مصعب قال لي يعني وافقتي؟؟ قولته ليهو مبدئيا فكرته دانه محتاجه لأب وعمر ما حايديها الحنان العايزاه حا قابلو ولو لقيتو كويس حا اوافق ونتزوج مصعب سكت مساااافه وقال لي استخيري قبل كل خطوه قولته ليهو بستخير اليله امس نشوى قالت لي نفس الكلام ، مصعب قال لي نشوى ..قولته ليهو اي كنت معاها امس قال لي اهااا..كويسه البت دي، انتو صاحبات من متين ؟؟ قولته ليهو من اطفال ربينا سوى نحنا قال لي يعني هي بتقربنا؟ قولته ليهو لالا بس جيرنا وقرينا الروضه والاساس والثانوي سوا واهلنا بعرفو بعض وبقينا اهل تاني يعني بتحسبو مننا حتى ابوي عبدالعال هو وعمو اصحاب شديد قاال لي كويس، حلو ربنا يديمه بينكم مخطوبه هي صاح شايف في يدها خاتم قولته ليهو خاتم ؟؟؟! لاالا خاتم ساي جابتو ليها امها هديه قال لي ببسمه اهااا فكرتها مخطوبه قولته ليهو وانت بهمك شنو لو مخطوبه ولالا ؟ قال لي اه ؟ بسال بس بتعرفي انا ما بعرف زول من اهل امي فكرتها من اهلنا بس يعني آدم قاطعنا هو وريم قال لينا منو المن اهلكم ؟ مصعب قال ليهو ولا زول ضحكته وعاينته لمصعب ريم قالت لي هاااي ابتسمته ليها ولفيت الكبايه بيدي قالت لي انتي شغاله هنا شنو؟ قولته ليها في انا دايزينر مع سمؤال قالت لي بجد ؟ دفعه ادم يعني قولته ليها لا ما دفعتهم آدم قال ليها تيسير اخت مصعب واهم ديزينر هنا ومبدعه شديد راسه طاااقه ياااخ ♡♡ قالت ليهو امممم ظريف مسكت آدم من يدو قالت ليهو بعد دا انا امشي آدم سحب يدو منها قال ليها ما بدري قالت ليهو من عمرك حبيبي مصعب قال ليها اظهري علينا ما تطولي ريم قالت ليهو طبعا طالما انا في السودان عندي منو غيركم ؟ صح آدم ؟ آدم هز ليها راسو قال ليها اكيد،، مصعب قال ليها عندي مشوار اوصلك في الطريقي قالت ليهو ياريت يا مصعب سيارتي للحين ما استلمتها ودعت آدم و طلعو سواء ، فتحته تلفوني وفضلته قاعده آدم سحبو مني قال لي تشربي قهوه ؟ قولته ليهو شربتها ورفعته الكبايه قال لي انا برضو شربتها مع ريم يعني قولته ليهو وانا منتبه مع التلفون طيب كويس قال لي لكن عايز اشربه معاك قولته ليهو ليه يعني ؟ قال لي عشان القهوه كيف واي زول بكيفو سكته وختيت التلفون جنبي قال لي لاحظي دي المره التانيه تتجاوزني وانا بمرر ليك قولته ليه اتجاوزك ؟ ليه ؟ قال لي اسألي نفسك قولته ليهو حا امشي البيت قاطعني قال لي حا امشي البيت عشان عندي مسؤوليه وبتي دانه حا تبكي وتشقطا بكاء وامك مستنياك ياااخي الكره الارضيه كلهااا بتحتاجك بس في اللحظه القاعداها معاي دي سبحاااان الله يا مؤمن المره الجايه جيبي حجه غير دي عشان التكرار ممل زيت ؟ قولته ليهو انت مالك زعلان كدا هسا؟ قال لي ولاشي منفسن زي ما انتي قاعد تنفسني قولته ليهو اذا زعلتك في شي فانا اسفه ما قصدي آدم قال لي لا عادي وشال تلفونو ومشى مني اتجاهلته الحصل قولته احسن عشان البينا يخرب زاتو واقدر اتأقلم مع زهير بسرعه زي ما عملت سمؤال دا إعجاب بس، مشيت خطوتين وجيت راجعه تاني ما هان علي امشي وهو زعلان وقفته قدام المكتب متردده افتحو ولالا آدم كان جاي خاشي المكتب عاين لي بطرف عينو واتجاوزني فتح الباب دخل طلعته مضايقه من روحي وقفته امجاد ورجعته البيت نشوى جاتني في بعد العشاء حكيت ليها قالت لي احسن يازوله عاملي كأنو زميل بس ما اكتر ولا أقل قولته ليها دا البعملو رغم انو صعب علي شديد قالت لي يازوله لخير ما تشيلي هم،، قولته ليهو نشوى .... ما هاين علي زعلو والله قالت لي تيسير نحنا قولنا شنو؟ المره دي ما هاين علي زعلو المره جايه اطمن عليهو البعده اقيف جنبو والبعدو ما قادره اتنفس بدونو انتي اخدتي قرار كوني قدرو قولته ليها نهايه الاسبوع زهير جاي و حا الاقيهو قالت لي الله يسهل استخرتي ؟ قولته ليها اي استخرته امس قالت لي اها.... ؟ قولته ليها ما عارفه تاني الفيهو الخير بعملو ربنا قالت لي طيب انا مضطره امشي قبل الواطته تليل اكتر قولته ليها بيتي معاي قالت لي لالا ياااخ سلمى بتزعل وانت ما مكلمها قولته ليها يعني شنو نتصل ليها نحنا نكلمه قالت لي ما بقدر والله من غير شي هي زعلانه اني حا اقعد اسبوع بس لكن بحاول معاها بكرا كان رضت بجي ببيت معاكم قولته ليها خلاص انا بكره بغشاك وبحنسه ليك قالت لي خلاص زابط ،، طلعته معاها اقدمه مصعب لاقانا في الباب شايل اكياس سلم على نشوى قال ليها رجلي حاره كدا اقعدي شويه ياااخ نشوى قالت ليهو ما بقدر والله الدنيا داخله ليل اداني الأكياس قال لي دخليهم وقال لي نشوى اتفضلي اوصلك قالت ليهو لالا يااخ بتطلب تكسي قال ليها عيب عليك تكسي وفي عربيه ؟ اتفضلي لو سمحتي نشوى ودعتني وطلعت قعدته اعاين ليهم من بعيد وهم ماشين سواء اتمنيت شديد لو نشوى تكون من نصيب مصعب ♡...
سمؤال اتصلت لي الصباح قالت لي حاولي استعجلي عليك الله قولته ليها في شنو من الصباح ؟ قالت لي التربيات دي بس وما قادره عليها براي اطلعي تعالي ساعديني قولته ليها طيب اشرب الشاي بس واجيك قالت لي انتي لهسي ما شربتي ؟ قولته ليها سمؤال ! الساعه يدوب 8 اجيييي ؟؟ قالت لي خلاص اسرعي عليك الله ، شربته الشاي وشلته دانه معاي امي كانت تعبانه شويه ما قدرته اخليها ليها قالت اي وانتي جايه جيبي لي حبوب نزله عليك الله التلاته حبات ديل بشيلنها اصلا الشتاء ما بجيب معاهو خير قولته ليها التلاته حبات ديل ما بشيلنها لكن يا امي دي عدوة فيروسيه اخدي حاجات دافيه بس قالت لي اسمعي الكلام يا بت قولته ليها طيب يا امي حا اجيبهم ليك راحتك قالت لي خلي بالك من البت قولته ليها كويس يا امي ركبته مع مصعب قال لي زهير جاي نهايه الاسبوع قولته ليهو عارفه اي وقال نتلاقى قال لي ما تسرعي في قرارتك تمام ؟ قولته ليهو الله يسهل ،، آدم وسمؤال كانو سلفاا شغالين آدم عاين لي بأبتسامه لمن شوفتو ببتسنم لي انبسطته قولته خلاص رضى واتجاوز الموقف جاء على شال دانه مني وبقى يشاغل فيها قولته ليهو جيبه عشان حا تبكي ما اشتغل بي ومشى بعيد مني فضلت عندو لغايه وقت الفطور بقت بفتش في زي الحاجه السمحه لفيت الشركه كلها وما لقيتو اتصلته ليهو ما برد هنا راسي مشى بعيد شديد بعد شويه جاء خاشي وهو بضحك مع دانه شايل كيس في يدو مشيت ليهو وقلبي في يدي عقد لي حاجبو قال لي دانه تمشي لماما ولا تقعدي مع بابا قولته ليهو بابا شنو؟، جيب جيب انتو كنتو وين ولا ما بترد ؟ عقد لي حاجبو قال لي وانتي خايفه كدا ليه هي كانت معي ما زول غريب يعني ختيت يدي في قلبي قولته ليهو ما تعيده تاني واياك تمشي مكان بعيد عني قال لي ابدا ؟؟ قولته ليهو ابدا قال لي بخباثه حاضر، وغيرو ...؟ قولته ليهو بأرتباك قصدي ما تبعدي دانه عني شنو فهمته انت ؟ مديت ليهو يديني قولته ليهو جيبها قال لي فهمته القاصده انتي بالضبط مد لي دانه ، دانه اتشعلقت في رقبتو وابت تجي حاولته اشيله بالقوه بكت آدم رفع لي حواجبو قال لي خليها يلا حبيبي دانه قالت ليهو بابا ييييي ودلدلت رجروله وصفقت لمن شفتها مبسوطه ما حبيت اخدها بالقوه قولته ليهو طيب خليها معاك بس انتبه ليها قال لي حاضر وما حا امشي بعيد ،، سكت مساااافه قال لي بيها ما حامشي بيها بعيد، مشيت منهم كملته شغلي وجيت طالعه دقيت المكتب وخشيت المدير قال لي انا ما قولته اتفضل قولته ليهو آسفه و رجعته تاني قال لي تعالي تاني انتي اصلا خشيتي، خير عايزه شنو ؟؟ قولته ليهو بس عندي شويه اوراق قاطعني قال لي شايف بتك مع آدم ... قولته ليهو هو جاء شاله مني وابا يديني ليها اقصد ابت تنزل منو انا ما بقصدي وجبتها عشان امي كانت مريضه وانا..قاطعني قال لي ريم وآدم حا يخطبو قريب ان شاءالله قولته ليهو مبروك ليهم ربنا يسعدهم قال لي الله يبارك فيك ، ريم انسانه ناجحه وكانت مخطوبه قبل كدا بس فسخت الخطوبه انا شايف انهم مناسبين لبعض قولته ليهو فعلا لابقين لبعض الله يهنيهم قال لي اممم جيبي الاوراق اديتو الاوراق ، من جواي كان في غصه في قلبي واجعني شديد المدير قال لي خلي الاوراق براجعهم اول هزيت ليهو راسي وطلعته بمجرد ما قفلته الباب شلته نفس عمييييق وطلعتو شغلي سلفآ كان خالص شلته شنطتي و جيت ماره بمكتب آدم دقيت المكتب لقيتو خاتي دانه في كرعينو وممسكه لعبه وهو برسم قولته ليهو عايزه دانه قال لي طالعه ؟ هزيت ليهو راسي جيت اشيل دانه منو قال لي مالك ؟ قولته ليهو ما مالي شي مصدعه راجعه البيت قال لي تيسير ليك كذا يوم ما على بعضك معاي وبتحاولي تتجنبيني دايما انا مزعلك في شي ؟ اذا مزعلك فانا اسف حتى من غير ما اعرفو بس ما تزعلي وضايقي قلبي اقصد قلبك قولته ليهو لا ابدا مافي شي من دا انا بس مضغوطه والعرس وكذا شي في راسي موترني قال لي ممكن تشاركني الشاغلك وحا نلاقي ليهو حل سوا حا اسمعك مهما كان الموضوع سخيف حا يكون مهم بنسبه لي قولته ليهو ما بحب احكي ما بكون مرتاحه مسكته يد دانه مسكه مني قال لي اكتبي طيب قولته ليهو ولا بحب اكتب قال لي طيب اعملي البريحك بس خليني جزو منو قولته ليهو بحل اي شي بالبكاء تبكي معاي ؟ ابتسم قال لي انا لو شفتك ببكي ما حا ابكي لكن قلبي حا يتقص قولته ليهو بجديه آدم ... قال لي عيون آدم ، اتجاوزته كلامو قولته ليهو بيني وبينك حدود الزمه ما تحاول تقرب مني من جد ما ناقصه وانت على وش خطوبه فاحترم الانسانه المعاك دي و امشي واسي ريم و ممكن تديني دانه عشان ماشه ! قال لي خطوبه ؟؟ انا ما خاطب قولته ليهو بس حا تخطب قال لي اي كان القال ليك الكلام دا فهو كذب عليك انا ما خاطب ولا حا اخطب ولافي بيني وبين ريم شي قولته ليهو انا ما بهمني اذا الكلام دا حقيقي ولالا وما طلبته تبرير هات دانه .... من فضلك ، اداني ليها من سكات ومشح وشو بيدينو طلعته منو والعبره خانقني كدا ولا كدا اليوم دا كان حا يجي لو هسا او بعدين حا اتعرض للموقف دا والحقيقه دي مافي مهرب ابدا ، امي قالت لي بكره حا نسافر للعرس شيلي اجازه قولته ليها تمام انا حا اخلص بدري وبجي طالعه قالت لي اعزمي وعد لو جات قولته ليها حا اتصل ليها هسا عشان ما انسى ، اتصلته ليها سلمته عليها وعزمتها قالت لي عايزك في موضوع لو ممكن نتلاقى بكره ؟ قولته ليها نتلاقى زي عشره كدا بكون فاضيه قالت لي عشره انا بكون مشغوله شديد ما ينفع نهايه الدوام بتاعك ؟ قولته ليها نهايه الدوام عندي معاد مهم شديد والله وحا اطلع بدري عشان حا نسافر قالت لي تمام ياستي بدبره قبل دوامك وبديك خبر قولته ليها تشرفي في اي وقت قالت لي تصبح على خير فصلت منها قولته في نفسي ياربي وعد دي حا تكون عايزاني في شنو ؟؟ ،،
تاني يوم وعد جاتني المكتب سلمت علي وقعدت قولته ليها تشربي شنو ؟ قالت لي ولاشي لسه ما فطرته والله قولته ليها لالا لازم تشريي شي قالت لي تيسير لو عايزه ما كان خجلته يعني المهم عايزاك في موضوع سمؤال ما هنا ؟ قولته ليها لا طلعت مشوار قالت لي احسن ، المهم من غير لف ودوران انا بعرف العلاقه البينك وبين آدم قولته ليها دقيقه ، دقيقه هو شنو البيني وبين اخوك غير اننا زملاء شغل وصاحب اخوي ؟ هو منو الجاب ليكم الاشاعه دي ؟ عايني وعد اذا جايه تسمعيني كلام بخصوص الاشاااعه دي فأبوك ما قصر والله قالت لي ابوي اتكلم معاك ؟ قولته ليهو ما اسمو كلام بقدر ما اسمو هرش، عموما داك اخوك امشي اسألي وانا واحده مشاكله مغرقاها وعندها بت ومطلقه واشاعه زي دي حا تخسريني كتير وحا تخسريني بتي في المقام الاول و واصله الحضيض فعليك الله ارحموني ما اي زول يجي يسمعني كلام براهو داك اخوك الله يسعدو بخطوبتو ويهنيكم بيهو وانا عندي اهل ما جايه من الشارع تمام ؟ قالت لي ممكن تهدي ؟ عايزه ارد ليها آدم ومعاهو مره جو خاشين واضحح انو آدم كان بحاول يوقفه ما تخش آدم قال ليها امي عليك الله ما في الشغل شاف وعد قال ليها حتى انت يا وعد حتى انتي ؟؟ امو قالت لي انتي تيسير ؟ وعاينت لي من فوق لتحت قولته ليها اي اتفضلي قالت لي اتفضل ؟ اتفضل شنو ؟ انا جايه هنا اقول ليك كلمه واحده بس ولدي ابعدي عنو ؟ قولته ليها ولدك بيني وبينو عشان اقرب ولا ابعد ؟ قالت لي اسمعي هنا اتلمي انتي وبتك وابعدي عن ولدي قبل .. آدم قاطعه قال ليها امي خلاص عاينته ليهم مستغربه امو قالت ليهو زح لي منها هي سحرتك انا عارفه سحرتك عند الشيوخ آدم قال ليها امي الله يرضي عليك بطلي البتسوي دا وتعالي معاي افهمك فكت يدو وجات للغايه عندي مدت لي اصبعه قالت لي اسمعي يا تيسير ولا تنزيل انتي انا ولدي لسه شاااب وانتي امشي شوفي ليك واحد شبهك ولو فاكره انو ولدي حايقعد يربي ليك بتك تبقى غلطاااانه وايااااك تحلمي حلم انك تعرسي آدم ولو رفعتي عينك دي عليهو حا اسقط حجرك سامعه ....؟
#محبات🚶💙🔕
