عشق محرم 🧞‍♀️عشيقة العبري 🧞‍♀️

🔯 الجزء الخامس من قصة العشق المحرم 🔯

🔯 الجزء الخامس من قصة العشق المحرم 🔯
🕎 بقلمي أنا ريم 🕎
⛈⛈ صباح جديد ممطر و بارد ⛈⛈
صونات الساعة مع السابعة على بطلتنا ⏰ ، ناضت بزز ماقاداش تفارق مع الكاشة ، هزات فوطة و ذخلات غسلات وجهها و لبسات حوايجها ديال البارح نيت . خرجات قادات شعرها ، هزات ساكها و خرجات .
عيشة : بنتي صباح الخير !
جميلة : (باست ليها راسها) صباح النور أ مي لالة !
عيشة : غلسي تفطري راه وجدت لبنتي مسيمنات سخان !
جميلة : علاش عذبتي راسك !!!
عيشة : (حطات ليها مسيمنة) بصحة بنتي !
جميلة : (ابتاسمات و كلات المسمنة مع كاس ديال أتاي عاد ناضت) يا الله بسلامة أ مي لالة !
عيشة : حضي راسك أبنتي من ولاد الحرام (حطات ليها 50 درهم فجيبها و غمزاتها)
(ابتاسمات جميلة و خرجات ، كان واحد البرد كالعادة لي ضربها لوجه و فيقها مزيان و هي تحني راسها و اتجاهات لمحطة ديال طوبيس)
راجل : (كايتغزل بيها) باينة هاد الصباح أيدوز غزال منين صبحت على وجهك المنور)
جميلة : (لا رد)
راجل : (وقف حداها) حشومة غزالة بحال تبقا تكرفس فالطوبيسات ! خليني نوصلك أ زين بطمبيل !
جميلة : (لا رد)
راجل : وا غي عطيني وقت ! ماتكونيش قاصحة بحال هاكا !!
جميلة : (شافت فيه) بعد مني صباح هذا !
راجل : (سرح فيها و بالضبط فعينيها) الله على عوينات ! كون غي ماشفتيش فيا دابا جاب ماحيد ليا عينيك من عقلي !
جميلة : (دورات وجهها ،شافت الطوبيس جاي و هي تمشي باتجاهو و خلات راجل واقف)
راجل : (مشا كايجري ركب فطمبيلتو و بقا كايتسنى الطوبيس حتى تحرك و تبعوا)
🔯🔯🔯🔯🔯🔯🔯🔯🔯🔯
طلعات جميلة شدات بلاصتها و غلسات حدا واحد المرأة ، جبدات واحد الورقة من ساك و بقات كاتقراها حتى وصلات لمحطة لي حدا الكلية 🏫 .
نزلات هي و شي طلاب آخرين و بقاو غاديين باتجاه الباب ديال الكلية لي كان عامر ....
راجل : درتك فعقلي (حبس طمبيل و بقا حاضيها حتى ذخلات) و الله لا تفرقت عليك حتى تولي ليا !!!
🔯🔯🔯🔯🔯🔯🔯🔯🔯🔯
ذخل كولشي لأونفي الزويني ، و باين على الطلاب عدم الرضا !
دعاء : مافهمتش أنا علاش غادي نذخلوا نيشان ل S4 بلا عطلة ؟!!
جميلة : و الله ماعرفتش حتى يذخل لبروف و نسولوه !
دعاء : البسالة هادي سميتها تفووور (تفكرات) حقا عرفتي حسن لي ماجيتيش للحفلة !
جميلة : (حطات راسها و بقات كاتشوف فدعاء) علاش ؟
دعاء : لمياء جا ل EX ديالها و دابز مع فهد صاحبها الجديد ، إوا يا ختي نوضوها بونية و تفرتكات الحفلة بكري ، تفووووو رجعت لدار باغا نطرطق بقا فيا غي لكادو !
جميلة : (بقات كاضحك) ناري كانتخيل لمياء مسكينة فديك اللحظة !
دعاء : ناري راه بقات غي كاتبكي ، خافت على فهد بزاااف ! حتى هي ماعندها زهر !
جميلة : أنا بعدا غاع ماكايعجبني داك فهد سبحان الله ! باين صلغوط و مسخ فعقلو !