عشق محرم 🧞‍♀️عشيقة العبري 🧞‍♀️

الجزء التاسع من قصة العشق المحرم

🔯 الجزء التاسع من قصة العشق المحرم 🔯
🕎 بقلمي أنا ريم 🕎
{ وصلات جميلة بالكشايف لدار ، بقات كادق فالساقطة ديال الباب لي كانت على شكل خميسة حتى حلات ليها مها }
سمية : لاش كادقي ياك عندك سوارتك (شافت حالتها) اويلي على المسخوطة مالكي ؟؟؟؟؟
جميلة : (ببرود) ضرباتني طمبيل !!
سمية : اويلي على ضرباتني طمبيل (تعصبات) بكما تعدا عليك شي واحد راه كانهضر معاك !!!
عيشة : سمية مالك كاتغوت ؟؟؟
جميلة : مي لالة عمري ليا شي مقراج نغسل رجلي !
عيشة : اويلي بنتي نالك على هاد الحالة !
جميلة : ماتخافيش غي قاستني طمبيل !
عيشة : الله يعطيه شي موصيبة هذا لي ضربك !
جميلة : لا راه انا لي مني الخطأ !!!
سمية : أويلي وحدي غاع بنات الناس قافزييين الا بنتي خبز ربي فطبقو !!!
(جميلة تنهدات و ذخلات لدوش ، غسلات رجليها بالما البارد مزيان و طرفات حالتها عاد خرجات لبيتها ، لبسات بيجامتها و طلعات سروال باش رجليها يتفوهوا)
سمية : (ذخلات هازة بومادة بيافيين) شدي ذهني هادي تبرد عليك !
جميلة : (تكات فناموسية) شكرا !!!
سمية : غي ماتبانيش قدام باك ! ليومة يطليك (سدات عليها الباب)
( بقات جميلة كاذهن لجليها ببومادة و هي كاتفكر شنو وقع و الابتسامة على وجهها حتى تفكرات لاكارط لي عطاها )
جميلة :(قلبها كايضرب) ناري فين درتها !!! ناريييي تلفتها !!!
(ناضت كاتقلب فحوايجها و والو !!! جبدات ساكها و خواتو كامل فالناموسية ، بقا كاتقلب و هي كاترعد حتى لقاتها ، جمعات من بعد كلشي كفما كان و رجعات لبلاصتها)
جميلة : (ابتاسمات و هي كاتشوف فالنمرة) اوووووف ناري كون تلفتي (استغربات من راسها) و من بعد ؟ ها هي عندي نمرتو ! اصلا ماغاديش نعيط ليه (تفكرات شكلوا ، كلشي فيه زوين ، طولة شعر ، عينين ، اللحية و عاد النظرة القاسية ديالو) ااااه ، ناااااااري (ابتاسمات و سرحات بخيالها لمدة عاد فاقت) اااااووووووه يا جميلة ماتحلميش بزاااف راه واخة تعيطي ليه و الله لا جاوبك ! لقاه غاعمة عقل عليا (ضحكات على راسها) آخرتي انا نتزوج شي عسكري ! أما هاداك تلقاه مصاحب مع شي قرطاسة !!!
( سمعات باها ذخل و هي تشد الكارطة خشاتها فسوتيامات باش ماتلفش و قادات شعرها)