عشق محرم 🧞‍♀️عشيقة العبري 🧞‍♀️

‎الجزء ١٦ تتمة من قصة العشق المحرم

🔯 الجزء ١٦ تتمة من قصة العشق المحرم 🔯
🕎 بقلمي أنا ريم 🕎
جميلة : شكرا بزااف أ جوزيف حيت عطيتي من وقتك (ابتاسمات) هادي أحسن خرجة دوزت فحياتي !
جوزيف : (صدماتو بساطتها) شكرا حتى نتي ! حيث حسيت معاك براحة !
جميلة : (فرحات بكلماتو ، انتابهات لطريق) صافي حبس غي هنا ! أنا انكمل على رجلي !
جوزيف : واخة (حبس طمبيل فجنب)
جميلة : يا الله بسلامة !
جوزيف : (دار لعندها) بسلامة !
(مدات جميلة يديها باش تحل السمطة حتى كاتفاجأ بجوزيف قبط ليها يديها ، قرب ليها ببطئ و تحنا لوجها خطف بوسة من حنكها الدافئ ، فحين جميلك تجمدات فبلاصتها و طلعات معاها واحد الحرارة الحرارة مايمكنش ، بقات كاتشوف فيه بعويناتها البريئين و قلبها كايضرب)
جوزيف : (فشل قدامها و هو يقلب الموضوع قبل مايدير شي حاجة اخرى) هادي الربع و نص !
جميلة : (رجعها لواقع) أويليييييي (هزات ساكها و حلات الباب بلا ماتهضر و مشات كاتجري لدار) ناريييييي !!!؟
جوزيف : (بقا كايشوف فيها بإعجاب و هو دايخ) و ليت غي كانخربق !!
(حرك طمبيل و اتاجه نيشان لديبو لي فالمرصة لعند عمر)
🔯🔯🔯🔯🔯🔯🔯🔯🔯🔯🔯
(وصلات جميلة لدار و هي مخلوعة ، خايفة لا يغوتوا عليها حيت تعطلات بزااف ، حلات الباب و هي كاترعد و بقات كاتقلب عليهم بيت ببيت و لكن مالقات حتى واحد فالدار)
جميلة : (بتعجب) فين مشاو هادو ؟
(مشات خدات الفيكس و عيطات لتلفون ديال مها)
جميلة : الو ماما فينكم ؟!
سمية : حنا عند الحاجة فدارها حيت خرجات من الصبيطار !
جميلة : (ارتاحت) آه صافي ! سلمي عليها !
سمية : غسلي الماعن لي فالكوزينة و دربي تخميلك لدار !
جميلة : (ندمات لاش عيطات ليها) واخة !
(قطات الاتصال و مشات لبيتها ، بدلات حوايجها و لبسات بيجامتها ، جمعات شعرها شفنجة و مشات لكوزينة)
جميلة : (تصدمات) أويليييييي على كوزينة ؟؟؟؟!!!
(كانت كوزينة راكشا ماعن فغاع البلايص و طيبوا كيكة و خلاو كولشي مليوح ، جامعين ليها معان ديال الفطور و ديال الغدا)
🔯 الجزء ١٦ تتمة من قصة العشق المحرم 🔯
🕎 بقلمي أنا ريم 🕎
جميلة : أوووووف !!!
(جمعات كمام و بدات تغسل على سعدها ووعدها و ترض داكشي لبلاصتو ، حتى رضات الكوزينة كاتشعل ، عمرات صطل ديال الما و دارت فيه شوية ديال تيد و دوزات على دار كاملة حتى تقصم ليها ظهرها)
جميلة : اووووووف وا أخيرا ساليت !
(هزات تلفونها و مشات نعسات فبيتها ، بقات كاتفرج فيوتوب و كاتفكر شنو وقع بينها و بين جوزيف ، داكشي كان بحال شي حلم زوين ☁️ حلم فيه غير هي و هو بس )
جميلة : (تفكرات اللقطة فاش باسها فحنكها) ناااري (قاصت حنكها و ولات حمرة) اييييه شحال زويييين (تفكرات هضرتو) مممم و لكن كان ضروري تكون يهودي زعما !!! تفووو على زهر عندي !! عمر شي حاجة ما تقاد لي !!!
🧚🏻‍♀️ فديك اللحظات ذخل خوها مهدي 🧚🏻‍♀️
مهدي : (كايغوت) جميلة جميلة !!!!
جميلة : (عوجات وجهها) أ شنو (ناضت لعندو) ها أنا !
مهدي : (لاح ليها قميجة بطريقة مستفزة) هاكي صبني ليا هادي دابا و سربي خاصني نخرج !
جميلة : من نيتك خدامة عندك ؟
مهدي : (خنزر فيها) كيفاش من نيتي ؟ وا صبنيها الله ينعل دين مك راني مزروب !
جميلة : أنا عاد ذخلت من لافاك و الله ماقادة أ خويا ! شوف راه غسلت طون ديال الماعن و صيقت الدار كولها حتى تقسم ليا ضهري !
مهدي : (ببرود) و أنا مالي فهادشي ! قلت ليك صبنيها هي صبنيها !!!
جميلة : (عصبها) و حتى أنا مالي ! صبنها و لا غلس ! قدك قد الجمل و كاتسناني نغسل ليك شراوطك !
مهدي : (عصباتو هضرتها) شفتك نتيا مابقيتيش كاتخافي مني وليت نقولك كلمة ترضيها ليا بجوج ! واش خاصك شي دغة عاوتاني !
جميلة : (ببرود) شوف أ مهدي بعد مني عافاك مافيا لي يتصادع معاك (عطاتو بالظهر)
مهدي : (جرها من شعرها) و أنا نيت طالع ليا دم و فيا لي يتصادع معاك !
جميلة : (عي جرها من شعرها قمشاتو فيديه و دفعاتو) وا بعد مني أ يا يشماتة لقيتيها مسلكاك !
مهدي : (صدماتو) أنا شماتة يا الكلبة (جمع يديه حتى جمعها و عطاها بطرشة) ضسرتك بزاااف !
جميلة : (ديك الطرشة بحال الا شعلات فيها العافية و هي تعاودها ليه بوحدة اخرى حتى زعزعاتو) وا نتا ما شي غي شماتة نتا كبير شمايت !
مهدي : (تصدم حيت أول مرة ضربو) هاي هاي كاضربيني يا القحبة !
(تلاح عليها و بقا كايضربها بهستيرية فينما جات و هي غواتها كايتسمع لزنقة و واخة هاكاك قاوماتو و  شبعات فيه قميش و ركيل ، فديك اللحظات دخلات سمية و عيشة)
سمية : (تصدمات و ذخلات كاتجري) أويلي على المساخط كايدابزو عاوتاني (شافت وجه جميلة لي فيه دم) أويلي أولد لحرام شدرتي لختك (مشات فاكاتهم) وا طلق !
مهدي : (كايقيس يديه لي كلهم دم) راه هي لي جبداتني و والله حتى نقتلها الكلبة ضسرات !
عيشة : (بقات كاتشوف فوجه جميلة لي كولوا دم بتأسف) بنتي جميلة !!! ناري ناري علاش دابزتوا !
مهدي : قلت ليها صبني ليا قميجتي و بقات كاتسبني ! ماخلاتش ليا ! يا شماتة يا الحمار !
سمية : (شافت فيها) إوا سرك حتى نتي ! كاين شي وحدة تقول لخوها لكبير شماتة و لكن الغلط مني أنا لي ضسرتها و لات عاطياها غي لنعاس و راحة !
عيشة : (غوتات عليها) سمية واش البنت ناقصة !
جميلة : (بقات كاتضحك بهستيرية و فنفس الوقت دموعها كايهبطوا) وااااا يا ربي على دار عايشة (كاتزيد تغوت و ضحك) وااااااا الله يعطيني شي موتة و لا هاد العيشة ديال الكلاب !!!!
عيشة : (شدوها دموع) بنتي !
مهدي : (شاف فمو) شتي راه حماقت ! سيرو داويوها بناقص من هاد القميجة غاع !
جميلة : (كولها كاترعد ، ناضت من الأرض كاترجف و عينيها كلهم حقد) سير يا ربي عطيني شي موتة لي تهنيني منهم (دازت من حدا مهدي) تفوووو !
مهدي : (ببرود) واخة واخة ! شهدوا !
(مشات بزز كاتمشى لبيتها و سدات عليها الباب بساروت ، غلسات فالأرض و بقات كاتبكي كاتبكي بجهد غي باش تخوي ديك النار لي شاعلة فيها ، حسات بالحغرة حيث عمرهم ما جاو معاها ديما كايدافعوا عليه غي هو  ، رجعات بيها الذاكرة للماضي و غاع داك الضرب لي كلات بدون سبب من عند باها و خوها ، تكات فالأرض واخة البرد و بقات كاتشوف سقف و عينيها عامرين دموع)