خالتي قالت لي ابوها عمر يا تيسير بعد قالت كدا جسمي من فوق لتحت برد قولته ليها وين قاعد ؟؟ قالت لي شاله مشى بيها البقاله قال عايزه يشتري ليها حلاوة قولته ليها انتي كيف بتديها ليهو اصلا مصعب قال لي تيسير اهدي ما كدا قولته ليهو شنو اهدى انت ما سامعه بتقول في شنو ؟ هو هددني انو ياخده من يدي وقدام عيني مشيت جري على الباب اول ما وقفته في العتبه جاء خاشي بيها خطفتها من يدو طوالي شلتها قال لي بسم الله مالك ؟ قولته ليهو يسمو عليك فطيس انت كيف بتجرء تشيله ؟ عمر قال لي بتي لي حق فيها قولته ليهو حقه ان شاءالله بتك دي عرفتها هسي ؟؟ مش دي النكرتها ؟ ثم انو الجابك شنو انت ؟ مد يدو عايز يشيله زحيت منو خالتي مفيده قالت لي تابي لينا ببتنا ؟ عاد دي ما سبقكك عليها زول والله ! قولته ليها بتكم ؟؟ بتكم دي تمت سنه في زول واحد فيكم رفع سماعه التلفون سأل منها ؟؟ ما عندكم بت عندي دي بت انا الجبتها من رجال الشوارع ولا نسيتي حبوبه قالت لي تيسير ما بقولو لي كدي اهدي انتي زوله قلب قولته ليها ما فيني الحبه دي انا العندهم قلب ياهم القدامي ديل عايز امشي عمر مسكني من يدي وضغط عليها قال لي شايف عملته ليك لسان وكمان بتكوركي في امي يا حيوانه جسمك برد من الضرب مش ؟؟ دقيقه اذكرك شكلك نسيتي .. ورفع يدو عايز يضربني مصعب لصق ليهو كف بعد شاف شعاع لو ليهو يدو ومسكو من خشمو قال ليهو تضرب منو يا معرص ؟؟ يمين بالله لو ما امك الواقفه دي كان دفنتك في حتتك دي ما اختي البمدو عليها يد بثطعه ليك يا كلب فاهم ! ادم مسكو قال ليهو مصعب اهدا ،، مصعب عيونو بقت حمرا قال ليهو ادم فكني انا ما صدقته لقيتو قدامي خليني افش غلي الحيوان دا ادم قال ليهو مصعب ما كدا ما تخش سجن عشان واحد زيو فكو عمر بقى بتنفس يالله مصعب بعد تحانيس حتان خلاهو خالتي مفيده قالت لي مصعب كعب زي ابوك عاد ما تربيتو كيفن ما تكون زيو مصعب قال ليها كلامك صاح تربيت ابوي الرباني على اني احترم المره و ما ارفع يدي على مرة ولا اهدد لاني راجل ما باطل زي ولدك ومشى منها خالتي مفيده قعدت تهرج قالت لي كلو منك راس الهوس تابيني لينا ببتنا ااه ؟؟؟ لا دي ما سبقكك عليها زول والدها براك ؟؟ خالي هشام قال ليها بنهره اي والدها براها ومهتمه بيها براها وربته براها وبتكم دي عرفتوها اليله ؟؟ عمره كم تقدري تقول لي عمره كم ؟؟ عارفه عنها شنو ؟ ولاشي صاح؟ كل الحاضرين هنا عارفين انكم نكرتو دانه حطب وقولتو القولتو عن تيسير وبت اختكم اللهي في الحق بتكم مسحتو بكرامته الارض وخليتو سيرته على اليسوى وما اليسوى ووطيتو راسنا في الارض انتي قبل ولدك الباطل الرجع عشان يخرب حياة تيسير بس ما اكتر خالتي مفيده قالت ليهو ربته بوين وهي اليوم كلو برا البيت تتحاوم من محل لمحل المطلوقه هشام قال ليها بتتحاوم عشان شغاله بتصرف على بتها بعرق جبينه هي بقت ليها الام والابو فس حين انو ولدك استخسر فيها اسمو جبن اسمه ومافي مطلوق هنا غير ولدك وكلمه زياده يا مفيده حا تسمعي مني كلام ما يعجبك عايز يمشي خالتي مفيده قالت ليهو حتى انت اخوي الفاااهم العاقل بتتهدني انا اختك عشان ..قبل ما تكمل هشام قاطعه قال ليها انا الشايلو منك انتي يا مفيده كتيييير شديد ضاغط على قلبي هنا دا والسويتهو في تيسير بترد ليك في بناتك فخافي الله فيها وكفايه اذيه دي بت اختك من لحمك ودمك عيب لمن تكوني اكبر مني واضطر انا الصغير اوجهك شينه ،، حبوبه قالت ليهم خلاص ياااخي كفى تعبتوني وهردتو كلاااي محل ما مشين تشاكلو بيناتكم عيال عاشه فعلو وعيال عاشه تركو والناس تنهش في عضمنا سويتك ليك المسكينه دي انتي ولدك اااه ؟؟ سوت ليكي شنو ف بعد كارهاها كدا ومستسخره فيها الراحه ؟ انا كنت بسمع الكلام وبكضبو لمن قول لي مفيده بتك هي القالت قلبي بحرقني من جوه حشااااي هنا دا بتحرق تيسير الانتي معاديها دي ياها اليوم تقعي قاعد ترفعك دي مش البت الاستحملت ولدك تلاته سنه تمسح ليك دموعك البنزله ليك ولدك ؟؟ ياها ولا ما ياها يا مفيده ؟؟ هشام قال ليها يمه اهدي االضغط قالت ليهو زح مني كدي خليني اقول الفي قلبي انا كان يوم موته السبب انتي دي واشرته لخالتي مفيده ، انا قلبي غضبااان عليك غضبااان يا مفيده كان بتازي بت اختك زي دا غضبان عليك امي قالت ليها يمه ما تقولي كدا دي بتك ما تنسي حبوبه قالت ليها احيييي انا حارقني انها بتي حارقني ومقطع قلبي انها بت حشاااي كان كانت واحده تانيه ما كانت حرقتني قدر دا بتي الما راعه الدم ولا ختت قيمه لاخته بتي اريتني موته وما ولدتك يا مفيده اريتني وقعته كسرته رقبتي طق وما شوفته البتسوي في بت اختك وانت يا عمر يمين باللُُه تتعرض للبت دي تاني كان هي كان بتها الله في سماها اخليك عبره للقاعدين فاهم ياعرة الرجال ولا ما فاهم ؟ عمر قال ليها بتي بشيله حبوبه وقفت على حيله وقربت عليهو قالت ليهو كلمتك بقت بكلمتي ؟؟؟ سمح يا ود مفيده هديك ليها البت قسماااعظمااا يا عمر يا ود
