السكرتيره قالت لي دي ما مشكلتي اذا غشوكم اووف ياخي عندي مراره جانا صوت من وراء قال ليها منو غشى منو ؟؟ اتلفتنا كان آدم قالتو ليهو بتوتر مستر آدم اهلا ، اشرت لي بيدها نظام اسكتي ما تقولي شي ادم قال ليها ما جاوبتني منتظر الاجابه انا السكرتيره اتوترت شديد قالت ليهو شكلو في غشاها وجايه تملي بلاها علينا فكنت بحاول افهمه بس هي ما بتفهم جايه بدون شهاده او اوراق او... قاطعه آدم قال ليها "بلاها ،، وما بتفهم " ؟ يعني اذا اتجاوزته انك قولتي اننا غاشنها واتجاوزته اسلوبك الخور معاها ما حا اتجاوز ليك الكلميتن ديل انتي ملزمه بلوائح عشان تعاملي بيها الكستمر والموظفين المعاك واللوائح دي مجبره تنفذيها ما بكيفك وشكو لي منك كتييييير بس كنت عايز اشوف بعيني واتأكد قاطعتو قالت ليهو مستر ادم والله اخر مره انا كنت مضايقه وزله لسان وراحت قال ليها بعصبيه وبرود مضايقه تشيلي اذن تفشي غلك بعيد عن الشغل واول واخر انزار ليك المره الجايه الشارع فاهمه ؟؟ هزيت ليهو راسه قالت ليهو اخر مره والله العظيم ،، عاين لينا قالينا اتفضلو من هنا مشينا معاه دخلنا مكتب جواهو مكتبين قعد في واحد وقعدنا معاه رحب بينا قال لي انسبطته انك قبلتي العرض تشربو شنو ؟؟ خالي قال ليهو لا شكرا بس مويه اذا ممكن عاين لي هزيت ليهو راسي نظام ما عايزه شي رفع التلفون طلب مويه وقهوه اتنين " احساس اني قولته ما عايزه فطلب لي ..؟؟ "
قال لي محتاجنك شديد الشركه ناشئه زي ما شايفه حتى عندنا نقص في المكاتب فما بقدر اديك Deel اتفاق كبييير اي حد هنا جاي حسب مهارتو او خبرتو حلمنا تبقى اكبر شركه ازياء وديكور في البلد خالي قال ليهو اتنين في واحد يعني ؟؟ ادم قال ليهو اكزاتلي نحنا اساسا كنا مجموعه من الشباب خريجي هندسه كذا مجال فيها اساسنا الشركه او خليني اقول اجرنا لينا مكاتب واشتغلنا فيهم وشغلنا عجب ناس كتير فعشمنا الصراحه كنا مؤجرين لينا تلاته مكاتب شغالين فيهم نحنا 15 نفر يا مؤمن خالي ضحك قال ليهو لكن ما شاءالله اجتهتدو ادم قال ليهو اووو شديد تعب 5 سنين الانت شايفو دا لكن مازلنا متمسكين بحلمنا يعني اي ما وصلنا للعايزنو بس ماشين في السكه نمد هسي المبنى الكنا مؤجرين منو تلاته مكاتب او بالاصح الجناح بقا كلو تبعنا يعني شبهه بقت شركه كبيره بس ان شاءالله اذا اجتهدنا حا نصل اكيد لمبتقانا صاح فينا اليئس ومشى بس ... الموهم ما علينا من دا كلو زي ما قولته ليك شركه ازياء وديكور انتي يا تيسير معاك كذا واحد وواحده حاتستلمو شغل الازياء جهزنا كل الممكن نحتاج ليه زي ما شايفه البلد في مرحله تتطور ونهضه فبنحاول نخت بصمتنا ونعمل شي في البلد دي وان شاءالله حا نصل اذا حبيبتي توقعي على العقد هسا فجاهز امضي معاك خالي قال ليهو معليش سؤال اخير منو المدير هنا يعني ما شايف مكتب اداره هنا وين المدير ؟؟ قال ليهو من هنا اتفضل في باب بين مكتبهم ومكتب تاني مكتب المدير ديكورو حلو شديد ومنسق بطريقه معينه قال ليهو المدير حايجي كمان شويه ما من عادتو يتاخر بس زوجتو مريضه خالي قال ليهو ممكن اطلع على العقد اذا ممكن ؟ ادم قال ليهو اكيد طبعا لحظه ، اتصل للسكرتيره طلب منها تجيب العقد جابتو اشر ليها تدي لخالي ، خالي اخدو منها وفضل يقرا فيها ادم اشر لي على القهوه قولته ليهو قولتا ليك انا ما دايره شي قال لي اوكيه راحتك ..
خالي قال ليهو حلو بس في بند بخصوص الاجراء تبع التوظيف تيسير ما عندها شهاده مختصه يعني ما قرت جامعه اصلا ادم قال ليهو بضحك خفيفه قولته ليك اي زول هنا جاي حسب مهارتو فتقاضى عنو عادي ما اشكال خالي هشام قال ليهو نقول على بركه الله طلع قلم قال لي امضي ليك ولا تمضي انتي ؟؟ قولته ليهو الاتنين واحد خالي هشام ضحكك قال لي ياستي هاك دا اول خطوه في مستقبلك حسيها انتي انا حا اوثق ليك اللحظه طلع تلفونو وبقى يصور فيني وانا بمضي خالي تنى جنبي قال لي حلوين ؟؟ ضحكته قولته ليهو شديد اتلفته لادم قولته ليهو متين ممكن اباشر شغل وساعه العمل عشان عندي مسؤوليه انا قال لي بنسبه للشغل ببتدي من8 بخلص 2 خليني اوريك مكتبك هشام قال لي توته انا حا امشي ترجعي براك ؟؟ قولته ليهو اي برجع براي ما تشيل همي قال لي في امانتك هاا ادم اشر ليهو عيوني ليك مصعب جاء في وقفتنا سلم على خالي هشام نداهو الخال ياا اشتقته ليك ♡ لاحظته انو كان بسلم علي سلام معرفه عاينته ليهو باستغراب قولته ليهو ليه بتنادي خالي ؟؟ انتو بتعرفو بعض ؟ خالي هشام اتوتر قال لي بضحكه مجامله اي اتلاقينا كذا مره وعاين لمصعب ، مصعب شكلو فهم نظراتو قال لي صااح وبحب انادي الخال عرفتي وحضن خالي شديد قولته ليهو فهمته بس ما تحضنو شديد تاني ما بحب زول يشاركني فيهو ادم ضحك بخباثه وحكة راسو هنا اتمنيت الارض تتشقى وتبلعني قولتا في نفسي ياريتني ما اتظارفته ياريت لساني اتقطع لمن حسيت ادم ومصعب فهموني غلط قولتا ليهم خالي مخكم ما يمشي بعيد ادم باستغراب قال لي جد يعني ما راجلك ؟؟ قولته ليهو لا طبعا راجلي شنو قال لي كنت فاكرو راجلك والله مصعب قال ليهو هو اصلا ما متزوج يا اصلي سنقل زينا كدا ادم قال لي ناديهو خالي بتقول ليهو هشام ليه ؟؟ قولته ليهو ما بحب اكبرو خالي دي بقوله ليهو لمن اكون عايزه حاجه بس عشان فيها احترام صاح هشاااام خالي هشام قال لي اي وانا ماشي يا روح هشام حادقا بعد دا ضحكته قولته ليهو انتبه لنفسك مصعب قال لي يااابت كفايه بتخربي سوقو قولته ليهو ما تخاف سوقو عايزين منو قطعه واحده بس وغمزته لهشام مصعب مسك يدي قال لي لا معليش دي تحكيها لي عشان حاسي فيها سر فكيت منو يدي قولته ليهو تاني مره ما تمسك يدي فاهم قال لي اوكييييه انا اسف ما قصدته اقصد عملتها بعفويه وا... قولته ليهو خلاص ما تمتم ، مصعب لفلف بي الشركه كلها وادم رجع مكتبو وراني مكتبي وشرح لي تفاصيل الشغل وقال لي في مشغل دا اللي حا يتم فيهو تحويل التصاميم لقطع حقيقه الجزء العملي يعني بكره اذا حابه نمشي ليهو قولته ليهو اوكي بس ما تتاخر علي كنا واقفين في باب المكتب مصعب استاذن قال لي اقعدي شويه اخلص الفي يدي واجي اوصلك هشام وصاني عليك قولته ليهو بمشي براي ما محتاجه توصيله انا مصعب قال لي معليش بس وصاني وصيتو لازم تتنفذ انتظريني هناك من فضل ما بتاخر عليك دخلته المكتب ادم كان قاعد في مكتبو شغال قعدته في الكرسي تبع المكتب التاني قعدته لغايه مصعب جاني في الطريق كان بدردش معاي وبهظر حسيت كاني بعرفو من زمان يمكن عشان هو عفوي شويه قال لي يعني هسي انتي عندك بت قولته ليهو اي اسمها دانه قال لي صغيرونه انتي قال لي طيب سؤال اذا ما فيها حشريه قولته ليهو اتفضل قال لي انتي اصلا هااديه كدا طبع ولا زعلانه ولا مالك ؟؟ قولته ليهو طبع قال لي من قبيل بتكلم حسيت روحي حبوبة عشان ما بتتجاوبي معاي ابتسمته ليهو سكت تاني لغايه وصلنا قال لي اخر سؤال معليش عارف كترتها بس انتي بتقربي لخالي اقصد هشام ، هشام شنو ؟ قولته ليهو خالي اخو امي قال لي بفرحه جد ؟؟ قولتا ليهو اي عن اذنك ادخلصت اسألتك قال لي اوكيييه واسف على المعطه قولته ليهو عادي عادي شكرا على التوصيله كمان اشر لي بيدو من سكات ،، دخلته البيت كنت متحمسه شديد احكي لامي بمجرد ما خشيت بديت احكي ليها من طقطق لسلام عليكم حتى مصعب ما خليت تفصيله ما حكيته ليها قالت لي شكلك حبيتي المكان قولته ليها هو حبيتو بس انتي لو شوفتي المكان زاتو عامل كيف تقولي خلو لي براي ضحكت قالت لي شكلما حبينا المكان وفي ناس كدا نسيناهم حضتنه دانه علي قولته ليها انسي عمري كلو وما انساهو دي ضي عيني ♡ ،،
فضل روتيني المحبب اني امشي الشركه مره حسب شغلي بسيط سوقته معاي دانه المكتب مصعب جاء خاشي المكتب شافني ماسكاها وشغاله سلم علي قال لي هاتي العسسسل دا هنا دي دندون ؟؟ قولته ليهو ياها قال لي جيت هسي من المشغل كنت عايزه اقوليك انو الفساتين الاديتني تصاميهم جاهزين عملنا ليك من كل فستان 500قطعه قولتا ليهو كتير انا كنت طالبه 300 بس قال لي ال500 دي حاتتضاعف بنهايه الاسبوع دا وعايز اقوليك شوفي الاوراق دي دي عدد البوتيكات الطلبه الفساتين فاسرعي ورينا تصاميم احلا انتي مرغوبه شديد في السوق ، قولته ليهو جد يا مصعب ولا بتهظر ؟؟ عاين لي بطرف عينو قال لي بهظرر انتي مستخفه بنفسك ليه يابت ؟؟ انا حاطلع مع دانه شويه نشم هوا ونرجع قولتا ليهو لا لا لا برا لا هنا معليش قال لي ليه لا قولته ليهوب بتوتر ما بحب تبعد عني معليش قال لي باستغراب اوكي نحوم في الشركه ونجيك قولي باي لماما شال يدها عمل لي باي ابتسمته ليهو خفيف قلبي كان واجعني وبديت اخدر جاء ادم خاش شايل ورق في يدو لقاني معرقه قال لي مسخنه في البرد دا ؟ جسمي بدا ينمل ما رديت ليهو قال لي انتي كويسه ؟؟ هزيت ليهو راسي واشرت ليهو بيدي اني كويسه جاب مويه مداها لي من غير ما اقصد طقشتها بيدي وقعتها قال لي بزهج انا بس كنت حابي اساعدك ما خاتي ليك فيها سم قولته ليهو وانا باخد في نفسي في حبوب في الشنطه في الكرسي هناك اديني ليها مشى جابه لي وجاب لي مويه تاني بلعتها بعد مسااافه قدرته اخد نفسي وبديت ارجع لحالتي الطبيعيه ادم كان جنبي قال لي انتي كويسه ؟ مصعب جاء خاشي شايل دانا قال لي ادم ماله تيسير ؟؟ ادم قال ليهو نفسه قام شكلها عندها ازمه اتحسست من شي كنت خاته يديني في راسي قولته ليهو ما عندي ازمه عندي قلب اتهجمو الاتنين ادم قال لي الف سلامه دا ضغط الشغل امشي البيت ارتاحي ليك فتره انتي ضاغطه روحك مصعب ثال لي ارح اوصلك البيت قولته ليهم بقيت كويسه ما عايزه ارجع البيت حا اتعب زياده مصعب قال لي اتصل لهشام قولته ليهو ما بحتاج ما تخلعو ساااي انا كويسه اسفه يا جماعه عطلتهم ادم قال لي بطلي هبل جات سمؤال " دي واحده من المصممات الشغاله معاي في نفس المكتب " قالت ليهم بخلعه ماله تيسير في شنو؟؟ مصعب قال ليها كويسه بس تعبت شويه قولته ليهم في ريحه سجاير جابه لي المكيف هي التعبتني من غير شي عندي حساسيه من السجاير ادم قال لي صراحه انا كنت بسجر اسف شديد قولته ليهو حصل خير ، اصرو علي الا ارجع البيت مصعب قال لادم انت سلفا طالع وصله معاك تيسير لو احتجتي لاي شي في اي وقت اتصلي لي حاضر قولته ليهو تمام سمؤال قالت ليهو بمشي معاك قولته ليهم يخوانا عادي بكره بتتعودو ما شي كبير ، ادم كان ماسك دانه وبياكل في لبان وسايق وانا قاعده في الكرسي التاني لاحظته لانو بتفادى يتكلم معاي واذا اتكلم بقبل الجهه التانيه قولته ليهو ما بتحسس من السجاير لو كان ريحته قويه قال لي شنو ؟ قولته ليهو ما ضروري تاكل لبان عشان تزح ريحه السجاير الطالعه من خشمك ما حا تازيني لو ما الكميه الجاتني بالمكيف كبيره ما كنت اضايقته فما تتحسس من روحك قال لي انا جد اسف قولتا ليهو حصل خير ادني دانه عشان ما حا تخليك تسوق بالطريقه دي شوفه بتشالق كيف "كانت بتضرب في الدريكسيون بيدها ويتنطط وهو سايق بيد واحده " ضحك قال لي مستمتعه هي قولتا ليهو جيبه ما تخليك تسوق عايزه اشيله منو رفع يدو بقت بيبني وبين دانه قال لي يا شييخه اشتكيت ليك انا ؟ زحي بس ما تزعجيها قولته ليهو بطريقتك بس حذرتك ضحك قال لي على قلبي زي العسل وصلنا قال لي هاك المشاغبه دي واداني معاها كيس قولتا ليهو دا شنو ؟؟ قال لي دا تبع دانا ما تبعك باي ودور ومشى ،، فتحته الكيس كان فيهو العاب امي قالت لي جايه بدري ..!! ما حبيت اخوه علي قولتا ليها تعبته قولته اجي ارتاح شويه الشغل ما طاير قالت لي احسن مع انو ليك شهر بس لكن اجتهدتي فيهو شديد قولته ليها لازم اثبت نفسي عشان اركز قالت لي صاح كلامك خليكي من دا كلو عندي اخبار تفرح قولته ليها ان شششاءالله بس الفي راسي قالت لي ياهو جدك اليله الصباح ضرب لي وشاورني في موضوع خالك الموهم قال اتواصل مع ابو البت وسال عنهم طلعو ناس كويسين قال لي اتفقو انتي وهو حددو معاد من اهل البت نجي نطلب يدها هسي مستنيه خالك يجي اكلمو قولته ليها وما كان يضرب لهشام بس يكلمو قالت لي بضحكه انتي عارفه جدك ما بريد الهزيمه وهو اول مان معارض قولته ليها المهم وافق اليله هشام ما بجيهو نوم من الفرح 😂 ضحكت قالت لي كا حايجن عديييل اخيرا حايتراح ،،ما قدرته استنى هشام بعد يجي اتصلته ليهو كلمتو فرح وقعد يكورك شبكني احلفي اخلفي عشان اصدق ابوي وافق ؟؟ ضحكته بصوت عاالي قولته ليهو اقسم بالله لسه مكلماني امي حالااااا هدي جنبي وكنا عاملناها ليك مفاجئه لكن ما قدرته اتحكم قال لي ياااخ برييييدك اناااااا سمعته صوت بت جنبو قالت ليهو منو دي البتريده بعد بتكورك كدا؟ قولتا ليهو اااا هشاااام نتلاقى في البيت شكلك حا تاكل علقه من امها بااااي هشووومي ودلعته لي صوتي البت قالت لي باي وين استني هنا يا كلبه يا عواليقه وكمان هشومي يهشم عضامك العفنه فتحته خشمي مسااافه ما عرفته الاقولو شكلها خطفت التلفون منو قولتا ليها دا اسلوب تتعاملي بيهو مع حمواتك يا فلااانه ؟؟ لا واضح شديد ادبك الحكى لينا عنو هشام والله قالت لي بتوتر وتمتمه انا اسفه والله فكرتك بت تانيه اسفه شديد ما كنت قايلاك اختو امسحيها لي في وشي قولتا ليها لالا بعد السمعتو دا انتي تاني ما بتلزمينا والله خسارة المحاولات الحاولناها عشان انتي وهشام خلاص تاني شوفي واحد غير هشام اشكال زي دي ما بتناسبنا والله ...
#محبات🚶💙
