عملته فيها رايحه واني ما سمعته شديد طلعته قولته ليهم اسرحي شعري والبس توبي وبجيكم امي قالت لي البس ليك عبايه التوب بتعبك وانتي ما بتعرفي تلبسي اصلا قولته ليها بس اتعلمته قالت لي بدليل لغايه هسي بتلبسي بالشمال كل ما تطلعي معاي لابسه توب تجرجريني دقيقه يا امي اصلحو دقيقه ارفعو هي وقع بجاي ارفعو معاي حركاتك دي ما بعمله البسي عبايه واتخارجي قدامي قولته ليها كويس بس اسرح شعري ولا ناويه توديني منكشه ؟ قالت لي مستحيل مستحيل تطلعي بدري لكلكتك دي كل مره بتعمليها لي انا مشيت بعدك وجهزت قبلك لفيت شعري لورا ولبسته الطرحه قولته ليها هدا جهزته نمشي يا الست ماما ؟؟ قالت لي اتفضيلي يا الست تيسير حبوبه ضحكت فينا جدي قال لينا معقوله لكن سنه فرح ليهو ساااعه واقف قولته ليهو اسفين بس امي اخرتنا كالعاده يعني امي ضحكت قالت لي امسحوها لي في وش تيسير دي جانب اتصال من خالي هشام قال لي بت اختي الف مبرووك يتربي في عزك خجلته ما عرفته اثول ليهو شنو قولته ليهو امين كيفك ؟ ضحك ال لي الحمدلله كيف صحتك .. فضل يتونس معاي شويه قولته ليهو وصلته العياده بجع ليك قال لي طمنيني حاضر ؟؟ قولته ليهو حاضر ،، اول مره كان اخش عياده نساء وتوليد كل النسوان كانو شايلن كروشهم على قول امي اليدوبه واللي خلاص على وش ولاده كنت بعاين ليهم باستغراب اول مره اشوف الكميه دي من النسوان الحمل 😅
جاء دورنا خشينا الدكتور طمني وفي نفس الوقت خوفني قال لي انتي حاليا حامل في نهايه الشهر الرابع زي ما واضح معاي وبمانو عندك قلب عايزك ما تخافي واهم شي تبعدي خالص عن اي حاجه بتوترك وعايزه عنايه خاصه عشان ما نتعرض لمخاطر ولازم تلتزمي بالتعليمات اللي حاديك ليها بالحرف بس ما عايزك تخافي كلو بتسهل بس اهم شي الهدوء وانك تاكلي كويس وتبعدي عن الحاجات الممكن تعصبك عشان الجين عاده بزيد ضغط الدم ودا باثر على القلب يبقى اهم شي عندنا الراحه اتفقنا امي قالت ليهو ما تشيل هم نحنا حا نهتم بيها زي ما بتقول قال لي تمام كان المفروض زوجك يجي معاك امي قالت ليهو هو مسافر عشان كدا ما جاء ضحك قال ليها دا عيب الرجل السوداني في اللحظات اللي مفروض يكون فيها مع عيلتو بسافر عشان لقمه العيش ربنا يصلح حال البلد اتفضلو دي ادويه وفيتامينات تاخدهم على الوقت بس زي ما قولته ليهم الاكل والراحه ونبعد عن التوتر وتكمل في ادويه القلب عادي ما باثر خالص على الجنين ربنا يحلك بالسلامه واذا حسيتي باي شي تعالي فورا والكشف الدوري ما تهملي قولته ليهو حاضر ان شاءالله ..
طلعنا خالي كان مستنينا في العربيه قال لي ها خلصتو؟؟ امي ادتو الورشته قال لينا استنوني في العربيه مسافه اصرف الدواء في محل اقاشي عاينته ليهو خالي قال لي اجيب ليك ؟؟ هزيت ليهو راسي مشى صرف الدواء وجاء مد لي كيس الاقاشي لغايه ما وصلنا كنت خلصتو خالي قال لي جيبي صحن كبي فيو قولته ليهو شنو ؟؟ قال لي الاقاشي انا زاتي نفسي فيو رفعته ليهو الكيس قولته ليهو فضل دا بس ضحكك قال لي بالعافيه عليك قولته ليهو هاك دا اصلا انا شبعته خلاص قال لي بشتري غيرو قولته ليهو تاااني ترجع فضل كتير بشبعك والله وانا لو اكلته اكتر من كدا حابيتكم في المشفي قال لي كلو الا البيت في المستشفي جيبي شالو مني ودور رجع بيتو ،، طبعا خالي فرح خدوم شديد وجدي في الطالعه والنازله بقول فرح علشان كدا مافي مشوار ولا طلعه ولا مصلحه الا وخالي فرح هو المسؤول عنها ..
خشيت الغرفه وبمجرد ما خشيت حسيت الارض لافه بي مسكته راسي بيدي و مسكته في الباب وفضلته امسك في الاثاث لغايه وصلته السرير قعدته حكايه 10 دقايق انا ماسكه راسي امي قالت لي مالك ؟ قولته ليها راسي لافي قالت لي نومي وارتاحي يمكن دا الحمل سمعتي الدكتور قال حاجات زي بتحصل احيانا واعراض عاديه ما منها خوف بس تريحي جسمك بتزول ،،اطبحته وغمضته عيوني فضلته ماسكه راسي لغايه نومته صحيت نص اليل لقيت امي نايمه جنبي كنت مضايقه شديد صليت لي ركعتين حسيت روحي ارتحته فضلته افكر في الحايحصل قدام شنو واحساسي جواي بقول لي الجاي ما خير ابدا خايفه من شي مجهول ما بعرف هو شنو يمكن خايفه من الحمل نفسو وانو عمر ما جنبي ولا شغال بي خايفه من حاجات كتيره وما عارفه ليه جاء في بالي ابوي انا عشته طول عمري ذي اليتيمه عمري ما عرفته يعني شنو "اب" ، اذا لا قدر الله عمر رفض يرجع معقوله ولدي يعيش ذي اليتيم وابو حي ؟؟ بتذكر لمن كنت في المدرسه بدل ما يجي ابوي بجي جدي صاح كنت بفرح وقته وبحس ان عندي سند بس دايما كان نفسي امسك يد ابوي ويكون عندي ذكريات معاه ذي صحباتي ياربي انا في شنو بفكر ، حسيت بزول واقف وراي اتلفته لقيته امي قالت لي المصحيك شنو ؟ قولته ليها ما جاني نوم قولته اصلي لي ركعتين قالت لي قومي نومي قومته ولغايه الصباح انا حاسه بخوف وما عارفه سببو ؟؟ ..
خالي فرح جاء لجدي العصر وقعدو في الديوان نحنا كنا في المطبخ قولته لامي بكره انا امشي عشان ما لو قعدته اكتر من كدا ما بيرضو قالت لي صاح كلامك عمك الامين ما بيرضي وزاتو ما يتحسس سمعنا صوت جدي كان باين من طريقه كلامو انو زعلان شديد وبهرج امي قالت لي مالو جدك كدي تعالي نشوفو حبوبه جات خاشه قالت لينا مافي داعي مشاكل في الشغل بينو وبين فرح تعالي يا معزه جبته صندل شوفي لي اصلي ولا المره غشتني ساي واخدته ومشو شويه اصوات جدي وخالي هدت ، المساء رجعته بيتي خالتي مفيده وعمي الامين كانو مبسوطين شديد وطول فترت قعادي خالتي كانت ما بتشغلني كتير مرت حكايه تلاته شهور معاهم ولسه تعامله زي ما هو ما اتغير ما بنكر اني شكيت كتير بس دايما كان بتقول لي اني جايبه ليها البجيب ولده عمر بعد عرف انك حامل حا يرجع لبيتو ولاهلو الضنا غالي قولته ليها خشيت السابع ولهسي ما كلف روحو يتصل مره يسال عني او عنو وانتي متأمله يجي ؟؟ ضحكت قالت لي بجي اول ما تختي بجي في كلامنا حبوبتي وامي جو داخلين سلمو علينا وقعدو شويه حبوبه قالت ليها تاني بعد دا المفروض تيسير تجي تقعد معانا ولا شنو يا مفيده ؟؟ خالتي مفيده قالت ليها خليها شويه انا مهتمه بيها زي امها ولا شنو يا تيسير ؟؟ قولته ليها صاح كلامك بس البكريه بتلد عند امها قالت لي ما قولته لا لكن تمي السابع وامشي امي قالت ليها لا تتمو في بيت جدها زاتو هنا ما عندها البتقعد عشانو حبوبه قرصت امي وقالت العادات ياها العادات الشهور الكبيره حقتنا بعد دا وتيسير وضعها حساس خصوصي في الكبيره ، خالتي كانت متمسكه بي شديد وطول القعده امي وحبوبه بحاولو يحنسو فيها ويتكلمو معاها وهي رافضه تماما اني امشي معاهم استغربته شديد من موقفه ، امي مسكته على جنب واتكلمت معاها قولته لحبوبه امي دي ماله اليله شوفي بتتكلم مع خالتي بلهجه حاده حبوبه قالت لي امك عايزاك حدها عشان تتطمن عليك بس ما اكتر قولته ليها ما عارفه حاسه في شي عاينت لي قالت لي شي ذي شنو مثلا ؟؟ التفكير الكتير دا خليهو اها نعلو الجنى تابعك ؟؟ خشيتي السابع وما شايفه ليك كرش جايه زي امك ولاشنو قولته ليها مرات بتعبني خصوصي لو زعلته ولا كدا نفسي بكتم شديد وبتعب قالت لي مشيتي الشهر دا للدكتور ؟؟ قولته ليها مشيت اي شوفته بالايكو صغيروون حاجه بس لو شفتي ياريتك جيتي معانا قالت لي الايكو دا شنو يا بت؟؟ قولته ليها الجهاز البشوفو بيو البيبي يا حبوبه قالت لي كيكو ولا ايكو دا في زمنا كان مافي على ايامنا ما بتشوفي جناك الا بعد يتختى قدامك ضحكته قولته ليها الدنيا بتتطور قالت لي قومي جهزي حاجاتك قولته ليها حاجات شنو يا حبوبه انتي ما شايفه خالتي ما راضيه ؟؟ في كلامنا داك جاء خالي هشام وكان باين عليهو مستعجل سلم علينا قولته ليهو جيت متين ؟؟ قال لي الصباح وين خالتك ؟؟ جات خالتي سلمت عليهو قال لخالتي جيت اسوق تيسير و ماشي لمن قال كدا استغربته شديد قولته ليهو تسوقني ؟؟ قال لحبوبه جهزي ليها حاجاته او اقول ليكم خلو الحاجات تعالو لموهم بعدين قولته ليهو في شنو يعني بعد مستعجل كدا ؟؟ قال لي مافي حاجه بس امك وحبوبتك قالو نجيبك و قالو ان المفروض شهورك الكبيره تكوني هناك خالتي قالت ليهو هشام تيسير ما حاتمشي لمكان دا بيته والمرا ما ليها غير بيت راجله خالي هشام قال ليها وين راجله ؟؟ وين بيته ؟؟ ، عاين لي قال لي قومي قولته ليهم في شنو انتو كلكم جاين تسوقوني ؟؟ خالي اخد خالتي على جنب وفضل يتكلم معاها لغايه صوتو ارتفع قال ليها لمن يكون ولدك راجل وقته يجي يرجع تيسير ونجوم الضهر اقرب ليهو تاني ولو هو اعوج انا بعرف بعدلو كيف في ظرف ثانيه كان عمي الامين في الباب معاهو احمد ، احمد مسك خالي هشام قال ليهو عليك الله ما تتهور يا خالي ياخ كل مشكله وليها حل عمي الامين قال ليهو عمر بتكلم سااي انت حاتساوي عقلك بعقلو ؟؟ خالي هشام قال ليهو اي شي وليهو حد وعمر دا استنفذ كل الفرص الاديناها ليهو عمي الامين قال ليهو جاي تسوق بت اختك بالطريقه دي وما خاتي لي قيمه ؟ لا انا ولا مفيده اختك ؟؟ خالي هشام قال ليهو انا لو ما خاتي ليكم اعتبار انتو الاتنين كنت سوقتها من غير حتى ما استأذنكم بس عشان ما اظلمكم انا اتصلته ليك من اسبوع وكلمتك انكم تجيبو تيسير البيت من زوقكم وبراكم بس انتو ما اشتغلتو بكلامي ومصرين تخلوها معاكم فاكرين اني ما بقدر اخدها يعني؟؟ اسمع يا الامين انت اكبر مني قبل تكون اخوي وراجل اختي الكبيره ومقامك على عيني وراسي ما اختلفنا بس مكانك شي وقله الادب البعمله ولدك شي تاني واسمح لي اخد بتي بالرضى ومن غير مشاكل ، كلهم سكتو ومافي زول نطق بكلمه جهزته حاجاتي وخالي كان مستنينا برا الشارع ماسك تلفونو طلعنا ركبنا ودانا البيت قولته ليهم مافي زول ناوي يفهمني يعني ؟؟ امي قالت لي مافي حاجه مشاكل بين خالك وعمر ياهو تجي ما تجي وخالك زهج منو وقال تقعدي معانا لغايه يجي هو قولته ليها المشاكل دي من فات في الجد شنو ؟؟ امي قالت لي قولته ليك نقاشات رجال سااي خالك ما راضي ليك الوضع دا خالي هشام عاين لامي في المرايه قال ليها المفروض ارضي واسكت زي زيكم مش ؟؟ وصلنا نزلنا خالي كان مضايق شديد اول مره اشوفو بالحاله دي جدي اول ما شافني عاين لخالي هشام بزعل ، امي قالت لي غيري ملابسك البسي ليك جلبابه مريحه الجو حار هزيت ليها راسي ودخلته ..
المساء خالي هشام وفرح وجدي وعمي الامين كانو بتناقشو في الديوان شويه اصواتهم علت شديد مشينا مستعجلين انا وامي وحبوبه نفهم الحاصل جدي قال ليهو انت كيف بترفع قضيه طلاق عايز تخرب لبت اختك بيتها يعني ؟ خالي هشام قال ليهو ابوي ياتو بيت دا ؟؟ بعد القالو عمر مستني مني شنو ؟ اقول ليهو اعفي لي ياااخ وامسحه في وشي ؟؟ جدي قال ليهو انت طول عمرك متهور وبتتصرف من راسك وتصرفاتك كلها غلط في غلط انت كدا بصعبه اكتر ما بتحلها خالي هشام قال ليهو انا غلط ؟؟ جدي قال ليهو بكره تسحب الدعوه الرفعتها خالي قال ليهو بعد كل القولتو وسمعتو بتقول لي اسحب الدعوه ؟؟ الدعوه دي ابسط حاجه ممكن اعمله عشان ارجع لتيسير اعتباره لو هو كان هنا اقسم بالله كنت طلعته بروحو في يدي جدي قال ليهو هشام الواجعك واجعني لكن ما بجرجر ود بتي في المحاكم واخلي الخلق كلها تتكلم علينا اولاد الحسين فعلو عيال الحسين تركو انا حا اتكلم معاه واخلي يعتذر منها بطريقتي خالي هشام ضحك قال ليهو يعتذر من شنو انا ما قولته ليك نبزه انا بقول ليك اتهمه في عرضه فاهمني انت يا ابوي ؟؟ قال الفي بطنه دا ما منو اكتر من كدا عايزو يعمل شنو عشان يطلق يا ابوي ؟؟جدي قال ليهو وطي صوتك البت قاعده برا خشيت عليهم قولته ليهو يوطي ليه ؟؟ خلي يكمل الفي بطني ما منو جيبتو من الشارع انا مش ؟ شنو قال ليك تاني عني احكي ، جدي قال لي يابتي عمر راجلك بتكلم من راسو ساي والمشاكل دي عادي بتحصل قولته ليهو ما بتصل لمرحله انو يقول اني جيبتو من غيرو عمي الامين قال لي تيسير يا بتي اول شي اهدي وما تعصبي انا ما عايز ابقى فيك انتي شوفي نفسك قام كيف امي قالت لي تيسير اخدي نفسك ما تخلي كلامو ياثر فيك ما اشتغلته بيهم قولته لخالي هشام تطلقني منو هسي دي ولا ثانيه زياده ما بقعده على زمتو استحملته بما فيه الكفايه لغايه اللحظه دي تتطلقني هسي وتتصل ليهو يرمي علي يمين الطلاق بكيفو ولا بالغصب هسي دي بس ، نفسي قام شديد وحسيت روحي دايخه عمي الامين قال لي الكلام ما بقولو كدا وما اي واحد يشد من جهه والقالو دا امسحي لي في وشي عشان خاطري من عندي خاطرك عندك قولته ليهو على عيني وراسي انت لكن عشان خاطركم انتو كلكم جيت على نفسي كتير بس لغايه هنا وكفايه انا عايزه اطلق ....
#محبات 🚶💙
