عشق محرم 🧞‍♀️عشيقة العبري 🧞‍♀️

‎🔯 الجزء ٣٣ من قصة العشق المحرم 🔯

🔯 الجزء ٣٣ من قصة العشق المحرم 🔯
🕎 بقلمي أنا ريم 🕎
🧚🏻‍♀️ كانت الساعة تقريبا جوج ديال العشية 🧚🏻‍♀️
( خرجات جميلة من المطعم و هي غادي تسخف بالأعصاب ، بقات غادة فالطريق بوحدها و على رجليها حيث مابقا عندها حتى سنتيم باش تشد طاكسي غاع فلوسها حطاتهم على كرامتها و خرجات ، بقات كاتمشى فالطريق بدون توقف و هي كاتبكي بصوت مسموع ، ما كانت عارفة راسها حتى فين هي المهم كاتمشى ! عقلها كانت فيه حرب : علاش وليت مكلخة لهاد الدرجة ؟ لهاد الدرجة اعجابي بيه عمى عينيا ؟ بغيت نعرف غي كيفاش كنت كانفكر ، لا و من نيتي خارجة من بعد ديك الحالة لي دار فيا و عوالة نبقا معاه بحال إلا ماوقع والو غي بمجرد ما يعطيني تبرير و يعتاذر مني ! ساعة عبر عليا ! آه عبر عليا ، أنا جميلة لي كل راجل كايتمناني و أنا لي عمري استسلمت لشي واحد و لا عطيتوا فرصة ، يجي جوزيف يديرني بحال الكلبة عندوا ، قضا بيا غراضوا و مشا بلا مايعبرولي ! و علاش ايعبرولي ؟ (دموعها ماقدروش يحبسوا) من حقو ... أنا نستاهل هادشي وكثر (بقات كاضحك بوحدها فالزنقة و كاتبكي ، لي داز كايشوف فيها) قالت ليك لمياء غادي يسلم على ودي (انفاجرات بالضحك مخلط بدموع) أولي واش انا نية لهاد الدرجة و لا وليت كانحلم كثر من جهدي ؟
(فهاد الأثناء كانت دايزة امرأة فالخمسينات من عمرها و بانت ليها جميلة كاتمشي و كاتجي ، كانت فحالة مزرية)
امرأة : (قربات ليها) بنتي واش نتي مزيانة !؟
جميلة : (ولات كاتشوف غي ضبابة) أنا مزيانة (طاحت على طولتها فالأرض)
امرأة : (تخلعات) ناري بنتي نوضي !!!!! وا بنتي شوقع ليك (كاضرب حناكها) عاونوني عافاك ! خويا عاوني عافاك !
(راجل كان داير كايجري حدا البحر وقفزمافهم والو)
الراجل : (غلس فالارض) مالها مسكينة ؟!
امرأة : ماعرفتش بانت ليا كاتبكي و بقات فيا يا الله جيت نهضر معاها و هي تسخف !
الراجل : (شد قرعة ديال الما كانت فيدو و بقا كايرش ليها وجهها) ختي فيقي (كايرشها) ختي !!
جميلة : (حلات عينيها)
امرأة : اوووف بنتي خلعتينا ؟ مالكي !
جميلة : (جمعات جهدها) والو والو (كاتحاول تنوض) سمحولي !
امرأة : بنتي راه ماتقدريش تزيدي غادي طيحي عاوتاني ! خودي ليك طاكسي !
جميلة : (بتهرب) لا صافي شكرا !
امرأة : (جبدات بزطامها) هاك أبني عشريين درهم خود لك طاكسي سير لداركم !
جميلة : (بعد تردد ، عضات شنافتها تحتانية) واخة شكرا !
امرأة : ماشي مشكل أبنتي (شيرات لطاكسي) ها هو واحد خاوي !
(ركبات جميلة و هي حاسة بالإهانة ، شاف فيها شيفور)
شيفور : فين أختي ؟!
جميلة : (تفكرات نهار سولها جوزيف أول مرة فين كاتسكني) المدينة القديمة !
شيفور : واخة !
🧚🏻‍♀️🧚🏻‍♀️🧚🏻‍♀️
🔯🏠🔯 فمنزل الكوهن 🔯🏠🔯
(فجناح جوزيف لي كان مظلم بشكل غريب ، كان غالس هو بشكل رجولي و مقابل مع سرجم كايطل على الجردة ، فالحقيقة هو كان كولوا كايغلي من راسو لرجليه ، عينيه كانوا حومر و عروق يديه مابقا ليهم والو و يخرجوا ، جبد باكية ديال الغارو و بقا على ديك الحال حتى تسمع دقان خفيف)
جوزيف : (بصوت مخيف بالعبرية עברית) ذخل !!
(ذخل صموائيل رئيس حرس القصر و كان هاز معاه شي حاجة فباطة كحلة ، حط ليه داكشي فوق الطبلة بهدوء و خرج و سد الباب من موراه بلا مايقول حتى كلمة ، فالحقيقة خدم القصر كايرتاعبوا من رب البيت (جوزيف) بشكل كبير و هادشي بسباب شخصيتو القاسية ، فجوزيف الحقيقي بدون ثمثيل هو عكس تماما جوزيف لي كايكون مع جميلة !
🧚🏻‍♀️🧚🏻‍♀️🧚🏻‍♀️
(غير خرج الحارس ، دور جوزيف يديه و خدا الباطة الكحلة حلها ببرود بحال إلا متعود يشوفها ، كان فيها بزاااف ديال البراوات 💉 عامرين بمادة مجهولة X و معاهم شريط كحل غريب ، تنهد و هز وحدة حلها من الفوق حتى ترش منها السائل شوية ، لوى الشريط على دراعو مزيااان حتى العروق طرطقوا و دغ ديك ليبرة كاملة حتى خوات)
جوزيف : (سد عينيع و عوج عنقو حيث سرا معاه المفعول ديال المهدئ) دابا مزيان !
🌙🌙🌙🌙🌙🌙🌙🌙🌙🌙🌙🌙🌙🌙🌙
سمعوني : ماغادي نكمل حتى لقا 200 تعليق و ماشي غي اب و لا كملي تفاعلوا معايا و عطيوني توقعاتكم و اشمن شخصية عجباتكم و علاش و 100 نجمة او اعجاب ⚡️⚡️⚡️
🌙🌙🌙🌙🌙🌙🌙🌙🌙🌙🌙🌙🌙🌙🌙