عشق محرم 🧞‍♀️عشيقة العبري 🧞‍♀️

‎ الجزء ١٣ من قصة العشق المحرم

🔯 الجزء ١٣ من قصة العشق المحرم 🔯
🕎 بقلمي أنا ريم 🕎
⛈❄️ صباح جديد بارد و غائم ⛈❄️
ناضت ليلى كالعادة على صوت المنبه ⏰ مع السبعة ، غسلات وجهها و ضمضات الجرحة عاد لبسات حوايجها بالزربة ... مشات لمرايا و بقات كاتقاد فشعرها و هي كاتشوف فوجهها !
جميلة : حتى انا زوينة (ابتاسمات و خرجات) صباح الخير !
عزيز : (لا رد)
عيشة : صباح النور بنتي الحبيبة ! لا واش اتمشي تقراي و نتي مريضة !؟
جميلة : لا ضروري نمشي ! ماتخافيش اناخد طاكسي !
عزيز : جمعي داك الشعر لي فرحانة بيه و لا غادي نحسنو ليك !
جميلة : (جمعاتو بلا ماتهضر معاه) يا الله بسلامة !
عيشة : غلسي تفطري !
جميلة : لا راني معطلة اصلا !
عيشة : وا حظي راسك أ بنتي !
🔯🔯🔯🔯🔯🔯🔯🔯🔯🔯🔯
خرجات جميلة لشانطي فين خدات طاكسي صغير وصلها حتال الكلية ... ذخلات لونفي كاتعرج باتجاه صاحبتها ...
دعاء : (غوتات) اويلي جميلة مالكي ا صاحبتي ؟
جميلة : خليني غي نغلس و نعاود ليك !
دعاء : موصيبة هادي واش ضربك داك الحمار ديال خوك عاوتاني ؟
جميلة : لا لا ...
دعاء : ماتقوليليش باك ضربك ؟
جميلة : لبارح ا لالة منين تفارقت معاك تبعني واحد المسخ طريق كلها اوا واحد الشوية زعم عليا و قبطني من يدي ! انا بالخلعة نترت يدي منو و هربت ! مع غادي ندور وجهي و هي ضربني طمبيل جاب ربي غي قاستني بشوية و طحت ! عرفتي كون ماكسيراش كون راني فالروضة دابا !
دعاء : ويلي ويلي ! و مال هذا ماكايشوفش ؟
جميلة : اودي لا راه كان الضو الخضر شاعل انا لي بالذوخة مانتابهتش !
(ذخل الاستاذ)
دعاء : (هضرات بشوية) مايكون باس ! بعدا خرجات طريفة ...
جميلة : (كاتهضر مخبية) دابا سمعي المهم
(بقات كاتعاود ليها كلشي من اللول حتال اللخر) جميلة : شنو بان ليك !؟
دعاء : (ابتاسمات) كايبان ليا انك حمارة و كبيرة الحمير الا ماعيطتيش ليه عاوتاني !
جميلة : لا مانقدرش ! راه ايتحابوا غي شي قحبة حشاك و لا ملهوطة عليه !
دعاء : واش نتي حمقة و لا ضربك جن ؟ عرفتي على الوصف لي وصفتيه ليا و كيفاش تخيلتو فعقلي راه حرام ضيعيه خاصة انه قاليك ديك الهضرة و باينة اتكوني عجبتيه حتى نتي !
جميلة : زعما زعما نكون عجبتو !
البروف : (بنفاد صبر) جميلة و دعاء يا إما تبعوا و لا خرجوا برا !
جميلة : سمح لينا ! صافي سكتي حتى نخرجوا !
🔯🔯🔯🔯🔯🔯🔯🔯🔯🔯
🏫 خرجوا البنات لمطعم ديال الكلية مع 12 🏫
عداء : عيطي ليه !!!! وا عيطي ليه عافاك !!!!
جميلة : مانقدرش !!! ويلي شنو بغيتي نقول ليه !
دعاء : اي حاجة ! عافاك راه اول واحد عجبك !
جميلة : ولكن الا عيطت ليه ببريفي عاوتاني بحال الا كانطنز عليه ! و فنفس الوقت مانقدرش نعطيه نمرتي حيت داك الحمار د مهدي ديما كايهز ليا تلفون يقلبوا !
عداء : واااع على حبس ! بلاتي بلاتي (طاحت عليها فكرة) انا جاية ... تسنايني !!!! ماتنوضيش !
جميلة : هادي مالها ؟!
(خرجات دعاء و غبرات شي 20 دقيقة حتى تخلعات عليها جميلة)
جميلة : (بتوتر) ناري هاد دعاء غبرات ، خلاتني بوحدي (بعد مدة بانت ليها جاية كاتلهت) فين مشيتي أ زمرة خلعتيني ؟
دعاء : سكتي خليني نرد النفس !!!! مشيت لساكة لي لفوق غاع و شريت ليك نمرة جديدة ديال اورونج !
جميلة : (حطات يديها على وجها) اويلي على حمقة عطاني الله !
دعاء : (جبدات من ساكها تلفون صغيور طاكتيل) خودي هذا ديري فيه هاد النمرة الجديدة !
جميلة : ولكن هذا تلفونك !
دعاء : عندي جوج أ صاحبتي و هذا غي زايد دايراه غي لعائلة و ماكانستعملوش ! انقول ليهم طاح ليا و لا شي حاجة ! وا يا الله درت معاك المستحيل باش تهضري معاه !