عشق محرم 🧞‍♀️عشيقة العبري 🧞‍♀️

🔯 الجزء ٢٩ من قصة العشق المحرم 🔯

🔯 الجزء ٢٩ من قصة العشق المحرم 🔯
🕎 بقلمي أنا ريم 🕎
{ ركب جوزيف فطمبيل هو و جميلة لي بقات كاطل على فهد من السرجم و قلبها كايضرب يضرب ، كانوا مجمعين عليه الدراري و كايرشوا عليه الما و هو فحالة مزرية ، لاحظ جوزيف نظراتها الخائفة و هو يهز التلفون ديالو }
جوزيف : ( هضر بالعبرية باش ماتفهموش جميلة) عمر أجي دابا لبلاصة لي غادي نصافط ليك و هز خونا ديه لكلينيك و قوليه يبعد من جميلة و لا المرة الجاية غادي نقتلو !!!
عمر : (مافهمش الموضوع) واخة أ سيدي !
( للإشارة عمر بقوة ما عاش مع جوزيف تعلم للعبرية واخة هو مسلم وولا كايتقنها مزيان ، المهم قطع جوزيف عليه و صافط ليه العنوان ف GPS عاد دار عند جميلة لي لقاها كاتشوف فيه بتعجب بعويناتها لي كايسحروه ...)
جوزيف : (حرك طمبيل) مالكي ؟!
جميلة : (بعدم فهم) شمن لغة هضرتي بيها دابا !
جوزيف : (ابتاسم) العبرية !
جميلة : (حركات حجبانها) أوووو صعيبة بزااف بحال إلا كاتهضر بشينوية (ابتاسمات) و لكن سمعت سمعت سميتي فوسط الهضرة (بذكاء) ماعرفتيش ترجم هادي !!!
جوزيف : (بقا كايصوغ و الابتسامة على شفايفو ، حيث عجبوا ذكائها) واخة أ لالة (شاف فيها بعينيه الحادين) قلت ليه غادي نخطف جميلة دابا و نديها نسد عليها فشي بلاصة !
جميلة : (بلعات ريقها) واش كاتهضر بصح ؟!
جوزيف : (ابتاسم) نكذب عليك إلا قلت ليك لا ، ماكرهتش نديرها ، ناخدك لشي بلاصة بعيدة نكونوا فيها غي أنا و نتي !
جميلة : (ابتاسمات ليه و بقات ساكتة من الحشمة و فنفس الوقت كاتفكر و هي خايفة منو حيث باين عليه شخص عصبي بزاف و عصبيتو ماشي طبيعية ، حيث الحالة لي دار لخوها و حتى لفهد ماشي ديال شخص طبيعي ... بلعات ريقها و هي كاتحاول تقنع راسها أنه كان غي كايدافع عليها )
🧚🏻‍♀️🧚🏻‍♀️🧚🏻‍♀️
{ المهم بعد مدة ، بدا الجو كايغيم 🌫 و الشتا بدات حتى هي كاطيح 🌧 ، وصلوا أبطالنا لمطعم على البحر لي كان هائج ، المطعم كان غير هاداك لي كايمشيو ليه كل مرة ، اسموا ( Le Vivier ) و معناه البِرْكة بالعربية ، هبطات جميلة من طمبيل و هي معجبة من منظر المطعم لي كان باين فاخر ، ذخلوا بزوج للذاخل بزربة باش مايفزغوش بشتا ، كان المطعم كولوا من الفوق حتال لتحت زاج الشيء لي كايخليك تحس أنك فالبحر مباشرة ، المطعم كان فيه كراسي من الخشب بشكل جميل و فيه حتى شوميني ديال العافية كاتسخن المكان ، تعجبات جميلة من كونوا خاوي بالكامل ؟ ما يمكنش بلاصة بهد الجمال مايكونش عندها زبائن ؟! )
جميلة : (بصوت متردد) جوزيف !
جوزيف : (شاف فيها) ممممم ؟!
جميلة : (طلعات راسها فيه حيث طويل عليها) ممممم علاش ريستو خاوي هاكا ؟
جوزيف : (ابتاسم و مد يديه دورها على كتافها و جرها لعندو و هضر بصوت هادئ) باش مايشوفك حتى واحد !
(مايمكنش ! كانت هادي هي درة فعل جميلة لي تصدمات من الجواب ! دابا هو خوى هاد البلاصة كاملة و العالم الله شحال خلص ديال الفلوس غير على ودها هي باش تبقا مرتاحة ؟! ابتاسمات و هي مرفوعة لعالم آخر حتى حسات بصباع جوزيف باردين تحطوا على حنكها ليمن)
جوزيف : (كايقيص حنكها سخيخنين) هانتي وليتي عاوتاني حمرة !
جميلة : (تلفات) أنا ؟؟؟
جوزيف : لا أنا (ابتاسم و غلس فكرسي)
جميلة : (غلسات حتى هي و تنهدات) صراحة شكراً بزاف !
جوزيف : (جبد باكية ديال الغارو و دار واحد ففمو) المهم عجباتك البلاصة !
جميلة : (ببراءة) بزاااف (كاتشوف فالبحر بشوق) ماتصورش شحال كايعجبني البحر !
جوزيف : هي صيف كولوا كادوزيه فالبحر !
جميلة : ماكرهتش و الله و لكن (تنهدات) ماعمري قصت شي موجة !
جوزيف : (عقد حجبانو) مافهمتش !؟
جميلة : ماكايخليونيش نمشي ليه ، حيث بابا قالك حرام تمشيو تعراو و تشوفوا ناس عريانيين تما !
(جوزيف مالقا مايقول بقا غي ساكت و كايكمي ، كان كايشوف فيها كاتشوف فالبحر بعيون منكسرة ، بحال شي طفل حرمتيه من شي لعبة ديالو )