عشق محرم 🧞‍♀️عشيقة العبري 🧞‍♀️

الجزء العاشر من قصة العشق المحرم

🔯 الجزء العاشر من قصة العشق المحرم 🔯
🕎 بقلمي أنا ريم 🕎
سمية : (بتردد) بنتك ضرباتها طمبيل هاد نهار !
عزيز : شناهووووو (صعر) فين هي ؟؟؟؟
سمية : فبيتها ! غي بشوية راه عيانة و مقصحة !
( مشا عزيز حل عليها الباب بجهد و شافها غالسة فناموسية و رجليها فيهم دوا )
عزيز : كي وقع ليك هادشي ؟
جميلة : (فمها كايترعد) جيت نقطع شانطي و ماعرفتش كيفاش شعل ضو الخضر و ذخلات فيا طمبيل على غفلة !
عزيز : و مالك نتي عورة ؟
جميلة : (لا رد)
عزيز : (خنزر فيها) غزا فيك الله ! كون كنتي كاتغلسي فدار باك بحال البنات لمثبتات غاع مايوقع ليك هادشي (خرج و خبط الباب)
جميلة : (عضات على سنانها و زيرات يديها) هادشي لي كاتعرف تقول نتا ! كون غي مت نيت باش نتهنى منكم و تهناو مني !
🔯🔯🔯🔯🔯🔯🔯🔯🔯🔯
                     { فمكان آخر }
🌑⛈ وصلات العشرة ديال الليل 🌑⛈ برد الحال و الشتا بذات كاتهبط بغزارة .... كلشي فهاد الوقت ذاخل لدارو يدفا باستتناء الناس لي عاد طلع عندهم النهار و منهم بطلنا لي كان فبار ضخم تابع لأملاكو و كايلعب ( POKER) أو مانسميه حنا بالقِمَارْ مع خالد ....
خالد : (حط ورقة و هو كايشوف فوجه جوزيف لي كان غالس بطريقة مثير فالكرسي) انحط ل ١٠ !
جوزيف : (بقا كايشوف فداك الشخص لي هو صديق ليه و ابتاسم) و أنا انحط الملك 🃏! خسرتي أ عمي !!!!!
خالد : (بقا كايضحك) تفووووو !!!! واش ما عمري نربحك !
جوزيف : (ابتاسم) و شنو بغيتيني ندير ليك راه نتا لي مكلخ !!!
( الشخص لي مكلف بالطبلة ديال القْمَرْ ، كان لابس سروال كحل و قميجة بيضة و اسمو : صهيب )
صهيب : (مولف يضحك معاهم) سي خالد خاسك تحط دابا 400 مليون لسي جوزيف !!!
خالد : (ابتاسم) جاب ربي ماكاتقولي نحط والو ما كون راني درت سيزي شحال هادي !!!
جوزيف : (شاف فيه بجدية و وجهو تقلب) حط 400 مليون شفتك ولفتيها !
خالد : أويلي (تيق) واش كاتهضر بصح
جوزيف : (ببرود) و شبان ليك ؟
خالد : (جبد شيك) الله يعطيك موصيبة أترزيني فزبالة ديال الفلوس (يا الله ايكتب)
جوزيف : (بقا كايضحك بجهد) الا ماتكتب والو أ تبي !
خالد : (خنزر فيه) ناري و الله حتى خلعتيني ! زعمة نتوما ليهود خطااااار وا دغيا تسيفتي و الله حتى يتحابني كاتهضر بصح !
جوزيف : اييه (شاف فصهيب) جيب ليا شي كاس ديال ويسكي مخلط 🍺 بحال ديال ديما !
صهيب : هي اللولة أ سيدي !
جوزيف : (دور وجهو و بقا ساهي فالطوابل ديال القمر لخرين و كايشوف الناس كيفاش كايغامروا بفلوسهم و أملاكهم بتهور) عندكم القمر حرام ياك ؟
خالد : زعمة فالاسلام ؟
جوزيف : (ساهي فيهم) مممم !
خالد : آه حراام هو و تيرسي و داكشي لاخر !
جوزيف : على هاد الحساب النص فالمغاربة ماكايطبقوش الدين ديالكم (شاف فيه) كايعرفوا الدين غي منين كايبغيوا يتزوجوا 4 !
خالد : (ابتاسم) أودي الا جيتي تشوف راه حتى واحد منا مايستاهل يكون مسلم ! و زعمة نتا نسيتي راسك لي حال ليهم هاد البار !
صهيب : هاك أ سيدي (حط ليه الكاس)
جوزيف : شكرا (جغم) كون كنتوا شادين دينكم كون راه هاد البار كايصفر و حتى واحد ماكايجي ليه ! ها نتا شوف بعينيك عمرك شتيه شي نهار خاوي ؟زغي نتوما لي معمرينوا نهار و ليل !
خالد : (بقا كايضحك) خويا بعد مني أنا ماكانفهمش لهادشي ديال الفقه !