قولتها ليها انتي زعلانه على شنو بالضبط ؟! على الكف ولا على انو عرفك على حقيقتك ؟ قالت لي قصدك شنو ياتيسير ؟! قولته ليها ساره انا وانتي عارفين كويس جدا انو كلام خالد صاح وانك بتتكلمي مع اولاد غيرو فمافي داعي نتصنع قدام بعض وانا عارفه كل حاجه انتي بتعمليها حازم بتاع البوتيك وامجد الاقيتهو في البص وحسن الاقيتهو في حفله حمزه عدنان يعني مافي داعي للتمثيل ووش الشريف الرضي الانتي لابساهو ده خالد ما غلط في شي بس انا علشان بيتك ما يتخرب و الموضوع يتلم سكته ،، عاينت لي مسافه قالت لي ما كنت فاكراك كده قولته ليها كيف؟! اني واجهتك بالحقيقه ؟! قالت لي تيسير انا ما ...قاطعتها قولته ليها انتي تكذبي الكذبه وتصدقيها ؟! و بتكذبي على منو بالضبط ؟! قالت لي انا بعمل كده علشان هو ما موفر لي احتياجاتي ولا مهتم بي اصلا قولته ليها يهتم بيك كيف اذا انتي ما مدياهو فرصه ؟! ما خلا شي ما عملو ما سواهو قالت لي انتي شوفي الرجال بسوو لنسوانهم شنو ؟! قولته ليها انتي ما تقارني علاقتك براجلك بباقي الرجال و.... نشوى جات داخله قالت لينا هييي بتقولو في شنو من وراي ؟! ساره عاينت لي قالت ليها ولاشي هههه كيفك يااخ اشتقته ليك ♡ نشوى جات سلمت عليها وجات سلمت علي قالت ليها ما اكتر مني والله كيفكم وكيف اخباركم ؟ تيسير بقيتي كيف ؟ بضرب ليك من الصباح ما بتردي قولتها ليها تلفوني من الصباح ما لاقياهو والله قالت لي اها خالك هشام سافر؟! قولته ليها اي والله مشي وخلاني وراو😔💔 قالت لي ياحليلو والله من هسي فاقدنو وفاقدين تشغيلاتو ربنا يوفقو قولته ليها امين مالك مبسوطه كده ؟! ضحكت وختت اصبعه زي الشافعه ،، انا وساره عاينا لبعض قولنا بصوت واحد ااااااه جا ؟! ضحكت وبقت تتخجل قالت لي لاقيتو امس👣🙈 قولته ليها اها احكي يا السجمانه الحصل طلعت الطرحه ورتني سلسل قالت لي جابو لي هديه لاقيتو وبعد مشينا اداني ظرف صغير قال لي وصلي لصحبي معاك علشان هو معاك في الجامعه وانا شلتو ورجعته البيت قال لي افتحي الظرف شكلي نسيت شوفي اذا فيهو معدن استغربته انا قولته معدن شنو كمان ؟! فتحتو لقيتو جاب لي السلسل ده وجنبو ورقه صغيره مكتوب فيها "u are my world♡"" فرحته فرح وقطعته انطط والخط فاتح غايتو اتفضحته قدامو قولته ليها الله لينا بسس ساره قالت ليها برجالنا ما عملو لينا كده غايتو اريتني كان عديتها جكيس وما عرسته وشبعته هدايا ساي 😂💔 فضلنا نضحكك ،،
ساره قالت لي سمعته ان عمر قام قولته ليها منو القال؟! نشوى قالت ليها مالك جايبه طاري هسا خلي البت تفرح ساره قالت ليها ما قصدي والله لكن اتذكرته هسا امس بعد مشيتو جات رساله لخالد بعد المغرب المهم هو كان مشى الصلاه وانا شلته التلفون وقريته ورا الستاره مكتوب فيها طلعته الجواز وطيارتي الاحد يعني اليله الساعه 7 ص قولته ليها ان شالله تولع بيو نشوى قالت لي اها قررتي شنو انتي ؟! قولته ليها ختيت شروطي يطلق ديك ويعتذر برجع غير كده لا ساره قالت لي نحنا ما صدقنا جاي الولد تلاته سنه محل طفش ما عترنا ليهو على درب نشوى قالت ليها كلامك صاح المهم يصل هنا والباقي بيتسهل وهنا زاتو اهلو قاعدين وحايتضغطو عليهو قولته ليها كده كده انا بقى ما فارق معاي تاني العملو فيني ما شويه ،، ساره قالت لي صااح شمت فيك الخلق كلها ما ساهل الحصل معاك والله لكن بتتسهل يا زوله قولته ليها ان شاءالله اتونسنا وطلعنا منها زي تلاته كده ...
