دايره اقفل الباب جاني صوت بقول ياستي معاها ناس شنو ... هو جرا الباب عليهو وانا جريتو علي عايزه افتحو ليهو قولته ليهو دقيقه بفتح من جوه ما برا هو لزاو علي وانا لزيتو علي وضربني في راسي مسكته راسي قال لي انا اسف ، اسف اتأذيتي ؟؟ غمضته عيني العلى جهه الضربني فيها الباب وفتحته التانيه وماسكه الضربه بيدي قولته ليهو بسيطه ما حصل شي قال لي جد بعتذر ما انتبهت قولته ليهو عادي ما حصل شي اتفضل دخل ، اتفضلي وعد ، وعد قالت لي دا آدم اخوي ، آدم دي تيسير كان ماسك تلفونو مديت ليهو يدي ما اشتغل بي وعد ضربتو قالت ليهو البت بتسلم عليك ابتسم خفيف قال لي معليش اهلا وصافحني امي جات سلمت عليهم عرفتهم عليها وعد قالت لي هاا بدينا ؟؟ آدم قال لي وعد حتاخدي من زمني بس ساعه فاهمه ؟ ما تقعدي تعملي حركاتك ديك واصبر وبتاع انا ما فاضي ليك وعد قالت ليهو خلااااااص حفظتهاااا طول الطريق وانت بتقول نفس الجمله فهمناااا يا سيدي فهمنااااا عاين ليها حكى لحيتو بملل ورجع للتلفون قولته لوعد حانصور في الهول البجاي مش احسن ؟؟ قالت لي انا شايفه دا ازبط عاينته لاخوها قالت لي بضحكه الفساتين بسوء ده ؟؟ قولته ليها ما كدا بس انو بخجل فهمتي ..؟ قالت لي يااا ستي هو اصلا ما معانا حانصور في الجهه دي ظريف ؟؟ المهم منو الحيمكيجك قولته ليها انا بمكيج نفسي ثواني وبجهز اهم شي ما عايزه وشي يظهر زي ما اتفقنا.. قالت لي اوكي اوكي اتفقنا ، دخلته الغرفه جهزته حالي وعملته الميكب طلع ظريف شديد مع الفستان وعد اول ما شافتني قالت لي جد حلو شديد ما اتوقعتك حاتطلعي حلوة كدا واكتر شي عجبني انو سمبل حا اجبك عرسي تمكيجيني ضحكته قولته ليها ياستي فستان عرسك زاتو علي امي جرتني قالت لي اخوها برا قولته ليها حنشتغل جنب الحيطه القرييه من المطبخ ما حايلاحظ قالت لي كان كدا تمام النمشي نعمل ليهو حاجه يقزز بيها هزيت ليها راسي ،، اول فستان كان اخضر مايل للون زينب معاه حزام رفيع مخرم في النص بلون بين الابيض والبيج و كعب عالي شاي لبن على باارد كدا النوع ،، ابتدينا نصور سبعه لقطاط عشان زبطنا صوره اقنعتنا الاتنين وعد قالت لي حانصور عشوائي بعد داك نختار البتعجبنا عشان الوقت استمرينا في التصوير والكاميرا عطلت وعد قالت لي ما تخافي هسا بتشتغل بس مرات بتتعولق كدا قعدت تحاول فيها قالت لي ثواني امشي لادم يصلحه لي مشت ليهو قالت ليهو ادم شوفه ماله قال ليها وعد كم مره حتبوظيها لي ؟؟ تاني ما بديك ليها عارفاني بحبها قدر شنو ؟؟ قالت ليهو بدلع آدممممم جد ما قصدته بعدين علقت براها قال ليها وهو بقلد فيها علقت براها ..؟ يدك ما تلمسه تاني زحي وين الموديل ؟؟ قالت ليهو ما حاتوافق هي تيسير زاته المودل قال ليها الملابس ما محتشمه يعني ؟ قالت ليهو لا هي محتشمه بس هي بتخجل يعني فهمته متحفظه شويه قال ليها اااه بس الصور دي حا تتنشر يعني الناس حاتشوفه ، لبسته لي طرحه وجيت عليهم قولته ليهو صاح كلامك بس حانشره في الانستا وما اظن ولد يجي يفتح صفحه مختصه بملابس البنات زايد وشي ما حايكون ظاهر اساسا ضحك خفيف قال لي بريئه شديد انتي عموما عندي فكره ازبط بس عشان الوقت الطرحه الانتي لابساها دي جايه مع الفستان وسلفا الفستان محتشم فالبسي طرحه فوق او واتلفت ناحيه وعد قال ليها وعد الشي البلبسو فوق دا اسمو شنو؟؟ قالت ليهو توربان قصدك ؟ قال ليها بس البسي في راسك فوق ووشك سلفا ما ظاهر عاين لي مساافه قال لي وعد كاميرته باظت وهي ما بتعرف لكاميرتي يفضل اصور انا دي مساعده بس اصلا ما بحب اصور البنات رفعته ليهو حاجبي حول وشو الجهه التانيه وعد جرتني قالت لي تيسير ادم ما في حياااتو كولهااااة ما مشى معاي جلسه تصوير لبت او مودل مسك الكاميرا هو يعني لمن قال هو الحايصورك انا ما صدقته الجمله دي دي معجزه فاهماني ادم بروفشينل صرت ليها وشي قالت لي اقصد محترف هو العلمني التصوير انا ما اخدت كورس برا علمني هو فاهمه علي ؟؟ بليز جيبي توربان اسود او طرحه سودا انا بعمله ليك توربان وخلي يصورك هو قولته ليها وعد انا اتفقته معاك انتي وشرحته ليك السبب قالت لي بعرف وحقكك علي وانا اسسسفه بجد بس كاميرتي باظت امس حمرته دنقرته ما لقيت حل تاني وما حالقى زول تاني يعمل لي جلسه التصوير بالسعر الاتفقت معاي بيهو هي ثولته طالما الصور ما حتتنشر يعني انا ما تحفظه وفساتيني كلهم محترمات فعادي شاورته امي قالت لي ما عندي مشكله بس ما ينزل الصور وعد قالت ليها انتي بتهظري ؟ اكيد لا طبعا هو ود ناس يعني...😅 قولته ليها تمام موافقه جبته طرحه سودا عملتها توربان لشعري ولبسته اكسسري فضي بدينا تصوير آدم كان عكس وعد هو البختار لي الجلسه الاقعده وارفعي يدك وصوره واحد بجي زابطه طق زي ما عايزنها بالملي يعني محترف محترف ماهظار دانه بكت ختى الكاميرا وشاله قال لي خديها استراحه ونرجع نصور بعد شويه ، فضل يلعب معاها وانا رجليني اتكسرت من الوقفه ..
شلتها منو قولته ليهو شكله جعانه هاك دي البزازه قال لي دي اختك الصغيره ؟ امي ضحكت قالت ليهو لا دي بتها قولته ليهو انا وحيده لا اخ لا اخت وبتي وحيدتي كمان قال لي صغيرونه ما باين عليك وعد قالت لي على كدا ابوها عسسل بمانو جبتو قمره حلوة كدا 😄 سكته ما رديت ليها اكتفيت بابتسامه
ادم قال لي نكمل ؟؟ عشان نكسب الوقت بس هزيت راسي ومسكته دانا لامي وعد قالت لي لا هاتيها لي ..
اخر فستان كان احمر الاستايل بتاعو نفس موضه القرن الخمسين طلعته من القرفه كنت بصلح في التوربان هو كان واقف بميل و مركز مع الكاميرا مدنقر فيها راسو قولته ليهو بتوتر انا جاهزه نبدا ؟ رفع راسو وهو بتكلم معاي قال لي اي يلا و رفع راسو علي عاين لي مسافه قولته ليهو في شي ما زابط فيني ؟؟ قال لي بتوتر لا ابدا ابدا بس طالعه كانك برنيسس من برنسيسات الخمسين اقصد عجيني استايل الفستان حاولته اتفادى كلامو الحلو قولته ليهو اصلا استوحيتو من القرن الخمسين قال لي قال لي انتي المصممه برضو ؟؟ قولته لهو اممم قال لي بستغراب الفساتين دي كلها ؟؟ هزيت ليهو راسي قال ي يامااانه بتهظري انتي ؟؟ ضحكته قولته ليهو ما باين علي ؟؟ قال لي الصراحه يعني لا اااقصد فكرتك موديل اصلا قولته ليهو دا اول مشروع لي في حياتي كلهاا فحبيت كل تفصيله اشرف عليها بنفسي قال لي متاكد حا ينجح شديد قولته ليهو ان شاءالله يارب قال لي بمانك مستوحيه من القرن الخميسين فانا عايزك تصرفي نفس تصرفان اميرات الزمن داك اوكي ؟؟ قولته ليهو تمام بعد خلصنا اثناء ما بنصور قال ليي بتعرفي انو انو فتره الخمسينات اتصنفت من افضل الفترات الانيقه عل مر العصور ؟ قولته ليهو بتستاهل شديد النسوان فيها كانو جميلات جداا وانيقات ولي واحده كانت برسنيس في روحه زي ما قولته انت حياتهم حلوة قال لي صاح كلامك خلص وجاء شايل الكاميرا علي قال لي وانتي طلعتي خمسينييه بجد ومد لي الكاميرا قال لي اميره اميره مش هظار يعني شوفي عاينته للكاميرا قولته ليهو حبيته شديد مرر لي بقيت الصور في صوره كنت فيها بضحك بعفويه عاينته ليهو قولته ليهو دي متين ؟، قال لي لمن وعد كان بتشاغل فيك قولته ليهو متين لحقته اخدتها اقصد كيف اخدتها اصلا قال لي حد سالك كيف صممتي الفساتين ؟ فهمته قصدو قولته ليهو خلاص سكته بس جد انت رهيب قال لي ببرود شكرا جاتو مكالمه خلى لي الكاميرا ومشى شويه بعيد شلته الكاميرا ومشيت لامي ووعد اوريهم الصور امي انبسطت بيهم شديد قالت لي شوفي يا تيسير هنا حلوة كيف قولته لي وعد جد اخوك دا محترف زي ما قولتي قال لي ياابتي دا اااادم عبدالرحيييم مختاااار قولته ليها مشهور يعني؟، قالت لي بضحكه شبهه كدا ،، جاء قال لي اذنك الكاميرا بس ثواتي اديته ليهو شاله وبعد خطوتين وصورنا قال لي تجي اصورك انتي والعسل دي ؟؟ امي قالت ليهو اي عليك الله من ولدته ما اتصورت معاها ما صدقنا قدرت تشيله ادم قال ليها كانت عيانه ولا شنو ؟ امي اتوترت قولته ليهو كان عندي اكتئاب ما بعد الولاده وعلاقتي مع دانه اتحسنت في الفتره الاخيره بس وعد قالت لي انا امي وقت ولدتني برضو جاها اكتئاب ما بعد الولاده فحاسه بيك قولته ليهو البس دانه واجيك قال لي ما بتحتاج لبسته دي ظريفه شديد كنت ملبسه دانه لبسه كامله مخليه الا يدينها برا قولته ليهو كدا ؟؟ قال لي اي حلوة يلا نصور قولته ليهو شكلك عايز تخلص مننا بس قال لي شكلها حايكون كيوت معاك والله ما قصه اخلص قولته ليهو خلاص صدقتك ضحكك وضحكتو يا ساااتر بس 🍁 اثناء التصوير بشاغل دانا عشان تضحكك والغريبه انو بتضحك فعلا جاب امي شويه جات خاشه وعد وقعدنا نتعاور في الصور لكن انبسطته باللحظه دي شديد اخد لينا كذا صوره عفويه قولته ليهو قصتك شنو و الصور العفويه واقفين ليك ساعه وتصورنا صور عفويه من غير ما ننتبه؟ قال لي بتجي احلا ولا رايك شنو ؟؟ وعد قالت لي لو قبيل راجلك هنا نصوركم جماعي انتو عيله حلوة شديد وحبيتك بجد انا قولته ليها وانتي كمان تتحبي امي قالت ليها انا بذااات ارتحته ليك شديد من جينا هنا حاسين روحنا غربا غربا ادم قاطعهم قال معليش ياجماعه بس مضطر امش بمننا خلصنا وعد قالت ليهو بس مستعجل على كل شي قال ليها اذا حابه انتي اقعدي بس انا مضطر امش شغلي واقف معليش يخوانا امي قالت ليهو خير ما مشكله ما نعطلوك على شغلك شكرا ليك ما قصرته وعد قالت لينا انا كمان حامشي اجهز نفسي عشان طيارتي بكره قولته ليها استني دخلته الغرفه قولته ليها بمانك مسافره فدي القروش والصور بعد تتطلع رسليهم لي واتس قالت لي لا لو ما استلمتي الصور ما باخدهم منك كولهم حا اخد نص المبلغ والباقي بعد التسليم ودا ادم قاعد اتواصلي معاه حارسل ليك رقمو واتس اوكيه ؟ قولته ليها تمام ادم كان واقف في الباب ودعته وعد ومشو الاتنين خشيت اغير ملابسي والضهر مان سلفا خشى صليت وطبحته في السرير نومته من غير ما احس صحيت لقيت امي بتلعب في دانه قالت لي صلي العصر وتعالي اتغدي ،، قولته ليها نومته ما حسيت بروحي قالت لي ليك يومين مساهره خلي جسمك يرتاح قولته ليها لو ما خلصته من المشروع دا مره واحد عمري ما حارتاح خلي جاء داخل كان مضايق ووشو مت بتفسر خشى على طول غرفتو عاينته لامي وامي عاينت لي مشيت لغرفتو عايزه ادق الباب قولته في نفسي هسي بكون ما طايق زول خلي لبعدين واتكلم معاه شلته بعضي ومشيت ،، مغربيه كدا مشيت ليهو لقيتو ماف سالته امي قالت لي طلع من شويه قولته ليها ما حكى ليك مالو ؟؟ قالت لي قال مشاكل في الشغل تلفوني رن لقيتها وعد قالت لي تيسير عندي جواز سفر كنت شايله في شنطتي وقبيل طلعته حاجاتي في بيتكم كدي فتشي الكرسي الكنت قاعده فيهو معليش حاتعبك معاي بس ضروري القاها شوفي اذا هناك قولته ليها خليك معاي اشوفو ليك فتشته الكرسي فوق تحت وتحت الترابيز ما لقيتو قولته ليهو وعد غير الكرسي مشيتي وين تاني ؟، قالت لي خشيتي معاك الغرفه جوه دخلته الغرفه قلبتها فوق تحت ما لقيت شي قالت لي ما لقيتي قولته ليهو والله كا لقيتو لكن افصلي بفتشو وبرجع ليك قالت لي ضروري شديد يا تيسير الاقي اليوم ضروري وفصلت امي جات لقتني بفتش قالت لي رايحه ليك حاجه ؟؟ قولته ليها وعد عندها جواز ضاع قالت يمكن وقع منها هنا قبيل قالت لي قبيل لقيت جواز هنا جوه الغرفه قولته تبع خالك انا قولته ليها كدي جيبي مشت على الدولاب طلعتو قولته ليها ياهو حق وعد اتصل امنه البت قلبه متقص اتصلته ليها قالت لي الحمدلله الحمدلله خلاص جايه عليك ما بعيده منك ثواني وبكون جنبك قولته ليها بستناك برا دامك قريبه قالت لي لا بعد اصل بضرب ليك ما تقيفي في الشارع وفصلت الخط ،، لفحته توبي قولته ما اتعب البت اكتر من كدا شلته دانا في يدي وقفته برا جات وعد قالت لي ليه واقفه بره قولته ليها قولته اختصر ليك المسافه انتي مستعجله قالت لي شكرا واسفه تعبتك معاي قولته ليها ولاتعب ولا شي تصلي بالسلامه ان شاءالله باست دانا قالت لي لو بنتلاقى باي ركبت في العربيه ومشت،،
وعد رسلت لي رقم ادم سيفتو عندي ورسلته ليهو عشان يحفظ رقمي عندو ،، بعد تلاته ايام رسل لي الصور واتس قولته ليهو حارسل ليك بقيه المبلغ بالبنك عايزه رقم الحساب اداني ليهو شكرتو تاني يوم مشيت البنك عشان احول ليهو بقيه المبلغ كان في مشكله في الحساب المحاسب قال لي الحساب دا فيهو غلط قولته ليهو متاكد ؟؟ قال لي اي هدا ظاهر قدامي مديت ليهو التلفون قولته ليهو كدي اتاكد منو قال لي يا بتنا ياهو نفس الشي وفي غلط اتصلي لزولك دا يمكن غلط في الارقام اتصلته لي ادم مره واتنين ما برد والتالته فصل فيني الخط كرهتو شديد بتعامل ببرود زهجته شلته بعضي وطلعته من البنك ركبته رجع لي كنت مضطره ارد عشان دي قروشو المفروض ياخده قولته ليهو في غلط في رقم الحساب اتاكد منو ورسلو لي قال لي حساب شنو ؟؟ قولته ليهو حسابك بتاع البنك قال لي هو انتي منو اصلا ..؟؟؟
#محبات🚶💙
