قالت لي عمر وين اول شي ؟ قولته ليها في الخرطوم قالت لي متأكده انو في الخرطوم ؟! قولته ليها ااي قبل يمشي كلمنا قال ماشي يفتش شغل هناك هنا ما لقى عندو صاحبو شغال في سوبرماركت قال ليهو تعال اشتغل معاي قالت لي انا ما متاكده من كلامي ده ميه الميه لكن المصدر الجابو لي ثقه شديد قولته ليها جابو ليك شنو ؟! قالت لي بتعرفي ود عمتي بسمات الاسمو صهيب ؟! قولتها ليها الفي الجزيزه مدني البجي كل عيد ده ؟! قالت لي عليك نوور بس ياهو امس انا كنت مع عمتي بسمات مغربيه كده كانت عيانه جيت اكفر ليها المهم ما علينا كانت بتتكلم مع صهيب وادتني ليهو اسلم عليهو المهم قام لي ابعدي عن امي عايزه اقول ليك حاجه مهمه المهم قال لي عمر راجل تيسير ده هنا في الجزيره وقاعد في بيت ود عمو الهناك ومعاهو مره بيضاااا اجنيه قال شافه بعينو ولهجته ما زي لهجتنا وقال لي بالواااضح لهجته لبنانيه ، ختيت يدي في سناني قولته ليها يعني هو معاها هناك وغاشيني انا انو ماشي يشتغل ؟! ساره قالت لي تيسير انا جيت كلمتك علشان ما يستغفلك زي المره الفاتت راجلك ده لعبنجي ما جايه خراابة بيوت والكلام ده من بينا ما يطلع بذاات لخالتك دي لكن امك لو دايره تكلميها حره انتي عارفه المره الفاتت لمن كلمتي خالتك بانو عرس فيك عملت فيكي شنو مذكره ؟؟ هزيت ليها راسي قولته ليها اقدر انسى زفتني لغايه الجيران وما خلت زول ما بشعتني قدامو قالت لي اعملي حسابك كويس وابلعي حبوب تنظيم قولته ليها لشنو ؟! قالت لي ما تبقى هبله عمر ما ناوي على طلاق وعمر كعب براك شوفتي معاملتو كيف معاك فلو حملتي منو الوضع هيتعقد اكتر ولو بيدك ما تنومي معاه كنت نصحتك لكن ما بتقدري قولته ليها اصبري لي بوريهو العواليق والله اوريهو ختت يدها في قلبي قالت لي ما عايزه ده يتعب جيت كلمتك علشان ده بعدين ما يتصدم تاني ما عايزه اشوفك غمرانه تاني فاهمه ؟ قولته ليها فاهمه شكرا ما بتقصري يا ساره قالت لي بطلي عوارتك دي نحنا بنات خالات المهم اتوقعي اي شي منو واعملي حسابك وبعد يجي واجهي هو قال بجي متين ؟! قولته ليها ما حدد زمن ساره قالت لي الوقت اتاخر والفقر ده بكتر كلامو امشي بعد ده قولته ليها ساره بطلي تقولي الكلام دا عن خالد ، خالد انسان مافي منو ليه بتقولي كده ما صاح في حقو قالت لي تيسير ما تفتحي السيره دي لو سمحتي انا الوحيد المصبرني عليهو هيما غير كده ما عندي لي شي والله لو ما هيما كان هسي في بيت ابوي بلا عرس بلا قرف يلا فوتك بعافيه ...
ساره مشت وانا عقلي يودي ويجيب اتصلته لي عمر مافي زول برد اتصلته اكتر من 5 مرات جدعته التلفون بزهج جاتني خالتي مفيده قالت لي انا قولته ليك شنو ؟! قولته ليها جو؟! قالت لي هم جايين بكره ما اليله قولته ليها خلاص بعمله الصباح قالت لي لا تنزلي تعمليها هسي قولته ليها خالتي انا ما عارفه انتي مالك معاي ده كلو علشان ولدك اعتذر؟! العملو ولدك فيني ترضي في واحده من بناتك بترضي في تسنيم ؟! نجلاء لمن راجله شاكله ورفع صوتو بس عليها انتي شاكلتيهو انا ولدك مش ضربني بس ولدك جراني وراهو تلاته سنه والحصل في التلاته سنه ديل خصوصي من صحباتك الهسي عايزاني اعمل ليهم الكيك انتي عارفاهو كويس وكنتي بتسمعي بجاي وبتضحكي معاهم سمعتني كلامي زي السم ما افتكر انك محتاجه اعيدو ليك رغم انك عارفه كويس جدا اني زوله قلب واقلا كلمه ممكن تقتلني بس انتي ما اهتميتي بقولو الخال واالد لكن انا شايفك فيك كره في اعدائي ما شايفاهو قالت لي كمان عملته ليكي لسان زي الناس ؟؟! قولته ليها طول عمري عندي لسان لكن مع الاسف انتي خالتي والمفروض احترمك حمرت لي ومشت ...
