عشق محرم 🧞‍♀️عشيقة العبري 🧞‍♀️

‎🔯 الجزء ١٩ من قصة العشق المحرم 🔯

🔯 الجزء ١٩ من قصة العشق المحرم 🔯
🕎 بقلمي أنا ريم 🕎
لمياء : (بصدمة) شفتي لي شفت !
دعاء : (باقة ساهية) واييييه يا ختي ! سعداتها !
لمياء : (ابتاسمات) اويلي واش نهظر على طولتو لي قد الباب و لا على عرض كتافو ولا على عينيه لي بحال البحر و لا على شعرو !!! أه يا ربي ذخت !
دعاء : احححح ! جميلة صامت و نهار فطرات فطرات على كيكة !
لمياء : اشمن كيكة هذا راه العسل لحر !
دعاء : (شافت فيها) حتى جميلة زوينة مانكدبوش على الله !
لمياء : آه صارحة جاو واعرين مع بعضياتهم ! الله ريحتو باقة شمي !
دعاء : (جراتها) زيدي زيدي !
لمياء : مايكونش عندو شي خوه و لا شي باه غاع !
دعاء : الله يهديك !
🧚🏻‍♀️🧚🏻‍♀️🧚🏻‍♀️
✨ من جهة أخرى ✨
(خرج جوزيف قابط لجميلة فدراعها و مزير عليها فحين هي كانت غي ساكتة و مستسلمة ليه بحال شي طفلة معا باها ، حل ليها الباب ديال طمبيل و ركبها بهدوء ، قاد ليها الصمطة و هي غي كاتشوف فيه بعيونها الساحرة ، ابتاسم ليها و سد عليها الباب عاد ركب حداها و تحرك بصمت باتجاه المقهى لي غلسوا فيه البارح ، بقا صايغ و مرة مرة كايدور يشوف فيها و يعاود يدور وجهو و هو حاس براسو غادي يطرطق ، غي وصل هبط ذغيا حل ليها الباب و نزلها)
السرباي : (بان ليه جوزيف معصب) سيدي !
جوزيف : جيب لينا شي حاجة سخونة !
السرباي : (كايشوف فجميلة) واخة !
جوزيف : يا الله تحرك !!!!
🧚🏻‍♀️🧚🏻‍♀️🧚🏻‍♀️
(طلع بطلنا و بطلتنا فالدروج باتجاه السطح لي كايطل على البحر 🌊🌊 ، جميلة ضربها هواء بارد و نقي فوجهها ، جرها جوزيف و غلسها ببطئ على فوطوي مريح و غلس حداها بهدوء من بعد و تقابل معاها ، مد يديه و بقا كايقاد ليها شعرها)
جوزيف : (هضر بهدوء تام باش مايخلعهاش) جميلة !
جميلة : (شافت فيه بعيونها الساحرين المغرغرين بالدموع) ممم ؟
جوزيف : (ابتاسم و حط يديه على حنكها ليمن) شكون دار فجميلتي هاد الحالة ؟
جميلة : (زيرات على يديها)
جوزيف : جميلتي !
جميلة : (كلماتو كانو بحال النسمة على قلبها ، ماحسات براسها حتى فشلات قدامو و عنقاتو بجهد فصدرو) عيييت عييت أ جوزيف ! بغيت غي نموت باش نتهنا من هاد الدنيا !!!! مابقيتش باغة نشوفهم !
جوزيف : (تصدم و بقا كايطبطب عليها) شنو وقع ليك ؟؟ (هز ليها راسها بصبعو و بقا كايمسح قطرات دموعها بشوية) يا الله عاودي ليا من اللول !
جميلة : (تنهدات و بدات كاتعاود ليه حيت حسات براسها مخنوقة و خاصها تشكي على شي واحد) البارح منين تفارقت معاك وصلت لدار و مالقيت حتى واحد ، هضرت مع ماما و قالت ليا بلي مشاو يزوروا شي امرأة مريضة و وصاتني نخمل الدار !
جوزيف : كملي !
جميلة : المهم ذخلت لكوزينة و غسلت بزااف ديال الماعن كانوا مجموعين ديال نهار كولو و سيقت الدار من الفوق لتحت حتى تقصم ليا ظهري غي باش مانسمعش الهضرة ، المهم غي سالييت مشيت لبيتي و غلست كانرتاح حيث تهديت !
جوزيف : (عقد حجبانو) مممم ؟
جميلة : دازت شوية و أنا نسمع خويا كايعيط ليا ! مشيت عندو و هو يلوح عليا قميجتو و قال ليا صبنيها ليا دابا ! قلت ليه بأدب خويا مهدي راني عيانة و هو يدور فيا قال ليا غادي تصبنيها بزز منك أنا مارضيتش حيت تعامل معايا بحال شي خدامة و قلت ليه لا حتى أنا !!!!  غي بغيت نمشي بحالي و هو يشدني من شعري و طرشني بجهد (ابتاسمات) أنا بدوك الاعصاب عاودتها ليه بوحدة اخرى !
جوزيف : (بتعجب) طرشتيه ؟
جميلة : (خافت لايجي من خوها) و لكن هو لي جبدني و الله لعظيم !
جوزيف : و علاش كاتحلفي ؟ من حقك !
جميلة : (حسات بارتياح) المهم هو مارضاش حيت رفعت يدي عليه و هو يلوحني فالأرض بجهد و بقا كايضربني بحال الحمق فينما جات (مسحات عينيها باش مايغلبوهاش دموع) ولد الحرام حكمني عييت مانضرب فيه و نقمش و لكن ماقديتش عليه ! فاللخر أنا غي بنت !!
جوزيف : (حس بالحرارة و برك على سنانو) أول مرة كايضربك ؟
جميلة : شنو أول مرة ؟؟؟ أويلي لا من ديما و هو معايا هاكا !!! هو مولف يضربني من الصغر و كايعاملني بحال عدوتو (تنهدات) هو اول مرة يضرني فوجههي هاكا داكشي علاش البنات تخلعوا !
جوزيف : (شاف فيها بعينيه الحاديين) مولف غاع (زير يديه) و واليديك علاش ماكايهضروش معاه ؟
جميلة : (كثرة الهم كاضحك ، بقات كاضحك) شنو غادي يقولوا ليه ؟ هما ديما جايين معاه و كايرضوا فيا اللومة فاللخر ! واحد بابا حتى هو ديما كايضربني على ابسط الحوايج و ماكرهش يتهنى مني اليوم قبل غدا أما ماما الا ماخدمتش ليها الشقا كاضرب ليا نتفة دايزها الكلام و لا تبقا تغوت حتى تندمني على نهار لي خلاقيت فيه (ابتاسمات) كانحسم بعد المرات نقول لناس هادي هي عائلتي !