عشق محرم 🧞‍♀️عشيقة العبري 🧞‍♀️

الجزء ١١ من قصة العشق المحرم

🔯 الجزء ١١ من قصة العشق المحرم 🔯
🕎 بقلمي أنا ريم 🕎
🏠 فمنزل جميلة 🏠
بعد ماتعشات عائلة جميلة ، توجه كل واحد لبيتو باش ينعس ، فحين جميلة بقات طول ديك المدة فبيتها لي تعشات فيه راسها و تفكيرها كولوا مع داك الشخص لي ماقدراتش تحيدوا من بالها ...
(وصلات الحادية عشر ليلا و هي باقة مترردة واش تعيط ليه و لا لا !)
جميلة : (خدات تلفونها) انعيط ليه نقوليه شكرا و صافي ! مافيها والو ! و لكن إلا مشا قمعني ؟ و علاش ايقمعني ياك هو لي عطاني نمرتو ( ناضت سدات بيتها بالساروت بشوية و رجعات لبلاصتها ، شعلات تلفونها و ذخلات نمرة) اوووووف لي ليها ليها ! ناري كايصوني !!!
🔯🔯🔯🔯🔯🔯🔯🔯🔯🔯
🍻🍻🍻 فالكزينو ديال جوزيف 🍻🍻🍻
خالد : واحد عمر ماباليش !؟
جوزيف : مشا يقلب على داك الزامل !
خالد : ناري ولد القحبة هاداك !!! ماخليتي مادرتي معاه فاللخر شفرك !!! و كون غي كانت ناقصاه شي حاجة !
جوزيف : (شرب من الكاس) ماتخافش غادي نفرج فيه بالمزيان !!!
خالد : (عارفوا كي داير) كانعرف نتا مصوفج !!
جوزيف : (غمزوا) إلا ماجبدتش ليه قلبوا بيدي و حطيتوا فوق الطبلة مانتسماش جوزيف !
خالد : (خلعوا) نااري يا صاحبي شحال قاسح !
جوزيف : (يا الله ايجاوبوا و هو يصوني تلفونوا) نمرة بريفي ؟ (جاوب) ألو !
جميلة : (ابتاسمات و قلبها ايسكت) ألو !؟
جوزيف : (سمع صوت امرأة و استغرب) شكون معايا ؟
جميلة : انا جميلة (بتأسف حيت ماعرفهاش) انا البنت لي ضربتيها بطمبيل !
جوزيف : بلاتي دقيقة (ترسمات ابتسامة على وجهو و ناض خرج برا باش يسمعها مزيان) كي بقيتي ؟
جميلة : مزيان الحمد لله المهم بغيت غير نقول ليك شكرا !
جوزيف : (حط يديه فجيبو) شكرا حيت ذخلت فيك ؟؟
جميلة : لا حيت وصلتيني (بغات تهرب حيت يتحابها ماعجبوش الحال منين عيطات ليه) المهم سمح ليا حيت صدعتك فهاد الوقت !
جوزيف : (بصوتو الرجولي) بلعكس فرحت حيت عيطتي ليا و غادي نتسناك تعيطي ليا مرة اخرى و هاد المرة بنمرتك !
جميلة : (صدمها و مشاو ليها الكلمات) واخة ! تصبح على خير !
جوزيف : تصبحي على خير !
(🧚🏻‍♀️قطعات🧚🏻‍♀️)
جوزيف : (نطق سميتها لأول مرة) جميلة !!
(ابتاسم و رجع ذخل لكزينو بهدوء)
🔯🔯🔯🔯🔯🔯🔯🔯🔯🔯
جميلة : (قطعات و هي راسمة ابتسامة عريضة على وجهها) واش انا كانحلم ! بلاتي قال ليا انتسناك تعيطي ليا !!!!! واش بصح قالها و لا انا وليت كانتخايل !!! ناري صوتو شحال واعر (حطات راسها على المخدة و بقات كاتركل) ايييييي !!! بلاتي نعاود نعيط ليه غدا ؟ لا لا حشومة ايتحابوا غي شي قحبة و لا طامعة فيه !!! و لكن كيفاش انعاود نشوفوا !؟ اووووف انا مالي درت عليه هاكا تقول عمرني شفت الرجال ؟
(سدات عينيها و هي افكارها لاعبين الحرب فعقلها)

🔯 الجزء ١١ تتمة من قصة العشق المحرم 🔯
🕎 بقلمي أنا ريم 🕎
🍻🧚🏻‍♀️ فالكزينو 🧚🏻‍♀️🍻
{رجع جوزيف غلس حدا خالد و هو راسم ابتسامة عريضة على وجهو }
خالد : (كايطنز) شكون هاد الانسة لي خلات جوزيف الكوهن شخصيا يضحك !؟
جوزيف : (جمع الضحكة و خنزر فيه) ضسرتي عليا لا ؟
خالد : (بقا كايضحك) ناري يا صاحبي عمري عقلت عليك عاودتي ليا شي حاجة على حياتك تقول مقرصينك  !
جوزيف : غاع ليهود دايريين هاكا ! حنا ماكانعاودوش على أسرارنا بحال لعيالات !
خالد : شنو دابا كاتحشي ليا لهضرة !؟
جوزيف : وا شوف نتا ! أنا حياتك كولها عارفها من الطاق طاق حتال السلام عليكم ! و ماشي غي نتا ! لاحظتها فبزاف ديال المسلمين !!! غي يغلس حداك يبدا يعاود ليك على لي قدامو ولي من موراه !!!
خالد : (كايطنز) حنا أ خويا عفويين لي فقلبنا على لسانا !
جوزيف : ايييه يييه عليها كادار بيكم يا الكوانب !
خالد : (كايضحك) شفتك شرشمتيني هاد الليلة !
جوزيف : (جغم من الكاس ديال الشراب) أودي غي ضاحك !!! ضبرو كركم !!!
🧚🏻‍♀️ جاو واحد جوج بنات زويينين و لابسيين مزيان لعندهم 🧚🏻‍♀️
لمياء : سلام (كاتشوف فجوزيف بطريقة غريبة)
خالد : (ناض قاد الغلسة) أ هلا !!!
لمياء : (بابتسامة) أنا لمياء و هادي صاحبتي عبير ! نقدرو نغلسوا معاكم ؟
خالد : غلسوا مرحبا !!!
🧚🏻‍♀️ غلسو حداهم 🧚🏻‍♀️
لمياء : نتا هو جوزيف مول هاد الكزينو ياك ؟
جوزيف : (جغم الكاس) ممم !
لمياء : (عضات شنايفها) سمعت عليك بزااااف من عند البنات !
خالد : و شنو كايقولوا عليه !
عبير : (كاضحك بتقحبين) حتى وحدة فيهم ماقدرات تنساه و حتى راجل مابقا كايعمر ليها العين !!!
جوزيف : (فهمهم شبغاو و دار رجل على رجل) و لكن أنا عمري تفكرت شي وحدة فيهم ! كانساها فليلتها !
لمياء : ماعنديش أنا المشكل !!! المهم بغيت نجرب حتى أنا داكشي لي عاودوا ليا !
خالد : (تصدم) شنو دابا أنا نبقا بوحدي بحال اليتيم !!!
عبير : (ابتاسمات ليه) و أنا كي ماعجبتكش ؟!
خالد : حاشة أ زين !!!!
لمياء : (زعمات و ناضت غلسات حدا جوزيف لاصقة عليه) شنو قولتي !؟
جوزيف : (دور عينيه ببرود و شاف فيها) غادي تندمي الله وما سيري فحالك !
لمياء : (حطات يديها على يديه) أنا بغيتك ! عافاك !!!
جوزيف : (ناض) شغلك هاداك !!!
لمياء : (بقات غالسة و مافاهمة والو)
عبير : وا سيري تبعيه الحمارة !
لمياء : آه واخة واخة !!!!
{ ناضت لمياء و بقات تابعة جوزيف لي خرج و ركب فالطمبيل ، حتى هي ركبات حداه و هي فرحانة أما صاحبتها بقات مع خالد }