شلته اليل كلو تفكير في كلام امي كنت واثقه انو عمر دا ما حا يوقفو عرس ابدا بالعكس حا يزيدو عناد عمر اناني، اناني شديد ما بقدر يشوف غيرو متهني ومبسوط ابدا بليل جاتني مسج من عمر كاتب لي فيها لو عرستي بقتلك ! اتجاهلته الرساله كأني ما شوفته شي قولته في نفسي شكلو الموضوع حارقو فعلا طالما هو خايف اني اعرس معناها ممكن يكون حل مناسب وممكن الراجل داك يكون كويس وتنسي آدم بالمره ..!
كنت بشرب في شاي الصباح هشام جاء قعد جنبي يشرب قال لي امك امبارح قالت كلمتك في موضوع العرس فكرتي ولا لسه ؟ قولته ليهو بفكر قال لي وريتك المتقدم ليك منو ؟ هزيت ليهو راسي لاالا قال لي متقدم ليك زاهير سليمان العقيد المرتو اتوفت السنه الفاتت في الولاده كان اتقدم ليك قبل كدا بس قولنا ليهو صغيره قولته ليهو بس دا كبير اكبر مني هشام قال لي ما كبير شديد عمرو في التلاتينات هو زول كويس وصالح حتى مرتو الله يرحمه كان معيشه في نعيم عطوف وحنون شديد والناس كلها تشهد عليهو يعني الانتي محتاجه ليهو حا تلقي عندو ليك ولي بتك ما عايز اضغط عليك بس انتي عندك بت وما اي راجل بقبل بالحاجه دي وزاهير ما عندو مشكله انا شايف دي فرصه مناسبه لانك تبدي صفحه جديده مع انسان بستاهلك وبحترمك والاهم من دا كلو قادر يربي بتك ،، تيسير انتي عندك بت والحاجه دي ابدا ما هينه ففكري في بتك ومصلحته ومصلحتك كمان فانو تلقي واحد يشيل معاك مافي زول دايم لزول والوحده كعبه شديد الدنيا حا تلف بيك و دي الفرص الحا تكون متاحه ليك من هنا لقدام ما عندك فرصه كتيره اذا في حد اتقدم ليك حا يكون عمرو في حدود التلاتينات والاربعينات وانا شايف عمرو مناسب جدآ ... خالي بعد قال كدا سكته كملته الشاي قولته ليهو انا طالعه بعد دا عايز شي ؟ قال لي لالا ..
طول الوقت بالي كان مشغول وبفكر فعلا انا فرصي بقت محدوده شديد انا ما بفكر في الزواج بعد الحصل لي مع عمر عرسته مره وحياتي ادمرت ما عايزه اعيد واكرر نفس التجربه تاني ! سمؤال قالت لي المدير طالبك قولته ليها خير ان شاءالله !! مشيت دقيت الباب ودخلته المدير قال لي ماشين كيف في التقرير ؟ قولته ليهو كويس شديد واحتمال نسلمو قبل الخميس زاتو امس مصعب لقى ممول المدير قاطعني قال لي اي كلمني ، بس دا ما الموضوع الجايبك عشانو اتفضلي اقعدي قعدته جاء قعد في الكرسي المقاصدني قال لي بتك كيف ؟ استغربته سؤالو قولته ليهو كويسه الحمدلله قال لي اتزوجتي و اخدتي فرصتك في الزواج تجربتك كانت قاسيه بس اكيد ربنا حا يعوضك يعني ، بس لمن يعوضك حا يعوضك بواحد زيك اقصد سبق ليهو الزواج وعندو خبره و انا واثق انك عاقله وفاهمه ودا الشي الاداني شجاعه اني اجي اتكلم معاك فاهمني ؟ قولته ليهو الصراحه لا ما فاهمه ؟ قال لي طيب افهمك انا ما ابوك لكن في مقام والدك ولا ما كدا ؟ قولته ليهو صاح قال لي حياة المرة المتزوجه بتختلف عن البت اللسه عازب مافي واحد عاااقل وواعي برتبط بواحده كانت حقت غيرو وغالبا العلاقات الزي دي بتخلص بسرعه لانها بتكون نتاج نزوه ما اكتر قاطعتو قولته ليهو اعذرني على الماقطعه لكن انت عايز تصل لشنو ؟ اتكلم بوضوح اكتر من فضلك قال لي طيب كويس انك قولتي بوضوح عشان زاتي امور اللف والدوران دي ما عندي، انا ملاحظ لعلاقتك بآدم قاطعتو قولته ليها ااااه آدم ولدك ! مافي بينا علاقه هو صاحب اخوي وزميلي في الشغل بس ما اكتر ولا أقل يعني من الناحيه اطمن وانا عارفه حدودي و روحي وحياتي كويس مافي داعي للكلام دا عن اذنك، طلعته منو مستعجله حسيت بغصه في قلبي نفسي كان كاتم شديد فتحته الشباك اشم هو نزوة ؟ يقول لي لو في بيناتكم علاقه انتي نزوة ؟؟ انا مطلقه ما جربانه عشان يعاملني كدا ! بعد مسااافه قولته لنفسي كويس انو هرشني عشان اعرف حدودي مع آدم بصورة اوضح، عيني وقعت على آدم وهو داخل فضلته اعاين ليهو لغايه اختفى عن عيني، اتصلته لنشوى قولته ليها وين انتي ؟ قالت لي قاعده في البيت قولته ليها عايزه الاقيك فضل لي نص ساعه واخلص نتلاقى ؟ قالت لي تمام وانا بجهز في المسافه دي، خلصته شغلي سرعه سرعه وشلته شنطتي لقيت مصعب كان وراهو آدم في وشي مصعب قال لي انتي كويسه ؟ قولته ليهو الحمدلله كويسه اي قال لي حاسي بيك مضايقه ؟ قولته ليهو لا مرهقه بس عن اذنكم آدم قال لي وين ماشه في شغل قولته ليهو خلي لبكره قال لي مافي طريقه ضروري نناقشو اليله قولته ليهو شوف المناسب واعملو، طلعته خليتهم واقفين لقيت نشوى قاعده مستنياني قالت لي اتاخرتي طلبته شي اكلو لبين ما تجي قولته ليها كويس انا زاتي جعانه ، اها مشينا السوق ؟ قالت لي مالك انتي ؟ قولته ليها مافي شي قالت لي مافي دي تقوليها لامك واخوانك ما لي في شنو ؟ قولته ليها نشوى ما تكوركي فيني عشان حا اجوعر ليك هنا دي ، قالت لي بصوت هادي في شنو طيب ؟ قولته ليها متقدم لي عريس وراسي شاطب وما عارفه اعمل شنو؟ والدنيا كلهااا ضاغطه علي حتى الهوى البتنفسو قالت لي هو من ومن وين يمكن يكون كويس حكيت ليها تفاصيلو قالت لي اول شي انا ما عايزك تقارني علاقتك بعمر مع الراجل دا نهائي لانو دا ما عمر تاني شي انسي الدنيا دي كلها وانشي استخيري يمكن يكون خير ودا العوض قولته ليها نشوى دي ما الفكره قالت لي في شنوو غير ديل دانه ؟ اتردته قولته ليها نشوى .... ادم ،نشوى قالت لي لا يا تيسير لا لا نهاااائي لا انا ما عايز اقول شي يجرحك بس ادم ما ليك، تيسير مافي ولد شاااااب بعرس مطلقه وببتها كمان ما حا يربي بت غيرو الولد عايزه واحده لسه جديده ينبسط معاها وتكون بتعيش اللحظات دي لاول مره هو المعررررس لو عايز يدبل بخت اول شرط انها تكون ما عرست قبل كدا ولو بيدو يقول ولا حصل عرفت راجل في حياته ؟ و آدم دا ما زيك ولا هو شبهك فاهمه علي ؟ انا معاك انو بجذب بس ما لدرجه تحبي لووقبيل ادم ظهر قبل زواجك من عمر كنت دعمتك ووقفته معاك وشجعتك بس انتي مطلقه وعندك بت ما تختي آمال بعيده بقولك مد كرعيك قدر سرير آسفه يا يمكن كلامي جارح لكن اسمع كلام الببكيك ما البضحكك ما بقدر اشجعك على حاجه انا عارفه انها مستحيل تحصل شيلي آدم دا من بالك لو قدرتي ابعدي عنو عشان ما تتعلقي اكتر قولته ليها انا مستوعبه البتقولي دا كويس وفاهمه خصوصي انو ابو اليله قاال لي كلام حار جابه لي بفوق ما قاله لي عديل نظام لو في بينك وبين ادم شي ابعدي عنو قال لي انتي نزوة حا تكوني نشوى قالت لي كلامو حار لكن حقيقي ما بقدر الومو عشان دا ابو بس ماكان يقول ليك كدا في نهايه ولدو ما شافع بس بكون ما قاصد نشوى قالت لي بكره بعرس واحده غيرك ودا شي اكيد وواقعي قولته ليها فاهمه، فاهمه يا نشوى والمصيبه اني فاهمه ،،، سكتنا مسافه قولته ليها ارح نخش السوق قبل الوقت يتأخر ، دخلنا السوق اشترينا حاجتنا وطلعنا ، باقي اليوم كلو قضيتو بلعب في دانه مصعب قال لينا ارح عازمكم عشاء قولته ليهو انا ما ماشه امشو انتو امي قالت لي ارح قومي غيري جو قولته ليها ما عايز قبيل طلعته مع نشوى امي قالت لي قومي قولته ليك قومته بكسل غيرته وطلعنا في قعدتنا مصعب اتصل لادم قال ليهز كان قريب ل ".." تعال طقه نضيفه وزااابطه شديد وفصل منو بعد شويه آدم جاء الوضع بنسبه لي بقى لا يطاق سلم علينا وقعد طول القعده بحاول اتجنب نظراتو ، ماسكه دانه بيديني بتلعب في كرعيني في التربيزه الجنبا كان في بت قدره بتلعب مع ابوها لابس جلابيه ودقنو طويل دانه عاينت ليهم مساافه وبطلت لعبت وعاينت لخالي هشام كان لابسه جلابيه ومدت ليهو يدينا زحت مني شاله الموقف دا اثرني شديد فعلا دانه لقدام حا تحتاح لاب اكتر من اي شي تاني ويكون في فراغ في حياته هاشم قال لي مالك ؟ قولته ليهو مافي شي مصعب قال لي انتي من الصباح مكرفسه وشك في شنو ؟ قولته ليهم مافي شي ما خلاص عشان نرجع ؟ مصعب قال لي متين جينا هو عشان نرجع ؟، سكته وبقت بقلب في التلفون امي قالت لي جاين نتلما ونتونس ما تمسكي لي البتاع دا ختيتو من سكات قولته ليهم شويه وجايه شلته شنطتي ودخلته الحمام، وقفته مساافه قدام مرايه الحمام في واحده انتبهت قالت لي انتي كويسه يا بت ؟ قولته ليها الحمدلله قالت لي لو عندك مغص معاي حبه بروفين قولته ليها لالا شكرا انا كويسه بس مصدعه شويه طلعت حبوب بندول قالت لي ما بطلع من البيت بدونه ربنا يشفيك عايزه حاجه ؟ شلته الحبه منها قولته ليها شكرآ ليك جمعته قوتي وابتسمته و رجعته ليهم دانه بكت شلتها من هشام طلعت ليها بيها برا كان في حديقه بلعو فيها اطفال ركبتها في حصان جاني صوت آدم قال لي تيسير عاينته ليهو قال لي تيسير مالك اليله ؟ مضايقه ؟ عيانه ؟ بتشكي من شي فيكي شي ؟ قولته ليها مافي شي آدم قال لي ما هو لو ما كان في شي انا ما كنت سألته قولي ما عايزه احكي ما مشكله لكن ما تمشيني تمام ؟ سكته منو وقف شويه انشغلته مع دانه مشى خلاني واقفه حسيتو زعل بس قولته في نفسي احسن عشان يبعد عنك كل ما بعد كان احسن ليك،مصعب جاء قال لي نمشي ؟ قولته ليهو اي شلته دانه من الحصان قعدت تبكي عليهو طول الطريق هي تبكي آدم قال لمصعب وقف هنا وقف جنب محل العاب دخل جاب حصان مورد مصعب قال ليهو دا شنو ياخ آدم قال ليهو يعني تمشي زعلانه ؟؟ حا تستسمر في البكاء و ما حا تقدرو تجيبوها هنا كل يوم خليها تلعب بيهو في البيت كل ما زهجت دانه فرحته شديد وبقت تصفق وتنطنط آدم شاغله وضحك معاها قال ليها هاتي بوسه لخالو واشر ليها لخدو كان قريب مني شديد وريحتو دخلت جوه قلبي دانه باستو وهو طلع راسو من شباك الباب امي قالت ليهو ما كان في داعي مصعب قال ليها خليهو الحاله واحده آدم ضحك قال ليها بالضبط كدا، انا ماشي عندي مشوار شكرآ على الجو الظريف تصحبو على خير امي قالت ليهو شكرآ ليك انت ♡ آدم لغايه ما مشى عينو فيني ما ختاها حسيتو انو اتجاوزني فضلته اليل كلو اعاين في التلفون قولته يمكن يرسل لي يسأل عني يطبطب علي او يقرا لي قران عشان طوالي براضيني بالطريقه دي فضلته مستنيه لغايه الساعه 12 شايفاهو اونلاين ولا حتى قال لي عينك في راسك نمته بزعلتي لغايه الصباح صحيت زهجااانه لقيت دانه نزلت وبتلعب بالحصان الجابو ليها آدم عاينت لي وضحكت وضربت بيدها في الحصان قالت لي ماما واشرت لي على الحصان ابتسمته ليها واشرته ليها بيدي تجي هزت لي راسه لاالا وبقت تلعب انتبهت لاشكلاتات ومصاصه في التربيزه امي جات داخله قولته ليها منو الجاب الحاجات دي؟ قالت لي الكيس دا جابو مصعب امس بعد دخلنا نساهو في العربيه قال جابو آدم لدانه قولته ليها اهااا قالت لي رايك شنو في آدم ؟ قعدته علي حيلي قولته ليها راي فيهو بنسبه لشنو يعني ؟ قالت لي عديل قصدي انو راجل ومؤدب ومحترم مش ينفع لمرافي بت قسمه ؟ النكلمه عنو ونعزمو لعرس خالك ونصر انو يجي ويشوف مرافي هي سمحه متأكده حا تعجبو وهي يتميه نكسبو فيها خير قولته ليها وانتي حا تحكي ليها عنو على اساس هو قال ليك فتشي لي عروس ولا عدمان بنات الاهل ؟ مرافي شنو يمه وانتي زول ما شاورتي ؟ امي قالت لي انتي مالك هجتي كدا هسا ؟ انا بقول نكسب خير ونجمع راسين بالحلال قولته ليها والراسين ديل تجمعيهم بصفتك شنو ؟ ثم انو مرافي دي بولاد اهله انتي عارفه قلبه عند منو ؟ امي قالت لي هسي انا قولته شنو يا تيسير بعد هايجه كدا ؟ خلاص عنهم ما عرسو ان شاءالله اجي ! الزول ما يتونس معاكي قولته ليها ما تزعلي مني بس صاحيه زهجانه عاينت لي وقامت مني ،، شلته دانه غيرته ليها واكلته ولبسته لمن جيت مارقه امي كانت في المطبخ بوسته راسه و مشيت...
آدم جاء لقانا واقفين انا وسمؤال قال لينا صباح الخير وهو ماشي سمؤال قالت ليهو شنو يا قلبي متأخر اليله قال ليها بضحكه مشغول ودخل المكتب، انا كنت بعاين في البنات الجاين يتبرعو يشتغلو معانا نهايه اليوم بعد خلصته شلته الاحصائيات وديته آدم عشان يطلع عليها لقيتو لابس نضارتو وبقرا في كتاب وخالف رجلو قولته ليهو دي احصائيات المتبرعين اليله ومعاهم النقاط القولته لي اتأكدي منهم ونموذج للتصاميم لميتهم في فايل واحد عشان نقدمهم بكره ما اشتغل بي كان مركز في الكتاب كأنو ما سامع ختيت ليهو الفايل وطلعته زعلانه قولته وانا زعلانه ليه ؟ يعني انا كنت بعني ليهو عشان يهتم بي ويركز معاي بعد اتكلم معاهو ؟ انا موظفه هنا زي زي اي زول بس الفرق اني اخت صحبو وهو عامل اعتبار للحته دي لا اكتر لا اقل مافي داعي اصنع مكانه لنفسي عندو وكدا كدا حا يعرس واحده غيري واكيد بحب واحده وهو تعاملو لطيف مع كل الناس يعني مافي فرق بيني وبين اي شخص بعرفو ، في وقفتي جات بت سألت عنو كانت جميله شديد لابس بنطلون جينز وقميص كبدي منقط بالابيض وتوربان وقاده زمام البت شدت ما سمحه لمن في واحد من اللبشه بحلق فيها بطريقه غريبه ضحكت قالت ليهو وين آدم ؟ قال ليها موجود في المكتب اتفضلي ، آدم جاء طالع كان شايل ورقه في يدو قال لي التصميم عايز ...وعاين للبت واشر بيدو وابتسم قال لي باستعجال عايز مراجعه عيدهو مشى لبت سلم عليها بفرحه وين انتي واتغيرتي ياااخ قالت ليهو بنسبه كم ؟ قال ليها خليك من النسبه بقيتي سمحه كدا مالك يا زوله ؟ ما قدرته استحملهم دخلته مكتبي وبديت اعدل التصميم ما كنت حابه افكر فيهو خالص سمؤال قالت لي شوفتي العسل الواقف برا دا ؟ قولته ليها منو ؟ قالت لي النجاضه الموقفه الشركه برا قولته ليها ما انتبهت قالت لي آدم ومصعب واقفين معاها طبعا دي صحبتنا من زمان الجامعه هسي بقت دكتوره اسنان وعندها عياده خاصه سمؤال عاينت لي بزهج قالت لي وسنقل فسخت خطوبته من شهرين قولته ليها وانتي مالك زعلانه كدا ؟؟ قالت لي في الشله كانت رابعتنا والصراحه انا ما بريده ابدا قولته ليها ماله كعبه يعني ؟قالت لي الشهاده لله ما شفته ليها شي لكن آدم ومصعب بريدوها شديد بحسه بتاخد مكاني قولته ليها وانتي عندك لواحد فيهم حاجه ؟ قالت لي لو عندي لواحد حاجه كان عرستو او صرحته ليهو ورفعت لي يدها اشرت لي للدبله قالت لي عندي لدا بس ، لكن احساس انو زول ياخد مني مصعب ولا ادم بزعلني والله بغير ديل اخواني قولته ليها انتي صحبتهم من الجامعه معقوله ما حبتي واحد فيهم ؟ قالت لي بيني وبينك بس تكلمي زول قولته ليها سرك في بير قالت لي كان لفتره في اخر سنخ لينا قلبي كان مال لمصعب اخوك كنت بغير من اي واحده هو بتكلم معاها بس بعد اجزنا اكتشفته اني ما بحبو وانو الجواي ليهو مجرد اعجاب بس بشخصيتو قولته ليها وانتي عرفته دا كيف ؟ قالت لي عشان لمن ظهر احمد في حياتي نسيت شي اسمو مصعب وبقى مصعب بنسبه لي اخ بس ما اكتر رغم انو بكون قدامي كل المشاعر والاحساسيس الكنت بكنها ليهو اختفت واتمحورت اتجاه احمد بس قولته ليها كويس انك لقيتي البستاهلك وبسعدك ♡ قالت لي فعلا انا بحبو شديد يا تيسير ، قولته ليها ربنا يجمعكم بحلالو قالت لي امين المهم يا ستي فلانه البرا دي كان كشفتني بس ما حكت انا هددتها قولته ليها وانتي ليه ما كنتي عايزه يعرف ؟ قالت لي عشان انا عارف مصعب كويس ما تلفتو واحده زي ومصعب نوع البحبك بجي بوريك في وشك عكس آدم تماما عارفه عمري ما شفته ادم ميت كدا في واحده غير واحده اسمها رولا كان بحبها بس ما كانت عندها ليهو شي بس هسا شايفه رجعت تحوم حواليها والحربايه البرا دي خاته عينو علي متأكده قولته ليها لو ليهم نصيب في بعض الله يجمعهم قالت لي ما امين ابدا ما دايرها ليهو بس هي حا تعرف توقعو طبعا خصوصي انها صاحبتو وسمحه وظريفه وكيوت وبتعرف تتمايع المياعه دي بتجيب اي راجل ضحكته قولته ليها انتي ارتبطي وما عايزهم يرتبطو ؟ بطلي فارغه انا عندي اوراق عايزه توقيع المدير عليهم ما بتاخر قالت لي لو شوفتي لي الحربايه دي برا تفي في وشها قولته ليها بضحكه تفي براك انا ما زوله مشاكل،، جيت ماره بمكتب ناس آدم سمعته اصواتهم بضحكو دوسته على قلبي بالجزمه وعملته رايحه وانا من جواي بردد ما بهمني ما حا افكر ، ما بهمني ما حا افكر دخلته للمدير قولته ليهو عايزه توقعيك على هنا في وقفتي جات خاشه الحربايه علقول سمؤال المدير سلم عليها بتراحب كبير آدم كان معاها عينو ما نزله علي فضلو يتونسو معاها مساافه وهم واقفين المدير قال ليها اتفضلي يا ريم اقعدي عاين لي ووقع لي الاوراق ومداهم لي قال لي خليهم يعملو لينا قهوه قولته ليهو حاضر ريم قالت ليهو شربتها مع آدم والله المدير اشر لي خليها طلعته نفسي كتم شديد شلته نفس طلعتو لقيت مصعب في وشي قال لي ماله عيونك ؟ قولته ليهو باستغراب ماله؟ قال لي زي مدمعه قولته ليهو نعاسنه وعملته فيها بتاثئب قال لي دوامك خلص ؟ اذا خلص ارح عايز اتكلم معاك مشيت معاهو قال لي تيسير اذا في اي شي مضايقك احكي لي انا اخوك مهما كان حا اسمعك قولته ليهو مافي شي بس عصرة الشغل على موضوع عرس خالي والعريس المتقدم قاطعني قال لي يعني فكرتي في موضوع العرس ؟ قولته ليهو اي دانه محتاجه لاب حا اتعرف عليهو واذا لقيتو كويس حا اوافق ...
# محبات🚶💙🔕
