لمحته من بعيد ادم في شله بنات وبرقص كان محنن يدو ولابس بدله القميص اسود والجاكت بالازرق الباهت او النيلي وبنطلون نفس لون الجاكت وجزمه بني محروق كان منعم شعرو ومرتبو ما مخليهو مفلل زي زمان شويه جاء مصعب اخووووي ♡ كان لابس نفس الشي وقعد يرقص معاهم في واحده لفت يدها في رقبه ادم وبترقص شويه مسكه من يدها وفضل يرقص فيها امي قالت لي تحرر زي التحرر شوفي البنات لابسات كيف قولته ليها اهلهم موافقين دخلنا شنو نحنا ؟ قالت لي على قولك جينا نبارك وماشين شوفي لينا وعد وين عشان نبارك ونمشي قولته ليها شوفتها قبيل بس شكلها ما فاضيه في كلامنا جو بتين قالو ليناممكن نقعد هنا ما لاقين مكان قولته ليها اتفضلوا في واحده لطيفه كدا اتظارفت مع دانه وشاغلته قالت لي حالته بتك ربنا يحفظه قولته ليها الله ما ابتلاك قالت لي من تبع العروس ولا العريس ؟ قولته ليها العريس قالت لي بتبقى ليهو قولته ليها لالا ولا بعرفو زاتو لكن بعرف اختو قالت لي انا بت عمة العروس قولته ليها جد ؟ الف مبروك ليها وعقبالك قالت لي الله يبارك فيك امييين شديد قطرنا فات وضحكت قولته ليها بسماحتك دي بتلحقي بطياره وغمزته ليها ضحكت قالت لي كان كدي النعدل قعدتي ،عاينته لي قالت لي فستانك جميل والشماعه اجمل قولته ليها حبيبتي عيونك الجميله ♡♡ صاحبته لفتته وقعدو يعلقو امي قالت لي بتعرفيها ؟ قولته ليها بري اتكلمت معاي ما حبيت احرجه قالت لي انتي عاااد .. ،سمعته صاحبته قالت ليها احيي انا من ادم دا ما مطنشني وسافهني لكن يمين الا اوريها ليهو استني لي صاحبته قالت ليها الولد ما دايرك خلي عندك كرامه كان بحبك كان رقد ليك قالت ليها بافتراء انا يابوني ؟ هاااا بيبي انا رولاا انا البرفض ما بترفض ابدا قالت ليها خلاص يا رولااا ادم دا ما عايزك شنو انتي خاتي في دماغك ؟ قالت ليها انتي صدقتي حركاتو دي ؟ انا قريت معاهو الجامعه وكان حا يموت مووت عشان اشاره واحد بس مني البعملو دا عشان كرامتو ما تجرح بس تشوفي بكره لو ما لقيتهو معاي في سرير واحد قالت ليها سرير ؟ وادم ؟ رولا قالت ليها انتي ليه محسساني انو ادم دا النبي يوسف ؟ ما يغرك اللحيه والصلاه البعمله للناس دي ادم تافه بس انا بتكلم مع منو اووف يا ايمي بطلي البراء الفيك دي ايمي قالت ليها انا عمري ما سمعته عنو شي كعب قالت ليها وانا عمري ما شوفته بعيني منو شي حلو قولته ليك اشكال ادم دي حافظها صم شوفي لو مخليتو يريل اليله ايمي قالت ليها بضحكه مياصه وريني رولا صلحت فستانه من فوق ووقف بميل قالت ليها بدلع ومياصه اتعلمي اوكيه ما تقعدي لي خايبه كدا ،، ومشت كانت لابسه فستان تحت الركبه بشويه طولو من تحت مناسب لونو كبدي ومن فوق نازل شويه من كتفه فيهو شغل شويه من فوق وبجنبه ومنزله شعره بجنبه والمكياج دا ما يدك الدرب لكن ظابطه زبطه قعدته اعاين ليها مسافه من فوق لتحت وحولت عيني منها قولته دي شنو الصايعه دي كمان صحي والله البنات هم البقو بمشو للرجال بكرعينهم لا وكمان بخططو عشان يجيبوهم قولته في نفسي نشوى كان حاضره الموقف دا هسي ساره كانت هنا كان مشت وراها تقول لي دا ما براقبو دا بتبعو وضحكته امي قالت لي مالك ؟ قولته ليها مافي شي لاحظته للبت دخلت الشله الفيها ادم ومصعب وبقت تلف حوالين مصعب وتعاين لادم بخباثه مصعب كان مستغرب فيها بس حسب هو عفوي مشى الموقف شويه حسيتو فهم بعد شويه فضلت ترقص لغايه ما وصلت لادم !!! هي ومعاها بت تانيه كان بترقص معاها البت التانيه كان بترقص مع ادم باكتافه وادم ببادله نفس الحركه شويه ميلت على مصعب وهم الاتنين بقو يرقصو معاها وسافهين رولا ! غيرو الدقه رولا بقت بترقص بادب والبت المع ناس ادم حولت ترقص مع رولا وجرته من يدها ودخلته النص رولا بقى ضهره على ادم ، شويه ادم زحا وطلع منهم مشى شرب مويه تاني ما لمحتو لا هو لا مصعب انا وامي ملينا عايزين نلاقي وعد باي طريقه لكن ما شايفاها خالص شويه حسيت بيد في الكرسي كان مصعب بشاغل في دانه ودندانه بتنطط ورافعه ليهو يدها عشان يشيله ادم سلم علي وعلى امي وباركنا ليهو وش لوش قعد في الكرسي المقاصدني مصعب كان شايل دانه وبضحك البت الجنبي كان مركزه معاه شديد مسكته مصعب من اطراف اصابعو وجريتو قال لي نعم اشرته ليهو يقرب علي باضانو تنى علي قولته ليهو شايف البت دي الجنب دي قال لي بهدوء اها ؟ قولته ليهو شكله مكسره فيك وابتسمته عيوني بقت مقاصده عيونو هو ابتسم لي خفيف قال لي تيسير بطلي قولته ليهو احساس اني شايفه اخوي مكسر البنات وكدا ضحك بصوت عالي قال لي ما عندو لواحده غير العسل دي حاجه بعد شويه البت الاسمها ايمي دي قالت ليهو شنو مصعب ما شايفني ؟ مصعب قال ليها اسف ما انتبهت كيفك وسلم عليها قالت ليهو اي ما مشغول شديد بالام وبتها ضحك وما علق على شي طوالي قامت للحظه حسيت البت حا تضربني فضلته ماسكه ضحكته بخباثه مصعب قال لي الزول لو عايز يغيظ او يطلق يجيبك انتي بس بتنهي الموضوع ادم كان ساكت ومصعب جرا كرسي جنب ادم وقعد امي قالت لادم وين وعد ما شفنها جينا عشانه قال ليها قبل شويه كانت هنا قعد يتلفت قال ليها ثواني اشوفه ليكم وين مشى دخل الزحمه دي شويه جا طالع بيها وعد كانت عسسسسسسل بمعنى كلمه عسل باركته ليها قولته ليها يخرب بيت سماحتك مصعب قال لي مشى عليك الله بتطير العقل اليله وعاين لوعد قال ليها قرضه يا بت ادم كان ماسك التلفون قال ليهو يا راجل بتشاغل اختي قدامي ؟ مصعب ضحك قال ليهو ما اختي برضو مالك يااخ ادم قال ليهو بغير في وعد دي انا مصعب قال ليهو بضحكه اسسستغفرالله يا ماااان ادم عاين ليهو ونزل عينو بعدين ضربو في بطنو قال ليهو انعل ابو فهمك ياااخ وعد قالت ليهم بنسبه لاني ما فهمته ؟ مصعب قال ليهو اطلعي منها دا شي بينا وعد قالت ليهو فيهو سيرتي يبقى لازم اعرف ادم ضحك وعاين لمصعب قال ليها قصدك فيهو اسمك مصعب شاغلو قولته ليهو مصعب راجع معانا ؟ ادم قال لي يرجع وين الحفله لسه ما خلصت و بايت معاي ولا شنو يااا مصعب قال ليهو لغايه بعد نهايه الحفله انا معاك بس ما بايت كلمتك انا ادم قال ليهو شنو حركات نص الطريق دي تبيت معاي والله مافي شي اسمو ماشي ما كفايه جيتني قبيل متاخر ؟ مصعب قال ليهو قولته ليك كان عندي موضوع مهم خلصتو وجيتك بعدين ما بقدر انا واعد اختي ادم قال ليهو مش دعد دي بكيس شبس بترضى ما تتحجج لي بعدين وعد شنو وهي بتتكرفس من المغرب ؟ ترجع تلقاها نامت اقعد معاي مصعب قال ليهو عشان ما تزعل بس والله حسيت امي زعلت رغم اني زعلته بس ادم من قبيل بحنس فيهو حا ياخد موقف امي قالت لي اتصلي لخالك خلي يجي يوصلنا ادم قال ليها معقول يااخ اتفضلو انا بوصلكم مصعب خليك مع المنظمين اذا احتاجو شي عن اذنكم اجيب مفتاح العربيه بس امي قالت ليهو لالا ما تعب نفسك هسي هشام بجي ادم قال ليها تعب شنو يا امي ♡ ما بتاخر عليك وعد ودعتني ومشت قالت لي صحبتي بتنادي بعد مشت امي عاينت لمصعب بزعل قال ليها يمه انتي شوفتي ادم اصر علي كيف بكره ما بمشي الشغل ومن الصباح حا اكون معاك حلو كدا ؟ امي ابتسمت باس يدها وطلعنا استنينا ادم برا ادم جاء مصعب اداني دانه شلتها منو وركبته ورا ادم قالت لينا واحده تجي تركب معاي يا خوانا قدام امي قالت ليهو نسيت مطبقتي ثواني اجيبه واجي ما بتاخر نزلت دخلت الصاله قولته ليهو امي بعد تجي بتركب معاك عاين لي بالمرايه قال لي امس نومتي ؟ قولته ليهو اي وما حسيت بروحي اسفه ما قصدته انوم في المكالمه قال لي اصلا اتصلته عشان ترتاحي وتنومي قولته ليهو صحي شكرا قال لي عيب عليك سكتنا مسافه قولته ليهو امي اتاخرت قال لي المسافه بعيده من البوابه للصاله جوه بتاخد زمن " وعم هدوء في ارجاء المكان 🌚" رفعته راسي مرتين لقيتو بعاين لي في المرايه اتوترته بقيت ماسكه يد دانه بلعب بيها وهي تضحك قولته ليها انتي ما ناويه تنومي اليله ؟ جرت السلسل شديد وبهدلتني وفضلت تبكي ادم نزل وفتح باب العربيه قال لي جيبها قولته ليهو لا خليها وطلعته السلسل من رقبتي ختيتو في الكرسي وهي لسه بتبكي شاله قال ليها غلبه يا غلبه مالك اول ما شاله سكتت صلحته حجابي امي جات قالت لي ادم معليش يا ولدي عطلتك قال ليها ما في عطله اخدي راحتك ركبت قدام وادم ركب معاهو دانه لغايه ما وصلنا دانه نامت فتحته شلتها منو جيت ارفع راسي الباب طقاني في راسي قال لي يا ساتر ضربتك شديد ؟ قولته ليهو لا خفيف شكرا تعبانك معانا قال لي واجبنا ولو ،، لقناهم حتى نامو حسب السبت بشتغل ل10 ما فكرته اصحى بدري صحيت صلاه الصبح وتاني النوم طار من عيوني قومته عملته الشاي ورميت لقيمات نقزقز بيها جدي جاء صبح علي قال لي كوبي شاي انا وفرح عشان طالعين كوستي قولته ليهو الوقت بدري اقعدو اليله قال لي ما بقدر حبوبتك هناك براها ما بقدر وعندنا اشغال يا بتي هشام جاء خاشي قولته ليهو اسمع جدي بقول في شنو هشام قال لي امبارح بحاول اقنع فيهو رفض يعني تمشي اليله يا ابوي عشان تجي الجمعه الجايه للخطوبه ؟ كلو اسبوع يخوانا اقعدو معاي جدي قال ليهو هشام انا الجمعه الجايه ما بقدر اجي بتجي امك وبجي معاها فرح وعندك اختك معزه كدا كفايه تب هشام قال ليهو بزعل البريحك جد سكت منو شربو الشاي وودعناهم امي قالت لي الساعه 9 خباره بتك دي نايمه لهسي ؟ قولته ليها امس اليوم كلو تلعب خليها تنوم مصعب جاء وطوالي دخل اقرب غرفه نام فيها انا لبسته قولته لامي عشان الحق القى مواصلات قالت لي ما تقعدي اليله قولته ليها ما بقدر مشيت الشركه لقيته فااضيه حتى سمؤال مافي سالته السكرتيره قالت لي مستر ادم ومصعب وصاحبتهم سمؤال ديل امس كان عندهم عرس قولته ليها عارفه اها والباقين بقت تحسب لي فيهم واحد واحد دخلته المكتب اشتغلته شويه الشغل زاتو كان بسيط زهجته شلته شنطتي ورجعته البيت امي قالت لي جايه بدري قولته ليها مافي شغل دانه صحت ؟ قالت لي صحت واكلت وتاني رجعت نامت قولته ليها اجي ؟ بس ما تكون عيانه يالله ! امي قالت لي خليها تاخد راحته ما عندها شي خشبت الغرفه لقيت مصعب نايم فيها وجنبو دانه اتسحبته براااحه غيرته ملابسي وصليت الضهر مشت هبتشه راس دانه كان بارد مع هبشتي ليها فتحت عيونه قولته ليها مالك انتي اليله يمه مسكتني من يدي وعركت بيها وشها واتمطت وضحكت لي قولته ليهت نصيحه يعني اتقلبت على بطنه وبقت بتعاين لي تنيت راسي زيها ولعبته بشعره وخدوده عيوني لمحت مصعب نايم قعدته اتامل فيهو امي جات قالت لي عليك الله ما بريء قولته ليها بريء وبس شوفي يشبهني كيف امي ضربتني في كتفي قالت لي يشبهك شنو طالع لي انا الحلوو قولته ليها المهم فيهو ريحتنا مصعب فتح عيونو لقانا بنعاين ليهو دانه زاته قعدت على حيله وتعاين معانا عاين لينا باستغراب قال لينا في شنو ؟ امي قالت ليهو كمل نومك يا ولدي كنا بنتأمل فيك بس قال ليها بصوت ناعس تتاملو ؟ (تخيل تصحى تلقى امك واختك بتأملو فيك احساسك حا يكون شنو؟ بس دا احساس مصعب وقته😂💔" دانه باستو وعركت وشها فيو جراها عليهو وحضنه واتكرفس بالبطانيه قال ليها دا شنو الصباح القنقز دا ياااخ ♡ قال لينا ما تعاينو لي ياااخ بخجل امي ضحكت قالت ليهو ازعجناك معليش طلع راسو واتسحب وختى راسو في رجلين امي وبطح دانه في بطنو قال ليها اللحظه دي تحديدا بالدنيا واللي فيها ♡ لكن متخلوعين كدا والله ما مبعد عنكم تاني امي لعبت ليهو في شعرو من سكات قولته ليها احساس انك اخته مكاني يعني قال لي انا شايف انو كفايه عليك وسعي لغيرك خالى جاء لقاني ملمومين قال لينا كدا كتير والله يخوانا ؟؟؟؟ امي قالت ليهو فرحانين بيهو مالك انت قال ليها دا راجل كبر على الحركات دي خلاص قومي يا ولد وجدع فيهو المخده امي قالت ليهو براحه عليهو مصعب قال ليهو حنان الام يااعمك ااا 😂
اليوم كلو مصعب كان معانا ما فضيت ابدااا وكنت حاسه بسعاده كبيره شديد ظهور مصعب في الفتره دي من حياتي كان بمثابه جبر خاطر احساس اني طالعه من حياه مدمره وباديه صفحه انا ما فاهمه فيها شي غير اني ما قادره اتراجع ووسط الجوطه دي كلها يظهر مصعب كانو بقول لي مهما تجوط يا تيسير انا بعرف كيف ارتبه بطريقه تخليك تبكي من الفرحه♡ كنت حاسه ان حياتي كدا خلاص اكتملت اني ما ناقصني ولا شي تاني ♢♢
بليل خشيت الواتس لقيت ادم رافع استوريهات ليهو عن عرس اخو وفديوهات للعرس واخر استوري كانت مكتوب فيها :
" الاخضر والاحمر ولون الأرض علم بلاد توسدته عينان بمعنى وطن ، اتدري ماذا يعني "وطن " لثأر ؟!
.........
#محبات🚶💙🔕
