🔯 الجزء الأول من قصة العشق المحرم 🔯
🕎 بقلمي أنا ريم 🕎
فجامعة محمد الخامس و بالظبط فأونفي زاهيري واقفين طلبة الكيمياء و مجتامعين على طابلوا باش يشوفوا نقاطهم ديال الدورة لي علقاتهم الإدارة ...
دعاء : حيد أ صاحبي شوية نشوفوا حتا حنا (كادافع معاهم) وااااااووووو نجحت واااا نجحت (دارت شافت فبطلتنا لي واقفة لور) واااا جميلة جيتي نتي اللولة !!!!
جميلة : حلفي ! (فرحات) بلاتي نشوف (ابتاسمات ببراءة) اوووف الحمد لله يا ربي ...
دعاء : الله على فرحة يا ربي ! ماكاينش حس الراطراباج ! إوا دابا عاد غادي نمشي لعيد ميلاد و أنا مرتاحة !
جميلة : (ابتاسمات بحزن) مممم !
{ خرجوا البنات و بقاو غاديين فالزنقة على رجليهم كايهضروا حتى وصلوا لدار دعاء ...}
دعاء : ناري ، كون غي شفتي شي طريقة باش تمشي معانا لعيد ميلاد أ جميلة !
جميلة : و الله ما كرهت حتى أنا نفوج و نفرح و لكن هادشي لي عطا الله راك عارفة بابا و ماما كي دايرين !
دعاء : باز ليك أ صاحبتي صابرة عليهم ...
جميلة : أودي (ابتاسمات مرة أخرى بحزن) المهم فوجي مع راسك و صوري ليا داكشي فيديو باش غدا توريه ليا ...
دعاء : واخة أ حبيبة يا الله بسلامة ...
جميلة : بسلامة !
(ذخلات دعاء لعمارتهم فحين تنهدات بطلتنا و بقات غادة فزنقة كاتمشى و هي حاسة بإحباط كبير ، بقات كادير فنفسها مقارنة بين حياتها و حياة البنات لخرين و أبسط مثال صاحبتها دعاء !!! غاع البنات عايشين الحرية الا هي ، غاع البنات عايشين مرتاحين مع واليديهم إلا هي ، غاع البنات غارقين فالحنان ديال والديهم إلا هي ، خدات من عندهم غي الحرمان و الضرب و الكلام القاسي ... خدات من عندهم غير القسوة و عدم الاهتمام !
بعد دقائق ، وصلات لدارهم أو بعبارة أخرى الحبس كيما كاتسميه هي ، هاد الحبس لي عبارة عن رياض قديم فالمدينة القديمة)
جميلة : (حلات الباب و لقات جداتها كاتسقي المحابق 🎍🎍)
عيشة : بنتي على سلامة !
جميلة : الله يسلمك أ مي لالة !
(ذخلات جميلة نيشان لبيتها و سدات عليها ، لبسات بيجامة و جمعات شعرها شفنجة عاد غلسات فالصالة كاتفرج و تاكل كاسكروط)
سمية :(ذخلات من سوق) تبارك الله على العروسة غالسة كاتفرجي ؟
جميلة :(تنهدات وناضت لكوزينة بلا ماتهضر معاها حيث ولفات الهضرة الجافة)
سمية : إوا الله ينعل لي مايحشم !
(فالكوزينة ، بقات جميلة كاطيب لعشا بلا ماتحرك ساكن، هي من طبعها السكوت و لكن فالحبس كاتسكت كثر حيت الكلمات كايمشيو ليها معاهم)
عيشة : أويلي بنتي خليني نعاونك !
( جميلة يا الله أتهضر و هو يذخل باها )
عزيز : (حط الخبز) و علاش أتعاونيها أ مي !! هي لاش نافعة أصلا غي الماكلة و نعاس بلا فايدة !!!
عيشة : الله يهديك ، عاد جات مسيكنة من المدرسة مسخسة و تزيد على راسها بشغال !
عزيز : هي لي بغات تقرا ما لالياتها مزوجين و كايرتاحوا فديورهم مع رجالهم !
جميلة : (ماجاوباتوش و كملات تقطاع الخضرة بهدوء)
عيشة : عزيز بلا ماتعصبني و أنا مريضة ! ياك هضرنا فهادشي و قلنا ليك خلي البنت تقرا راه باقا صغيرة على الزواج !
عزيز : كيفاش صغيرك 19 العام سمية راه ولدات مهدي !!!
عيشة : هاداك وقت و هذا وقت !
عزيز : إوا خليها ترس علينا و تربح بهاد القراية ديالها ، دابا يجي نهار لي يمشي ليك داك الزين لي فرحانة بيه عاد ديك الساعة اتوقفي على هضرتي (خرج و مشا غلس فصالة)
عيشة : ماديش عليه أ بنتي صافي ؟! (قاس ليها فكتافها) ماتفقسيش راسك !!
جميلة :(شافت فيها بابتسامة مخلطة بحقد كبير فعينيها ) بغيتي ندير ليك شي فليفلة حارة فالماكلة ؟
عيشة :(بقات كاتشوف فعينيها لي فيهم الدموع و حزن كبير بتأسف ) ديريها أبنتي كاتجي زوينة !
أنت تقرأ
عشق محرم 🧞♀️عشيقة العبري 🧞♀️
Romance🔥👑 قنبلة الموسم 👑🔥 أنت أيتها القارئة !!! نعم أنتي !!! ألم تتسائلي يوما عن شعورك إذا أحببتي شخصا غير مسلم ؟ كيف ستكون ردة فعلك تجاه هذا الحب المحرم ؟ هل ستهربين منه بدريعة الدين أم أنك ستواجهين العالم من أجل الشخص الذي أشعرك حظنه بالأمان ! 🔯�...
