي واعصابي متوتره من غير شي ، حسيت روحي قسيت عليها شديد قولته ليها ريناد اسمعيني اولا انا كنت بهظر معاك والله واسفه لاني عصبتك حقكك علي ما تبكي بعرف اعصابك ما ناقصه واحساس الانتظار دا صعب شديد ثانيا انا ما اختو والله انا تيسير بت اختو قالت لي حكى لي عنك كتير قولته ليها قشي دموعك دي واسفه بجد ما قصدته ابكك قالت لي اصلا قاعده على الهبشه ما تختي في بالك بينته اني غبيه غبيه صاح ؟ ضحكته قولته ليها يا بت عادي والمريتو بيو ما ساهل والله انتي قويه كونك استحملتي الفتره دي قالت لي ولا قويه ولا حاجه واالله انا بكاااايه عموما كان نفسي اتعرف بيك بطريقه الطف شويه ومن غير ما تشوفي جانبي البكاي دا قولته ليها ياستي انا كان زهجته سساي ببكي واهاك الاخبار الحلوة ولا اقول ليك خلي هشام يكلمك قالت لي بعد العملو اليله دا حابه اسمعه منك انتي قولته ليها لا ما بدخل بين الراجل ومرتو انا قالت لي راجل ومرتو ؟؟ ضحكته قولته ليها خلي هو يشرح ليك بعد دا يلا بااااي وفصلته الخط حسيته بتحبو شديد قولتا في نفسي بختها امي قالت لي منو البختها قولتا ليها ريناد مع اني شايفه خالي دا خساره في البنات كلهم والله ضحكت قالت لي خالك دا لو تبع كلامك للقيامه ما بعرس الله يهنيهو والله فرحانه ليهو فرح هشام دا قولته ليها الله يسعدو يارب وتكون المره البتهنيو يستاهل كل سمح قالت لي صاح ، الا تيسير انتي كان حكيتي لي عن واحد اسمو مصعب شغال معاكم قولته ليها وانا بطبق في ملابس دانه اي مالو قالت لي خالك قال عازمو يوم الجمعه معانا قولته ليها اااه بجد ؟ اصلا هو بعرف خالي اصحاب يعني سكتنا مسافه قولته ليها انتي سالتي منو ليه ؟، قالت لي بتوتر ساااي بس عشان قال شغال معاك وكذه قولتا ليها ااه عارف يا امي اول كنت متخوفه من حتت الشغل دي انو ناس ما بعرفهم واني ما متعوده على البلد يعني ما زي كوستي بحس اني مرتاحه هناك بس لمن اتعرفته على الشباب الشغالين معاي وعاشرتهم بذات سمؤال حسيتهم ناس كويسين بذات مصعب وا.... عايزه اكمل كلامي تلفوني اتصل قولته ليها شوفي دا مصعب شكلو عايز يطمن علي رديت قال لي توته بقيتي كيف ؟؟ قولته ليهو كويس الحمدلله انا قال لي كويسه يعني ولا شاكيه من حاجه ؟ قولته ليهو شديده شديد انت كيفك قال لي الحمدلله طيب لبعدين برجع ليك في نفس الوقت ادم خشى لي في الانتظار فصلته من مصعب رديت على ادم سالني من حالي قال لي تلفونك كان مشغول قولته ليهو ااي كان مصعب بطمن علي قال لي اممم طيب دامك بخير بكره عندنا ميتنغ بخصوص المعرض اذا حسيتي روحك ما قادره ما تجي حابعت ليك الفايل في الايميل بتاعك قولته ليهو ان شاءالله بجي كويسه ما فيني شي قال لي تمام وفصل ..
خالي بعد المغرب جاء داخل كان مبسوطه شديد اول ما شوفتو ضحكته جاء حضني قال لي وشك البجبيب لي الخير دا بحبو للأبد ♡ ضحكته قولته ليهو انا فرحااانه ليك شدييييد ربنا يسعدك يارب قال لي انا ربي ساعدني طالما انتي الخير الفي حياتي امي قالت ليهو هشام دي ما ريناد عفكره !!!
هشام ضحك بصوت عاااالي قال ليها بجرب فيها اذا ادائي كويس امشي محترف ليرناد قولته ليهو والله ؟؟ يعني فأر تجارب زاتي زعلته دانه كانت نايمه سمعته صوته بتبكي قولته ليهم شكلها صحت الحقه قبل تنط من السرير وفعلا خشيت لقيته في طرف السرير قربت تقع جريت عليها جري مسكتها قبل تقع قلبي قرب يقع بعد مسكتها ضحكت قولته ليها كان اخليكي تقعي عشان اشوف ضحكك دا الشينه دي منو ضحكت بقهقه فضلته اتكلم معاها وهي تقرقر غيرته ليها الحفاضه ولبستها وريحتها شعره كان مبشتن شلته الفرشه سلكتو ليها كان في هيد باند اصفر شكل ارنب لبستو ليها بقت زي الارنب ضحكته على شكله صورتها وتاني قعدت تنطنط وتصفق في سن يدووب باديه شبهه قامت عملته ليها روج و تروجته معاها خالي جاء لقانا بنتصور جاء خشى معانا وامي جات قعدو يتعارو في الصور ونعمل حركات هبله في صوره عملنا فيها بوز البطه ملمومين في دانه وهي بتحاول تقلدنا نرفعتها استوري كتبته فيها " البت المنحوسه الاتولدت في نص عيله هبله 😂💋🔕"
صحيت تاني متمحسسسه وطاقتي عاليه لبسته بدري طلعته وخليت دانه لامي مشيت لقيت ادم في قااعد في المكتب صحبته عليهو قولته ليهو قولته فكرته اني براي النشيطه اليله مسح يدو بوشوو وهو بتاثئب قال لي ما نشاط مني انا بايت هنا من امس كان عندي شغل ما خلص كملتو ونمته في الكرسي حاسي في صبه اسمنتي معسم لي ضهري ما قادر اتحرك قولته ليهو دا من النوم الغلط كنت تمشي تنوم في البيت اريح ليك قال لي اهو الحصل تاني قولته ليهو امشي ارتاح وخلي الاستلام لسكرتيره قال لي ما بقدر لازم اشرف عليهو بنفسي قولته ليهو هو جاي متين ؟ قال لي 12 كدا قولته ليهو لسسه الوقت امشي اخدت راحتك ومنو تجهز نفسك وعاينته لشكلو ضحك قال لي بجاي في حمام وعندي ملابس خاتيها هنا للحالات الطارئه + بيتنا ملان ضيوف عشان عرس اخوي نفس مافي هنا افضل قولته ليهو طيييب حا اعمل قهوه تشرب ؟؟ هز لي راسو لمن قربته للباب قال لي ما سالتك بقيتي كيف ؟؟ قولت ليهو زي ما شايف قال لي فله يعني ابتسمته ليهو وطلعته جهزته مكتبي وعملته شاي اتنين بدل القهوه كان في كيكتين بختهم لاوقات الحرجه عشان بجوع كتير قطعتهم وختيتهم ليهو في صحن وشلته كان سمؤال جات قولته ليها اعمل ليك شاي معانا قالت لي دا شنو احتواء الام دا حبيت ياااخ ضحكته قولته ليها المهم انو عجبك رجعته عملتهم تلاته كبابي شويه جاء مصعب خليتهم اربعه كبابي جيت قولته ليهم اي زياده على مسؤاليه صاحبه ما بقدر ارجع تاني سمؤال قالت لي هاتي عنك تسلم الايادي ياااخ مصعب قال لينا بضحكه ان شاءالله ديمه المكتب عامر بالحاجات الظريفه دي ♡
مصعب كان فاتح واتس قولته ليهو من الصباح ادم قال لي في ناس ضروري نصبح ليهم خلي خلي مصعي فتح الاستوري حقي قال لي العلى اليمين دي امك ؟ قولته ليهو اي قال لي تبشهكك قولته ليهو بالعكس كل البشوفوني بقولو اني طلعته على ابوي ما ليها بس شلته عيونها قال لي يا ستي العيون دي كل تفصيل الوش قولته ليهو صاح عاين ليها مسااافه قال لي عيلتكم حلوة سمؤال قالت ليهو وريني كدا ،مسكت التلفون قالت لي بالعكس تشبهي امك اي نعم ما شوفته ابوك بس بجد جايه على امك المزه دا منو دا راجلك ؟؟ ضحكته قولته ليها دا خالي قالت لي دا هشااام ؟؟ ما تخيلتو صغير كدا قولته ليها هو اصغر خوالي عشان كدا قالت لي ما شاءالله صحي تيسير انتي ليه ما قاعد ترفعي صورك مع راجلك ؟ ولا بتستثنيناااا ؟؟ عايزه ارد قالت لي عايني ما نشلبو والله قولته ليها ابدا ما كان كدا بس قالت لي ما تبسبسي لي بعرف حركات البنات دي قولته ليها سمؤال انا وهو منفصلين عشان كدا ما بخت صورو قالت لي اسفه ما قصدته اغلط عليك من الصباح قولته ليها يا بت عادي مصعب قال لي عايني هو الخسران انو طلقك فعادي ما تزعلي نفسك دا غبي بس ضحكته قولته ليهو هو انا الخلعتو مش هو الطلقني عاين لي نظرات ما مفهومه قولته ليهم فضونا من سيرتو من الصباح اطرونا بالخير انا ماشه اشتغل بايات سمعته صوت تلفوني برن في المكتب كان رقم غريب رديت جاني صوت عمر قال لي بقيتي مستقله في عياتك وبزنزس ومن لدرجه ما عندك وقت تردي على راجلك قولته ليهو وينو راجلي دا ؟ قال لي خلاص نكرتني يا عفنه كنت بتبكي علي بدموعك لكن اصبري والله لاسففك التراب قولته ليهو تسفف منو يكلب الحر ؟؟ انت فاكرني زي ما خليتني انا .... جا مصعب خاش سكته عمر قال لي مالك سكتي ؟؟ اااه كملي كلامك يا مطلوقه يا صع... فصلته فيهو الخط طوالي مصعب قال لي كويسه انتي ؟ قولته ليهو كويسه اي عمر اتصل تاني فصلته في مصعب عاين لي قولته ليهو رقم غريب ما ناقصه من الصباح نكد قال لي جيبي احظرو ليك عشان ما يزعجك قولته ليهو لالا بحظرو براي عمر اتصل تاني مصعب شال التلفون قال لي دا قليل ادب جيبي ادي كلمتين بسكت عايزه اسحب منو التلفون سحبو هو لحسن حظي عمر فصل الخط كان حا يعمل مشكله لو مصعب رد ليهو ويفهمني غلط ويقلب فيني الدنيا مصعب قال لي فصل ود اللذينه دقيقه رسل مسج عايز اخد منو التلفون المسج اتفحت ليهو مصعب بقا يقرا فيها بصو قال لي كمان بتفصلي فيني و تتصرمحي مع الرجال يا بت الحرام قايلاني ما جايب اخبارك ؟ لا تالي لا والي كيف ما تتصرمحي ؟؟ وانتي ابوك جادعك جدعه الكلاب وحات امك الجابتك لو ما ربتك وخليتك تلحسي جزمتي يا ش.... هنا مصعب سكت وكمل الباقي في سرو عاين لي وعيونو محمره شديد قال لي دا طليقك دا ؟؟ خطفته منو التلفون قولته ليهو اي ودي مشاكل بيناتنا ببس بحلها طلع تلفونو قال لي انا بربي ود الحرام دا كيف يقول ليك كدا قولته ليهو تحل شنو لالا شكرا انا بتصرف معاه قال لي تيسير جيبيي التلفون ثواني قولته ليهو مصعب مشاكل عائليه فاهمني ؟ لو سمتحه ما تدخل سمؤال قالت ليهو مصعب دا طليقه يعني لو ادخلته حا تتضخم المشكله سيبهم قال ليها بصوت عالي انا ما سالتك انتي وانتي فكي التلفون قولته ليهو مصعب شكرا بس بحلها براي مشاكل عائليه بينااا انا وطليقي تمام ؟ فك يدي قال لي وانا قولته جيبي التلفون ومسك يدي شديد و قلعو مني قولته ليهو انت مستوعب البتعمل فيهو دا ؟ انت كيف بتجرء تخطف التلفون مني بالطريقه دي ؟ انت ما ولي علي فاهم ؟ حدي معاك شغل يايريت تحترم حدودك شكراا لمساعدتك مشاكلي العااائليه بحلها براي مستر مصعب اديني التلفون من فضلك ولا اشغل بي كتب الرقم قال لي وانا ما طلبته اذنك وجدع التلفون ومشى للحظه بحاول استوعب في الطريقه الكلمني بيها من جواي كنت زعلانه شديد كيف بتحكم فيني بالطريقه دي ويضرب بكلامي الحيطه ؟؟ سمؤال قالت لي تيسير مصعب عاقل ما حا يتصرف بغباء اطمني قولته ليها لو عاقل الف منو السمح ليهو يدخل في حياتي كدا ؟؟ انتي ما شوفتي العملو ؟ طلعته زهجانه لقيت ادم قدامي قال لي خير مالك مكرفسه وشك هسي ما كنتي كويسه ؟ قولته ليهو مصعب وين ؟ قال لي ما بعرف جاء شال مفتاحو وطلع خير في شي قولته ليهو في كتير شلته تلفوني وفضلته اتصل لي فصل فيني الخط بعد الفطور كدا جاء راجع كان مضايق وواقف مع ادم قولته ليهو ممكن اتكلم معاك ؟ ادم قال لينا في شنو انتو من الصباح مصعب مسك يدي ودخلني المكتب قال لي خير في شنو ؟؟ فكيت منو يدي قولته ليهو انت منو الاداك الحق تدخل في حياتي ؟ شوف انا حركات الاولاد دي ما بريده وحدك تلزمو انت زميلي في الشغل فاقيف عند الخط دا فاهم ؟ مسك اصبعي نزلو قال لي وغيرو... ؟ قولته ليهو ما تدخل في حياتي بتاتا ما ليك دعوه باي بخصني قال لي تمام قولته ليهو عملته شنو بالرقم ؟ قال لي ولاشي عاين لي مسافه قال لي انا اتصرفته كدا عشان حسابك اختي وما برضى لاختي كدا قولته ليهو شكرا بس انا ما اختك وما تتصرف كدا تاني قال لي انتي من لما جيتي هنا بقيتي اختي قولته ليهو ااه والله ؟ وانت اي واحده شغاله هنا بتبعتبره اختك وبتحل مشاكله كلها دي شنو اللطف دا قاطعني قال لي لا بس انتي قولته ليهو شوف انا حا اوقعه ليك انا فاهمه كويس جدا يعني شنو "مطلقه" بنسبه ليكم انتو الاولاد فاذا انت خاتي في راسك ااااي فهم من دا يايريت تشيلو من بالك واذا انت ما شيلتو انا حاعرف اشيلو ليك بطريقتي ابتسسم لي خفيف وختى يدينو في جيبو عاينته ليهو باستحقار اتلفته عايز امشي مسكني من يدي جريته منو وضربتو كف بعد شاف شعاع قولته ليهو انت واحد قليل ادب وتافهه المره دي كف بس المره الجايه يمين بالله يدك دي اقعه ليك وجربني لو مستغني عن يديك ..
طلعته وجريت باب المكتب بزهج ادم قال لي براحه بتكسري حمرته ليهو ومشيت ، كنت مستغربه في مصعب الكنت فاكره بريء قدر شنو طلع انسان قذر واستغلالي يعني ما استنى خبر طلاقي الوصلو يتم يوم عشان يوريني وشعو الكعب في يومو بدا استغلال نشوى كلامه صاح لمن قالت لي ما تقريبي من الشباب ديل كتيرين عشان الرجال ديل كعبين وبعاينو للمطلقه كانها عاهره كلامه صاااح وفعلا قذرين شديد من بكره بقدم استقالتي وبرتاح من حركات مصعب وقذارتو ياما مشيتو كنت فاكره عفوي وما قاصد بس طلع قذر شديد .....
......
#محبات🚶💙
