خالي جاهو اتصال من جدي بعد فصل الخط ملامحو اتغيرت امي قالت ليهو مالك يا فرح في شنو ؟ قال ليها والله هديل جاها وجع ونقلوها المستشفى امي قالت ليهو يمكن وجع ولاده خالي قال ليها لالا الدكتور في اخر مقابله قال لينا انو وضع الجنين ما عديل وما حاتلد طبيعي وفي حال شعرت بوجع او مغص خفيف تجيهو وانا خايف عليها وعلى الجنين يارب ما يحصل ليهم شي يارب امي قالت ليهو اطمن ما بحصل شي قال ليها ان شاءالله يارب طول الوقت كان مقلق وبتصل ليهم من وقت للتاني يطمن عليهك لغايه وصلنا الخرطوم خالي هشام ادى خالي فرح عنوان الشقه العايش فيها وصلنا لقيناهو قاعد مستنينا سلم على امي وخالي فرح وحضني مسااافه قال لي انتي تمام ؟؟ قولته ليهو الحمدلله انت كيف ؟ قال لي كويس اتفضلو اقعدو شال دانه من امي وفضل يلعب فيها قال ليها اخيرااا شووووفتك بس لو تعرفي قدر شنو كنت مشتهي اشيلك ، خالي فرح قال ليهو انا مضطر ارجع خالي هشام قال ليهو استهدا بالله اخد راحتك حبه من السواقه انت قايم من 6 يا راجل اكل ليك شي يسندك وامشي وعموما كدا كدا هديل دخلت عمليه وابوي وكلهم معاها بيغادي ما تتوتر بتسهل ان شاءالله اخدو راحتكم اجهز ليكم شي تاكلو امي قامت قالت ليهو المطبخ وين ؟؟ قال ليها العصير وعملتو والاكل جبتو جاهز من برا يعني بس ارصو في الصحانه ما محتاح شي ارتاحي انتي امي قالت ليهو خلاص برصو وبجيبو انا ما تعبانه دخلت المطبخ جهزت الاكل جابتو اكلته شويه وقومته خالي هشام عاين لي امي قالت ليهو دي حالته من الولاده سكت وما قال شي بعد نص ساعه جدي اتصل لخالي فرح قال ليهو هديل طلعت من العمليه وجابت ولد مبروك قال لي فرح من الفرحه نطا من السرير وبكاء وامي بكت معاهو خالي هشام قال ليهو مبروك الف مبروك يا اخوي فرحنا ليك شديد اقسم بالله يتربى في عزك خالي فرح قال ليهم انا بعد دا طالع ما يدوب الحق اصلهم خالي هشام قال ليهو طالع معاك لبرا ، طلعو هم الاتنين سوا امي قالت لي ادخلي غيري ملابسك الشقه كانت غرفتين ومطبخ وهول واسع شويه انا وامي قعدنا في غرفه وخالي هشام في الغرفه التانيه امي جابت سرير دانه ختتو جنب سريره هي ونيمته فيهو كانت نايمه انا دخلته غيرته ملابسي وراسي كان دايخ نومته صحيت اذان العشاء صليت ومسكته تلفوني جاء خالي هشام دقا الباب قولته ليهو اتفضل خشى جاب كرسي وجاء قعد جنبي قال لي حجزته ليك عند دكتور القلب دكتور كبير وشاطر غير الكنتي متابعه معاهو داك اجهزي مسافه العربيه تجي طلبته ترحال قولته ليهو ما كفايه دكاتره يااخ انا روحي ضاقت منهم قال لي معليش عشان خاطري نمشي انتي في الفتره الاخيره تعبتي شديد امك كذا مره بتقول لي انو نفسك بضيق وضربات قلبك ما منتظمه نمشي نشوف الحاصل ونطمن قولته ليهو حايكون شنو غير انو قلبي تعبان ومشاكل الصمام كالعاده ريتو يقيف مره واحده ويريحيني خالي هشام صر لي قال لي الجمله دي ما اسمعه منك تاني قولته ليهو سمعته مني ولالا في يوم حايقيف نهايتي معروفه زعل مني شديد وقام منى قال لي قدامك خمسه دقايق القاك جاهزه قومته بزهج ما كنت حابه امشي خالص لبسته اقرب توب وطلعته خالي هشام ما اتكلم معاي فتح لي باب العربيه بورا وهو ركب قدام مع السواق طول الطريق كان زعلان شديد مني لغايه وصلنا ما فتح خشمو معاي ،، الدكتور ما قال لينا شي غير الكلام الممل البقولو لي كل دكتور ابعدي عن التوتر عملنا التحاليل ركب لي جهاز عشان يقيس بيهو نبضات قلبي اذا منتظمه ولالا الدكتور قال لي الصمام مرتخى في حال النبضات ما منتظمه حانعمل ليك عمليه بس ما عايزك تخافي هي حاجه بسيطه جدا وما بتاخد وقت بس دا في حال لقينا النبض ما منتظم في الفتره دي ابعدي عن كل شي بوترك وعايزك تركزي في نفسك بس تعاليني كمان يومين اتفقنا ؟ هزيت ليهو راسي وطلعنا ، كنت خايفه من شي اسمو عمليه لاني بطبعي بكره كل شي حاد وريحه الدم خالي قال لي نتعشى سواء دا معطم ظريف قولته ليهو لا ما جعانه عايزه ارجع البيت قال لي غيري جو شويه اكلو حلو قولته ليهو لا ما حابه رجعني البيت بس تعبانه عايزه انوم قال لي تمام وقف امجاد ورجعني لمن جيت سمعته صوت دانه بتبكي شكلها جعانه قفلته اضنيني منها وخشيت منها غرفه خالي امي قالت ليهو دي حالته من يوم ولدت قال ليها لازمها دكتور نفسي كدا كدا انا حا افتح معاها الموضوع دا بس نطمن على وضعها الصحي الفتره دي امي قالت ليهو الدكتور قال ليكم شنو؟؟ خالي حكى ليها قال ليها اجيب ليها لبن من الصيدليه ؟؟ امي قالت ليهو لا ما بحتاج عندها لبن لسه ما خلص قال ليها طيب اغير وارتاح بكره عندي شغل بدري امي فضلت تنوني في دانه لغايه نامت خالي خشى لقاني قاعده في الكرسي وخاته يدي في راسي جاء قعد جنبي قال لي ما ملاحظه اني زعلان منك حتى ما فكرتي تعتذري لي قولته ليهو ما قولته شي غلط بكره بموت وبخلص من القرف العايشاهو دا كلو وانتو زاتكم ترتاحو من جري الدكاتره والتلتله دي مسكته الجاهز بيدي قولته ليهو الجهاز دا بحكني ما قادره اتحملو خالي سكت مسااافه قال لي كلها يومين وتخلصي منو بس عارفه مع انك اكتر واحده فاهمه يعني شنو قلبك يتعب بسبب كلمه تتقال ليك الا انك اكتر واحده بتجرحي بالكلام انتي عارفه اني عمري ما اعتبرتك بت اختي وعلى طول خاتيك في مقام بتي زمان كنتي ما بتسحملي لحظه اكون فيها زعلان منك بس اليله فهمته جمله امك لمن قالت لي تيسير اتغيرت وبقت منطويه على نفسها وبس فهمتها كويس شديد يااا .... بتي ، طلعته منو زعلانه ومضايقه شديد من نفسي قفلته النور واتغطيت بالتوب قعدته ابكي لغايه نومته صحيت خالي كان بشرب في الشاي بمجرد ما جيت جنبو ختى الكبايه وقال لامي انا طالع اذا حصل شي اضربي لي استمرينا لغايه اليوم التالت بالحاله دي هو ما بتكلم معاي ابدا وقت المقابله كنت خايفه شديد ان الدكتور يقرر يعمل لي عمليه وتفكيري كلو كان بتمحور في خوفي من العمليه واذا الدكتور يعمل لي عمليه ولالا لغايه ما جاء دوري كنت مرعوبه شديد قبل اخش الدكتور الشال الجاهز مني عاين ليهو مسااافه قال لي امممم مافي شي بنخاف منو بس حااكتب ليك دواء يساعد الصمام في انو يرجع على وضعو الطبيعي بالاضافه لادويه البتستعمليها ما حاغير شي فيها شوفي يابتي انا ملاحظ انك على طول سرحانه وحتى كلامك ما كتير وحسب معرفتي انك ما على طبيعتك لان ماف زول طول الوقت بكون مكشر وساكت اهم عامل في علاج الامراض كلها مش بس امراض القلب ما يسمى بال psyches Patient او الحاله النفسيه للمريض لان احيانا الضغوطات والمشاكل البمر بيها المريض بتجييب ليهو مرض من مافي عشان كدا اي دكتور بنصح اي مريض بجيبهو انو يبعد عن التوتر والضغوطات وانا شايف انك لازم تقابلي طبيب نفسي اذا حابه قولته ليهو انا ما مجنونه عشان قابل دكتور نفسي قال لي انا ما قولته انك مجنونه زايد انا قولته طبيب نفسي واذا حاابه حايساعدك في انك تتخطى الضغوطات من غير ما تاثر على قلبك وتعبو وانا شايف من وجهه نظري انك تفكري في الموضوع عشان صحه قلبك بس حسب ما قال خالك انك عندك بت اكيد يعني ما نفسك تتعبي وتعبيها معاك هاك اتفضلي دي الورشته كلام الدكتور بنسبه لي كان سخيف شديد وكرهتو شديد لدرجه قولته لي خالي دي اخر مره اجي لدكتور انا ما عايزه امشي لدكتور تاني دي فارغه بس ما اكتر خالي سكت وما رد لي قال لي تعالي نمشي شارع النيل نغير جو ونشرب قهوه قولته ليهو ما عايزه رجعني الشقه وداني البيت من غير نقاش كتير وصلته سمعته صوت امي بتتكلم بتلفون كانت بتهرج قالت ما كفاك العملتو فيها كمان محرش عليها اولاد عمك يا خايب الرجا يا بمل بتخجل ؟ اسمع هنا ووصلي الكلام دا لاهلك نفر نفر لو فاكر انو بتي ضهرها فاضي تبقى غلطان اااي اااي تيسير ما عندها ابو لكن مربيه احسن من ناس كتير عندهم الام والابو وما شغالين بيهم ولا سألين عليهم ويمين بالله يا عمر اسمعك تاني تجيب سيرة تيسير بالعاطل وديني وما اعبد الا الاعملو فيك لمن تموت وما تزح اثرو جيت ختطفته منها التلفون قولته ليهو طلقني هسي دي قال لي اهلين بالمطلوقه البتحاوم من مكان لمكان عديمه التربيه منو السمح ليك تسافر ااه ؟؟ شلتي اذن من منو ؟؟ ما اصلا انتي مطلوقه نان عندك ابو عرف يربك ويوريم الصاح من الغلط من قومتي غير الانطلاقه وقلة الادب ما عندك شغله يا معرصه قولته ليهو حسك عينك تقول كلمه فيني تاني يا قليله الادب يا قذر يا حقير قال لي مطلوقه والبت الجبتيها دي امشي كوسي ابوها وين ما تمليي فيني بلاك يا فقر كفايه الشفتو منك وطلاق ما بطلق وتشمي قدحه ورجعه ما راجع وابقي معلقه ونشوف المحكمه الجاريه وراها انتي وخالك دي حا يقدرو يطلقوني منك كيف يا حيوانه واقسم بالله يا تيسير لو ما ضوقتك يدي بس اصبر لي يا ..... تف عليك وعلى تربيتك اصلا البت الابوها هامله وراميها رميه الكلاب هي وامها دي بتكون اخلاقه وفصل الخط جدعته التلفون وقعدته ابكي بهستريا امي قالت لي قال ليك شنو قليل الادب بعد بخليكي تبكي كدا ما تسمعي كلامو دا واحد واطي قولته ليها قال لي ما عندك ابو نبزني وشاكلني عشان ما عندي ابو شوفتي وصل لوين ؟ قال دي ما بتو قال جبتها من الشارع بسببه انا الناس كلها بتتكلم في سيرتي اصلا انا بكرها ان شاءالله تموت هسي الله ياخدها الله ياخدني انا ويرحيني منها ومن ابوها ومن الدنيا كلها من جات جابت معاها البلاء شليها من خلقتي قبل اطلع بروحه هسي زحيها من وشي قبل اقتله جيبيها خليني ارميها وارتاح منها امي مسكت دانه عليها قالت لي انتي جيتي ؟؟ خالي قال لي مسكني قال لي تيسير اهدي دي شنو البتعملي فيهو دا انتي مجنونه قولته ليهو مش كل المشكله البت دي ؟ خليني ارميها وارتاح منها ومن بلاها حاولته افك منو وامي مشيت بعيد مني خالي هشام ضربني كف وقعني في السرير ومسكني من يدي دخلني الغرفه جوه وقفل الباب اطبحته في الارض وفضلته ابكي بهستريا كان في سكين صغيره في التربيزه شلتها ومن غير ما اشعر عيوني ما شافت غير دم في الارض اول شوفته طشاش طشاش بعدين ما حسيت بشي ،،،
خالي هشام بعد ما سمع صوتي جاء فتح الباب لقاني مرميه والدم مالي المكان المحاوطني كلو بخوف كورك لامي شال الطرحه الكنت لابساها ولفه فيها يدي ، امي جات بمجرد ما شافتني هبططت خالي هشام قال ليها بنهره ما تموتي انتي كمان وشالني ونقلني المستشفى فضلته ما واعيه لغايه تاني يوم الصباح فتحته عيوني لقيت خالي قاعد جنيي وخاتي يدينو في راسو ومنزل راسو في الارض وامي ماسكه دانا وقاعده في الكرسي حركته عيوني خالي حسى بي ومشى نادا الدكتور امي قعدت تبكي قالت لي دي عمليه تعمليها فينا حسبي الله في الشيطان يااخي قولته ليها زحي البت دي مني زحت مني بعيد وقعدت تبكي ، الدكتور جاء قال خلو قزازه الدم دي تخلص وتخرجوها طوالي واعملو حسابكم ما تعيده تاني عاين لي قال لي كلو بتعوض الا الاخره يا جنه دايمه يا نار دايمه تخسريها دنيا واخره ؟؟ خالي قال ليهو حانعمل حسابنا شكرا ليك ،، قزازه الدم خلصت وطلعنا البيت خالي وامي ابدا ما اتكلمو معاي في شي وامي ما كلمة زول اني حاولته انتحر ولا حتى حبوبه مرو اسبوعين وامي بقت زي الحارس الشخصي اي اله حاده ما بتخليني اهبشه وانا من السرير من بقوم ولا حتى للصلاه الا بالغصب لمن امي تجبرني ومره اصلي ومره لا ودخلته في عالم تاني خالي اغلبيه الوقت ابكي ومره اسكت واذا زهجته بنوم امي شالت سرير دانا ودتو غرفه خالي بيقادي ودانه بعيني بقيت حتى صوته دا ما بسمعو ولا بسأل عنها وهي اصلا ما بتهمني حتى لو ماتت التموت وتريحني ، خالي بنيم معاهو دانه بليل ولو صحيت او بكت بحاول ينومه واذا ما ما نامت بنادي ليها امي كنا مقررين نرجع من الخرطوم في شهر بس الشهر بقى شهر ونص ولسه الوضع في حالو ،،
خالي جاء خاشي علي لقاني مضلمه الغرفه ونايمه فتح الشباك غطيت عيوني من النور كانت الدنيا لسه صباح مان شايل صينيه اكل في يدو ختاها في التربيزه قال لي صحي النوم كفايه كدا ليك شهر بالحاله دي ما رديت ليهو وجريت التوب غطيت بيهو وشي سحب التوب مني واتقلبته الجهه التانيه قال لي تيسير يمه كفايه البتعملي فيهو دا عشان خاطري قومي اكلي ليك لقمتين سكته ما ردين قال لي شوفي محضر ليك كل البتحبيهو بيدي حا تكسري بخاطري برضو برضو ما رديت قعد لي في وشي قال لي وفضل يحنس فيني قريب الساعه وانا ما برد طلع برا وجاء داخل تاني كاان شايل اوراق رسم واقلام قال لي طيب خلينا الاكل قومي ارسمي ما اشتغلته بيهو قال لي حا اخلي الاكل والاوراق جنبك اذا غيرتي رايك شال نفس وعاين لي مسااافه دموعو جات جاريه و طلع .....
امي قالت ليهو اها ان شاءالله شالت ليها لقميتن ؟؟ خالي هشام قال ليها في حاله حتى عينه ما رفعته علي انا ما عارف اتصرف معاها كيف المشكله كل محاولاتي معاها فاشله انا لو قدرته اخليها تصل عتبه الغرفه دي بقدر اعمل الفي راسي تاني لكن مشكلته ما بتسجيب ومصعباها علينا شديد امي دموعه جات جاريه قالت ليهو لو قدرته تتطله من عمر متاكده حالته حا تتحسن قال لي ما قادر اقدم بيان عشان وضعها دا لازم هي بنفسها تتابع الجلسات او تظهل ان شاءالله في جلسه عشان موقفنا يكون قوي بس انتي شايفه هي كيف وعمر حالف يمين ما يطلق وقال تفضل معلقه بس حساده والقاضي قال امر بانو اجيب تقرير من الطب الشرعي بثبت انو هو كان بضربه ماعارف اذا في جسمه اثر لضربو ليها وعمر هددني انو ياخد دانا منها وفي نفس الوقت بقول للقاضي انو البت دي ما حقتو يعني تخيلي بس الحقير دا بعمل في شنو ؟ عايز اعمل تحليل DNA عشان نثبت انو بتو في نفس الوقت ما عايز الجىء للخيار دا عشان كرامه تيسير انا بقيت ما فاهم شي وموقف عمر اقوى من موقفه ...
#محبات🚶💙
