عشق محرم 🧞‍♀️عشيقة العبري 🧞‍♀️

‎🔯 الجزء ٢٢ تتمة من قصة العشق المحرم 🔯

🔯 الجزء ٢٢ تتمة من قصة العشق المحرم 🔯
🕎 بقلمي أنا ريم 🕎
🕎🏠🕎 فمنزل الكوهن 🕎🏠🕎
{ منزل الكوهن هو قصر يهودي قديم الطراز ، تبنى سنة 1931 من طرف الجد الأكبر بنيامين الكوهن ... فالمقدمة كاتلقى بوابة كبيرة بالأسود و محوطة المنزل كامل بشكل مخيف ، و مكتوب عليها باللغة العبرية جملة : {خلق اليهود ليحكموا} ، المهم منين كاذخل مع الباب كاتلقى جردة كبيرة و مليئة بالشجر العالي لي كايغطي على البراني يعرف شكل المنزل ! بعد ماتمشاي لدقائق بين الشجر غادي تلقاي فالوسط حجر كبير منقوش و دايرين بيه الشموع ، هاد الحجر يرجع بنائه لقرون و قرون و فين مكتوبة و منقوشة بالعبرية قوانين عائلة الكوهن ! و القوانين هي كالتالي :
1. لا يحق لأحفاد الكوهن الزواج بمطلقة .
2. يمنع منعا كليا على الكوهن الزواج بمرتدة عن دينها سواء أ كانت مسيحية أو مسلمة !
3. لا يسمح للكوهن لمس الموتى !
4. لا يسمح للكوهن التّدَيُّن من غير اليهود !
5. اللغة المعتمدة في القصر هي العبرية עברית .
(و من خالف هذه القوانين من أحفادنا فستلعنه أرواح الأجداد للأبد)
المهم فالطرف الآخر من الحجر على اليمين كاينة مقبرة العائلة لي مسدودة بإحكام و ضايرين بها غربان كوحل ! أما على اليسار ، و بعد ماتخطى داك الحجر غادي تلقى المنزل الرئيسي لي مبني على الطراز العبري القديم بالحجر الصلب و الخشب الأصيل من الذاخل ، فالباب منقوشة النجمة الخماسية ديال اليهود 🔯 و حداها جوج ديال الثماثيل ديال امرأة كاتشوف فالسما و هازة يديها لفوق بحال إلا كاتدعي و كاترجى الله !
فمنزل الكوهن بعد وفاة السيد مايكل الكوهن و الزوجة ديالو جويل ولات الدار خاوية و مافيهاش الروح ، خاصة أن جوزيف ما كانش ساكن معاهم لسنوات لأسباب أنعرفوها من بعد ، و لكن هادي 4 سنوات رجع بطلنا سكن فالمنزل و حيا الروح فيها من جديد بعد ماكانت دابلة !
المهم هرم المنزل مكون كالتالي :
1. رب البيت : جوزيف الكوهن .
2. خالة جوزيف : إِسْتَرْ سولميس .
3. رئيسة الخدم : عوزا .
4. رئيس الحرس : صامويل .
5. بالإضافة لخمس خادمات ذاخل القصر :
جاليا / إيلونا / ريفا / شيرا / دانا .
(للإشارة أفراد القصر كلهم من يهود و اللغة المعتمدة ذاخل القصر هي العبرية الأصيلة עברית   و يمنع منعا كليا التحدث بالعربية أو الدارجة المغربية و لو سهوا و من يخالف الأمر يطرد طردا كليا حفاظا على الثقافة اليهودية من الإندثار ، يطبق هذا القانون حتى على جوزيف نفسه)
🏠🔯🔥🏠🔯🔥🏠
( المهم منين كاذخل مع المنزل ، كاتلقى صالون كبير للضيوف بطراز يهودي قديم و أروستقراطي ، الصالون فيه جوج سراجم كبار ديال زاج كايطلوا على الجردة ، فهاد الصالون غادي تلقا مذخنة ضخمة لديال النار و محطوطين عليها تصاور ديال أفراد العائلة من كبيرهم لصغيرهم و جوج مشعلات من الذهب ديال الشموع لي كايتعتابروا رمز أساسي من من رموز اليهود 🕎 بالإضافة أثاث فاخر و رأس دب معلق فواحد الحيط بشكل غريب كان صيدو جوزيف منين كانت عندو 20 عام ، فالجانب الآخر كاينة كوزينة ضخمة مجهزة بشكل حديث و فيها أجود و أفخم الأطباق ! المنزل مكون من صالون ضخم ، جناح ديال الماكلة لي فيه مائدة كبيرة و ديكور أندلوسي ، جناح ديال الصلاة فيه بخور ديما برائحة زكية و شموع ، جناح العائلة و لي فيه تصاور و كتب و إنجازات الكوهن عاد كاينين دروج كايديو للفرق و للتحت .... فالتحت غادي تلقا جناح خاص بالخدم ، كل خادمة و غرقتها الصغيرة أما الفوق فهو مخصص لأجنحة أفراد عائلة الكوهن !