عشق محرم 🧞‍♀️عشيقة العبري 🧞‍♀️

‎🔯 الجزء ٢٠ من قصة العشق المحرم 🔯

🔯 الجزء ٢٠ من قصة العشق المحرم 🔯
🕎 بقلمي أنا ريم 🕎
(من بعد ماتفارقات مع جوزيف ، وصلات جميلة بكري لدار مع جوايه 12 ديال النهار ، حلات الباب بالساروت و ذخلات لقات مها و جداتها غالسين فالكوزينة كايوجدوا لغدا ، غي شافوها تصدموا)
سمية : (بتعجب) مالك جيتي بكري ؟
جميلة : (كاتحيد سبرديلتها) ^ لا رد ^
سمية : واش ماقريتوش ؟
جميلة : (تنهدات) لا !
عيشة : (قربات ليها) بنتي نحط بيك شي حاجة تاكليها ؟
سمية : آه كولي ليك غي لقيمة !
جميلة : (ببرود) مابغيتش !!!
(ذخلات جميلة مباشرة لبيتها و سدات عليها بالساروت ، حطات شكارتها و بدلات حوايجها ، لبسات بيجامتها عاد تلاحت فوق ناموسيتها و نعسات بحال الجثة بقوة العيا)
🧚🏻‍♀️🧚🏻‍♀️🧚🏻‍♀️
🏠 فمنزل جميلة ، وصلات الجوج ديال النهار بزربة و عزيز ذخل كيف العادة من الخدمة 🏠
عزيز : (كايحيد صباطو) سمية كاين شي غدا ؟
سمية : (طلات عليه) آه و لكن صيفط مهدي يجيب الخبز من الفران راه غاع ما عجنا هاد الصباح !
عزيز : على شكنتي كاديري بسلامة ؟
سمية : اوووف وا صافي ماتزيدش فيه !!! راه غي مشا علينا الحال !
عزيز : لا حول و لا قوة الا باللع (تنهد ومشا لبيت مهدي) واش هاد صلغوط باقي ناعس ؟ مهدي مهدي !!!
مهدي : (ناض كايجري حل لباب) نعام أ با ؟
عزيز : (خنزر فيه) واش باقي ناعس !؟
مهدي : لا أ با غي كانتفرج !
عزيز : أودي يا ودي معامن أنا (خشا يدو فجيبو و جبد صرف) سير جيب 4 ديال الخبزات ديال زرع و أجي طاير !
مهدي : واخة (لبس صندالتو) أرب أ مي شي خنشة !!!
سمية : (غوتات عليه) سير خودها من عند محماد و قول ليه باركة عليه من تزقريم !
مهدي : اوووف ! نتي باغاني غي ندابز معاه هاد نهار !
🧚🏻‍♀️🧚🏻‍♀️🧚🏻‍♀️
(حل مهدي لباب و مشا كايغني باتجاه مول الحانوت لي كاين فالدورة حتى حس بشي يد تحطات عليه)
عمر : خويا عافاك !
مهدي : (دار عندو) نعام أ خاي ؟
عمر : نتا ساكن هنا ياك !
مهدي : آه علاش !؟
عمر : واخة توريني عافاك شي فرماسيان قريب لهنا راه ولدي مريض و خاصوا دوا ضروري !
مهدي : نوريه ليك واخة بعيد بلحق ضبر على خوك بشي غارو !
عمر : (ابتاسم) واخة كون هاني !
مهدي : لعز !!
(قلب طريق و مشا معاه باتجاه الفرماسيان ، حتى حبس عمر)
عمر : عرفتي شنو اجي نركبوا فطمبيلتي باش نوصلوا بزربة !
مهدي : اهاه واخة حتى هذا نظر (باستغراب) واش هادي طمبيلتك ؟
عمر : (مد يديه و جبد شي حاجة) آه علاش ؟
مهدي : واي واي واي واي مفرغعة !!!!
(يا الله بغا يحل لباب و هو يحط عمر واحد موشوار على نيفو و حكموا مزيان ! مهدي مافهم واحد ، بقا كايدفعوا و كايحاول يهرب و لكن عمر كان صحيح عليه ، ما هي الا ثواني قلال حتى فقد الوعي ديالو فمرة بسباب واحد المادة مخدرة كانت فالمشوار ، خشاه عمر بزربة فطمبيل و سد الباب باحكام ، دور وجهو بقا كايشوف واش كايطل شي واحد مابان ليه والو و هو يمشي كايجري ركب بحال الا ماوقع والو و تحرك بسرعة باتجاه المجهول)