قولته ليهو عشان خاطركم انتو كلكم انا جيت على نفسي كتير وما كتير وبس كتير شديد ولغايه هنا وطفح الكيل انا طالبه الطلاق رضيتو ولالا انا حا اطلق منو عمي الامين قال لي لا لا ما تقولي كدا العني الشيطان قولته ليهو مافي شيطان غير ولدك جدي قال لي بنهره تيسير انتي حا ترجعي بيت راجلك بمجرد ما تولدي وعمر حا يرجع لببيتو غصب وتربو ولدكم الاتنين سوا وانتهي النقاش لهنا قولته ليهو لا يدوب النقاش بدا انا ما حاعيش ثانيه مع واحد لا بحترمني ولا بقدرني وخاين وقذر كمان جدي قال لي ما تنسي دا كان اختيار انتي وابو الجاي في بطنك دا قولته ليهو صاح كان اختياري وانا الاصريت اني اعرس وندماااانه وسافه التراب عرستو عشان كنت فاكره انو السند البصوني ما كنت عارفه انو يويزلني ويمسح بكرامتي الارض ولو رجع بي الزمن كنت حا اقتل روحي بيدي حالف الحبل على رقبتي وما اختارو، غلطته وكانت اكبر غلطه في حياتي واستحملته نتايج غلطتي دي كتير وعايزه انهيها جدي قال لي فكري في الولد الفي بطنك دا عايزه يربي من غير اب ؟؟ قولته ليهو انت شايف ليهو ابو ؟؟ اذا ابوهو قال انو ده ما ولدو انو الفي بطني ما منو عايزو يكون ابو كيف ؟، عمي الامين قال لي عمر ما كان كدا دي الغريبه ديك غيرتو قولته ليهو هو اكعب من كدا بس انت ما بتعرفو وانا زاتي ما كنت عارفه وياريتني ما عرفتو جدي قال لي مهما حصل ما سبب كافي للطلاق في ولد بينكم افهمي قولته ليهو بدل السبب عندي الف لو عايز وقادر انك تسمعني بسمعك جدي قال لي غير كلامو دا وعدم جيانو في شنو تاني ؟ حانصلح البينكم بس انتي ما تقوي راسك دي مشاكل عاديه ما تكبري الموضوع قولته ليهو في كتير بس انا كنت بخبي وما بحكي ليكم عشان ما اشيلكم همي وعشان كنت حاسه بذنب واقول دا غلطي انا استحملي نتايج غلطك بس ما قادره خلاص استحمل حيلي اتهدا طاقتي خلصت كان بخوني وبتكلم مع بنات وانا كنت عارفه لانو بمجرد ما انوم بمسك تلفونو ويتكلم اليل كلو وكنت سامعه بس كنت بكضب روحي وبقول ديل اصاحبو ، ما حصل اهتم بي واوريك كان بعاملني كيف ؟؟ ذي الكلبه بجيبها بليل بس واذا رفضت بدقني وعلاقتي معاهو سرير بس وبعد يخلص بجدعني زي الفطيسه ، امي قالت لي تيسير خلاص قولته ليها ما خلاص مش عايزين اسباب ؟؟ بديهم اسباب خليهم يعرفو خليهم يعرفو كان بعاملني كيف جسمي كلو مورم كان بدقني دق العيش لمن ارفض لي طلب ومره كشح القهوه حاره كباها في بطني عشان ما عجبتو ولهسي اثاره قاعده اوريك ليها ؟؟ لمن شاكلتو وقت جات مرتو لزاني بعد الباب ضربني في راسي يومين انا ماسكه راسي من الوجع ، ما بحترمني وشايف النسوان كولهم احسن مني فاي شي وانا ما نافعه لشي ومستخسر فيني قوله كيفك حتى الغوشتين الجابهم لي وقت جاء شالهم لمن سافر عشان غاليات علي شديد ، بشك فيني من الهوى عشان كدا ما كنت بجيكم وقت كان قاعد عشان فاكرني زيو بخون من وراهو وكتيير بلقاهو بفتش في تلفوني لسه عايزين اسباب تانييه ؟؟ بعد كل المر الضوفتو معاهو ما فتحته خشمي بكلمه وهسي جاي يقول انو ما جايباهو منو كنت بلفلف في الشوارع ؟؟ يوم واحد فيكم لقاني لافه مع ولد ؟ لمن واحد يطعنك في شرفك ويشكك فيك وتجي انتو تقولو لي اقعدي معاه دا معناه شنو انو كلامو صاح مش ؟ اقعدي عشان نداري الفضيحه صااح ؟؟ انا دوسته على كرامتي كتير لكن لمن تصل لانو ينكر ويطعني في شرفي كتير شديد ولو رجعته ليهو تاني معناها فعلا انا جايباهو من الشارع ، كلهم سكتو ومافي زول نطق بي كلمه امي وحبوبه بكو ، عايزه اتحرك امشي جاني مغص وراسي لفى شديد ما وعيت بروحي الا في المستشفى كان جنبي امي وحبوبه وخالي هشام الدكتور قال لي حمدلله السلامه حا تشرفينا باقي اليوم دا وبعد الضهر اذا اطمنا على وضع الجنين بنطلعك قولته ليهو مالو الجنين ؟، قال لي الدكتور المتابعه مش حذرك من الانفعال والعصبيه ؟؟ ضغط دمك ارتفع شديد والخوف عليك انتي المره الجايه نحمد الله المر دي عدت بسلام اعملي حسابك المره الجايه هزيت ليهو راسي ،، الضهر طلعنا من المستشفى رجعنا البيت خالتي مفيده وهاله ونجلاء زارونا في البيت حمدلو لي السلامه امي بعد مشت خالتي قالت لي ما كان في داعي العملتي عمر حكى لي انك كنت بتبلعي حبوب يبقى حملتي منو كيف ؟؟ وقاعد سته شهور حملك يظهر بعد يمشى ؟؟ قولته ليها بمانو قال ليك كشفني يبقى كدا فهمتي انو منعني عنهم صاح ؟؟ والاربعه شهور دي عمر كان قاعد حملي الظهر بعد مشى ما حملته بعد مشى واصلا انتي دايما بتصدقي ولدك انا ما مستنيه منك ولا منو شي كنت ببلع عشان ما عايزه اشيل جواي شي من ولدك القذر قالت لي ولدي القذر دا كنتي تموتي وتعرسي قولته ليها صاح كلامك وموته فعلا عموما ما تشيلي هم لا انا ولا الفي بطني محتاجين ليكم لا انتي لا هو هاله قالت لي تيسير اهدي ما عايزين نرجعك المستشفى تاني ما صدقنا انك بقيت احسن قولته ليها انت شايفاها يا هاله خالتي طلعت وهاله فضلت معاي قالت لي ما تركزي مع خالتك انتي عارفه حركاته سكته منها ، اب الغرفه دقه كان خالي هشام سلم على هاله قال لي اها احسن هزيت ليه راسي قولته ليهو الحمدلله جات نشوى خاشه سلمت علينا خالي استأذن طلع ، نشوى قعدت تبكي قالت لي امك حكت لي خوفته تروحي مننا قولته ليها ياريتني روحته وخلصته ضربتني في خدي ضربه خفيفه قالا لي تفي من خشمك هاله قالت لي ما صاح تقولي كدا يا تيسير مرحله وحاتعدي ، ما كانت طايقه اتكلم مع زول ولا اسمع نصايح خالص دخلني كره للبيبي وكنت مضايقه من وجود وانو ولد القذر داك،
اكلي قلا شديد امي كانت بتجبرني تجبر على الاكل على طول بقعد براي وما بحب اقعد مع ناس وعمر وصلت ليهو القذاره لانو يكلم الناس وينهش في عرضي وانو انا بت كعبه والفي بطني ما ولدو....!!
جدي كان مضايق شديد من كلام عمر والموضوع انتشر بصوره رهيبه واغلبيه الناس بقت ما عندها سيره غير بت معزه الحملت من راجل غير راجله ؟؟ النسوان الكانو بجو لحبوبه كانو بيسمعوها كلام وحبوبه بتديهم كلام احرا من البقولو حتى خالتي بقت تتكلم فيني ...
امي يوم سمعت خالتي بتتكلم مع واحده جارته خالتي قالت ليها تيسير دي اصلا ما كانت زولة ستره بتمرق سااي وبتمشي وين عليمك الله وعمر ولدي كم مره حذره لكن ذي ما بقولو النعجه الهامله بعد تلقى الفرصه بتنطلق امي قالت ليها النعجه دي بتي يا مفيده ؟؟ خالتي سكتت امي قالت ليها من اليله وقدام حسنه دي يدي لو صافحت يدك ولا رجلي وطت عتبته بيتك ابوي عبدالعال ما يبقى جايبني وقت بتشهري ببتي للناس وتقولي فيها الشينه الفتشتيها انتي وولدك فيها وما لقيتوها حسنه قالت ليها النصيحه يا مفيده تيسير بعرفه من صغيره ما حصل لقيته لافه ومرقان على الناس ما بتمرق لكين ولدك المخلا بت في كوستي وما مشى معاها امي قالت ليها الشريف ما محتاج اثبات الكعبه في الوسخ ود الرحم وبنهش في لحم اخو ومشت منها ، جات زعلانه شديد وقعدت تبكي حبوبه قالت ليها معزه مالك يابت الببكيك شنو ؟؟ امي قالت ليها مفيده اختي ماسكه نسوان الحي واحده واحده وتتكلم في عرض بتي اتخيلي يمه اختي من بطن واحده بتعمل كدا خلت شنو للغريب يمه ؟؟ حبوبه قالت ليها سمعتي ولا جابو ليك ؟؟ امي قالت ليها سمعته وشوفته يمه ومن اليله انا ما عندي اخت اسمها مفيده واياكي تجيبي لي سيرته صحي المواقف بتوريك اخوك ياتو حبوبه قالت ليها لا حوله ولا قوه الا بالله انا ماشه عليها امي مسكته من يدها قالت ليها حلفتك يمه لا تمشي ولا تساليها ما صغيره تاني عشان ما تحسب لتصرفاته حبوبه سكتت وعاينت لي انا سكته ما قولته شي امي اخدت بكيته وسكتت ...
