عشق محرم 🧞‍♀️عشيقة العبري 🧞‍♀️

‎🔯 الجزء ٢٧ من قصة العشق المحرم 🔯

🔯 الجزء ٢٧ من قصة العشق المحرم 🔯
🕎 بقلمي أنا ريم 🕎
(بقات جميلة واقفة كاتسنى حتى ...)
فهد : (وقف حداها) تبارك الله عليك !
جميلة : أويليييي (خلعها و قلبها كان ايحبس) واش نتا مريض شبغيتي ؟!
فهد : (باحتقار) كاتسنايه بحال الكلبة ؟!
جميلة : (ببرود) آه كانتسناه بحال الكلبة شنو ضرك نتا ؟!
فهد : وا خليني نتسناه معاه ! نشوفوا هاد حبيب القلب ديالك !
(جميلة فاللول ماداتهاش فيه حتى تفكرات شنو دار جوزيف فمهدي خوها عاد طلعات معاها صفورية جميلة : (كاترعد فالهضرة) شوف سير فحالك أ فهد بلا صداع !
فهد : ماغاديش !!!!
جميلة : (قلبها كايضرب) صافي مابقيتش أنتلاقا معاه (جات تمشي بحالها و هو يشدها فهد من يديها و زير عليها)
فهد : فين غادة ؟؟؟ يكما هاد صحيبك شي شارف و خفتيني نضحك عليك !؟
جميلة : (كاتنتر يديها منو و والو) طلق مني واش مرضتي !!!
فهد : (قرب لوجهها) أنا كانتسطى عليك وغادي ليوم ندير حل معاك !
(فديك اللحظات كان جوزيف داير مع الشارع بطمبيل و شاف جميلة من لبعيد قابطها شي واحد و كايقرب ليها بشكل غريب فحين هي كاتنتر يديها منو و باين عليها الخوف)
جميلة : (كاتغوت) وا طلق مني راه كاضرني الزبل !!!
فهد : مزيان غوتي غوتي نيبت باش تجمعي عليك الناس و يتفرجوا فيك !
جوزيف : (عقد حجبانو و صوتو كايخلع) شكاين !؟
جميلة : (قلبها حبس و حسات بالسخفة)
فهد : (دار و شاف فجوزيف بصدمة ، طلعوا و هبطوا و ماتوقعش يكون صاحبها) شكون نتا ؟!
جوزيف : (صوتو ماكايضحكش) أنا لي غادي نحوي زامل بوك أ ولد القحبة !
جميلة : (نترات يدها منو كلها حمرة و مطراسيين صبعو) سير فحالك (مشات عند جوزيف و كاتحاول تجروا) يا الله من هنا عافاك !!
جوزيف : (ببرود) طلقي مني !
جميلة : (خلعها جوابوا و منظر ديالو ! بحال إلا هزيتي راجل و حطيتي واحد آخر) عافاك أ جوزيف (خافت و بدات كاتبكي غي بوحدها) جوزيف !!!
يتبع .....