عشق محرم 🧞‍♀️عشيقة العبري 🧞‍♀️

‎🔯 الجزء ٢١ من قصة العشق المحرم 🔯

🔯 الجزء ٢١ من قصة العشق المحرم 🔯
🕎 بقلمي أنا ريم 🕎
(بقا مهدي ساعات و ساعات على ديك الحالة بحال الحمق ، حتى واحد مابغا يهضر معاه و لا يشرح ليه علاش هو تما ، هو بنفسو ذخلوا الشك فراسو و بقا كايحاول يتفكر شي زبلة دارها و لا واش سب ولا دفع شي واحد فزنقة)
عمر : (هز عينيه و شاف جوزيف ذاخل ووجهو مافيهش الملامح) سيدي !
(مهدي هز عينيه فجوزيف و هو حاس بالسخفة ، بقا كايحقق فوجهو مزيان و كان متأكد انه ماكايعرفوش بل ما عمرو ماشافوا فحياتو)
جوزيف : (غلس فوق كرسي مقابل مع مهدي و دار رجل فوق رجل) هو هذا خوها ؟
عمر : آه هو أ سيدي أنا متأكد !
مهدي : (مافهمش و قلبو بدا كايضرب يضرب) خو من ؟؟؟؟
جوزيف : (طلعوا و هبطوا باحتقار) جميلة كاتعرفها !!!!
مهدي : (تصدم) جميلة ؟ كاتهضر على جميلة ختي ؟؟؟ فين كاتعرفها نتا ؟
جوزيف : (ناض بطولتو كاملة و مشا تحنى و تقابل مع وجهو) سوقك ؟
مهدي : (بقا كايشوف فعينيه المخيفين لي حسسوه بالفشلة) لا ماسوقيش !
جوزيف : (ببرود) شحال من مرة ضربتيها فيها !؟
مهدي : (خاف) أنا ماعمري ضربتها شكون كذب عليكم !؟
جوزيف : (صعر) لي حواك أ ولد القحبة (هز يديه حتى هزها ونزل عليه حتى رعفو) غادي نعاود نسولك لاخر مرة قبل مانحيك ! شحال من مرة ضربتيها ؟
مهدي : (دم هبط ليه من نيفو و رجليه بداو كايترعدوا) ماعقلتش شحال من مرة و الله ما عقلت !!!
جوزيف : ماعقلتيش ؟ (ابتاسم) هي كاتقيل ترجل عليها !!!
مهدي : (ماقدرش يجاوب)
جوزيف : (جرو من تريكو و قجو بجهد) كاترجل عليها يا زامل (زير عليه حتى روحو بدات تخرج)
مهدي : (حس بالموت و ولا كايرغب) و الله مانعاود !!!
جوزيف : (صعر نيت و غوت بجهد) فكوه !!!
عمر : (مافهمش) شنووووو ؟؟
جوزيف : (حلقو خرج) غوتليكم فكووووووووه !!!!
(مشا عمر حل لمهدي سنسلة باش مربوط و رجع وقف فبلاصتو)
عمر : شنو ندير دابا أ سيدي ؟
جوزيف : (كاينهج بحال الوحش) ربطوه ليا فالحيط !
عمر : (فهمو مزيان) هي اللولة !!!
(جروا الرجال مهدي بحال الكبش لواحد السنسلة فالحيط ديال التعذيب ، هي فالأصل هاد السنسلة كايستعملوها الساديين لتعذيب ضحاياهم ، المهم كبلوا بيها مهدي مزيان فيديه و رجليه حتى تشلات حركتو بشكل تام فحين هو بقا غي كايغوت و على وشك البكاء)
جوزيف : (بصوت بارد و مخيف) كلشي يخرج !
عمر : واخة أ سيدي (دار إشارة لرجال و هما يخرجوا)
جوزيف : (بشر) بقيت غي أنا وياك دابا !!!
مهدي : (فمو زراق) و الله مانعاود نقيصها !!
جوزيف : (حيد قاميجتو و بقا عريان من الفوق ، بصدرو العريض) أنا عارفك ماغاديش تعاود تقيصها ! دابا غادي نتحاسبو غي على العصا لي عطيتيها شحال أ شماتة !!
مهدي : (حس بيديه مزيرين و غادي يتقطعوا بالسنسلة ، بلع ريقو و هو قرب يموت غي بالخلعة)
( هز جوزيف واحد السوط كحل و لواه على يدو ليسرى مزيان حيت هو (أعسر) ، توجه عند مهدي و طرطق عنقو مزيان عاد بدا ، هز يديه حتى هزها و بقا كايشحطوا بالسوط فصدرو و ظهرو)
مهدي : (حس ماشي غي بالألم بل بالضو ضربو فجسدو) لاااااا باركة عااااااافاك باركة (كايغوووت على حر الجهد) باااركة !
(الغوات ديالو كان هو قمة النشوة و المتعة عند جوزيف ، بقا كلما مهدي كايغوت و يتألم كلما زاد هو فوتيرة الضرب و هو حاس بمتعة كبيرة و هو كايعذب فيه .... بقاو هاكا تقريبا شي ربع ساعة حتى فشل مهدي و قطع الحس)
جوزيف : (كايضحك و شعروا و لا كولوا فازغ) إوا ؟ فين هي الرجلة ديالك ؟ ولا كاتعرف ترجل غي على العيالات ؟
مهدي : (ماقدرش يهضر بقوة الفشلة و الألم)
جوزيف : (هز ليه راسو بالسوط) نتا حطيتي يديك على شي حاجة ديالي (كايغوووت) جميلة ديالييييي !!! ملكي أنا (لاح السوط و بقا كايضرب فيه بهستيرية فوجهو كيفما دار لجميلة ، غير هو عطاه الضرب ديال بصح حتى غيب)
(عمر سمع غوات جوزيف و هو يذخل كايجري ينقد الموقف)
عمر : (مايقدرش يقبط فجوزيف ممنوع ، بقا كايهضر معاه من بعيد) وقف أ سيدي راه غادي تقتلوا !!!! سيدي راه كايبقى خوها و غادي تاخد منك موقف الا قتلتيه ليها !
جوزيف : (رجع لوعي و دار شاف فيه و هو كولوا كايترعد ، كانوا عينيه حومر و فمو زرق ، بانو ليه العروقة جهة عينيه و فعنقو ، يديه كانوا كايقطروا بالدم ، هضر بصوت كايرجف بالأعصاب) هزوا عليا قبل مانقتلوا !
عمر : (ابتاسم) هي اللولة أ سيدي !!!!