عشق محرم 🧞‍♀️عشيقة العبري 🧞‍♀️

‎🔯 الجزء ٢٠ تتمة من قصة العشق المحرم 🔯

🔯 الجزء ٢٠ تتمة من قصة العشق المحرم 🔯
🕎 بقلمي أنا ريم 🕎
عزيز : (كايغوت) واش داك الحمار مشا يجيب الخبز و لا يعجنوا ؟
سمية : (تنهدات) هانتي يا خالتي هاد دراري غادي يحمقوني كل نهار موصيبة !
عيشة : صافي ابنتي دابا يجي ! راه يمكن مالقاهش !
سمية : اووووف ليوم يفظحني عزيز ويقولي علاش ماتعجنيش من أصلوا !
عيشة : (جبدات 20 درهم من تزارة) هاكي دقي على جميلة لا باري تبغي تمشي تجيبو بلا مانسمعوا الهضرة !
سمية : ماغاديش تبغي باقة مقلقة على لبارح !
عيشة : وا غي رغبيها !
🧚🏻‍♀️🧚🏻‍♀️🧚🏻‍♀️
(مشات سمية و بقا كادق على جميلة مراات و مرااات حتى حلات عليها)
جميلة : (ببرود) شنو ؟
سمية : (كاترعد) عافة بنتي لاما سيري جيبي الخبز داك الحمار صافطناه يجيبوا هادي نص ساعة ما بان !
جميلة : أووووووف أري !
سمية : (فرحات) هاكي جيبي 5 ديال الخبزات ديال زرع و اجي بزربة !!!
(تنهدات جميلة و مشات بالصندالة ديال الميكة عند مول الحانوت الشلح لي فحومتهم)
جميلة : اهلا محماد !
محماد : اهلا لغزالة ديالنا (انتابه لوجهها) ياك لاباس ؟
جميلة : والو غي طحت ماشكيت عليك على وجهي !
محماد : اويلي و بقاي تشوفي قدامك !!!! راه الوجه هو كولشي !
جميلة : (ابتاسمات) وا أرى عليها شي طوفيطة !
محماد : هاكي و بمذاق العنب !
جميلة : (ابتاسمة) سبحان الله بحال أ محماد !
محماد : (كايموت بضحك) أودي عليك ا لالة جميلة !
جميلة :(كاتعزل الخبز) ماجاش عندك مهدي ؟
محماد : لا ماشتوش غاع هاد صباح!
جميلة : (بعدم اهتمام) مممم صافي قطع 4 ديال الخبزات د زرع !
محماد : (خدا عشرين درهم و رد ليها صرف) ها أنا أ مولات لعينين لي كايطيحوا زرزور من فوق سور !
جميلة : (شافت فيه و هزات الخبز) محماد علىخر يامك وليتي زرزور ؟
محماد : (بقا كايضحك)
جميلة : يا الله تهلا !
(مشات جميلة باتجاه الدار و ذخلات حطات ليهم الخبز)
عيشة : الله يرضي على بنتي !
سمية : شوف جميلة جات و ولد لحرام ماعرفت فين زاد ؟
جميلة : (بعدم اهتمام) هاكي صرفك (مشات وخلاتها)
سمية : ماتغدايش ؟
جميلة : مافياش !
سمية : صافي انخلي ليك حقك حتى تفيقي !
🧚🏻‍♀️🧚🏻‍♀️🧚🏻‍♀️
🔥 فمكان آخر 🔥
(فنفس الديبو المهجور فين مات نوفل ، كان عمر و جوج رجال واقفين دايرين بمهدي لي كان مربوط مع كرسي و فاقد الوعي)
عمر : (ببرود) رش عليه الما !
(هز الراجل سطل ديال الما بارد و رشو كامل على مهدي لي حل عينيه مفزوع)
مهدي : (كايترعد) بسم الله الرحمان الرحيم (بقا كايدور عينيه) فيني أنا ؟؟؟ نتا (شاف عمر) نتا لي جبتيني هنا شبغيتي عندي ؟
عمر : (لا رد)
مهدي : (بدا كولوا كايقفقف بالبرد حيت الما كان بارد) شبغيتو عندي واش كاتعرفوني ؟؟؟؟ راه يمكن تخالطت ليكم مع شي واحد !!!