عشق محرم 🧞‍♀️عشيقة العبري 🧞‍♀️

‎🔯 الجزء ٣٢ من قصة العشق المحرم 🔯

🔯 الجزء ٣٢ من قصة العشق المحرم 🔯
🕎 بقلمي أنا ريم 🕎
( جوزيف صافي فقد السيطرة و الشهوة السادية غلبات عليه ، و لا بحال شي مدمن على المخدرات لقا لادوز ديال الهرويين لي مناسباه ، المخدر ديالو كان هو جميلة ، مد يديه ليمنى و بقا كايقيص بها كل جزء من جسدها بطريقة عنيفة بحال إلا كايقول ليها نتي ملكي بوحدي !!!!
جوزيف مع كل دقيقة حرارتو كانت كاتشعل كثر و كثر الشيء لي خلاه ينسى مشاعر جميلة ، هبط من عنقها الجميل و المغري لي ولا زرق بالمصان باتجاه صدرها ! بقا كايبوس فيه بهستيرية من فوق الحوايج ! تما جميلة بدات كاتغوت : (جوزيف شنو كادير) ، غواتها و أخيرا عطى نتيجة و حبس جوزيف !!!! هو ماكانش ناوي يحبس على العكس كان ناوي يسكتها باش ببوسة ففمها اللذيذ ، كان باغي يذوق طعم شفايفها للمرة الأولى حتى جات صدفة عينيه الزورق الدابلين بالشهوة فعينيه جميلة الخوضر لي كانوا مغرغرين بالدموع و حومر ، بقا كايشوف فيها و هو مصدوم عاد بدا كايوعى براسو شكايدير !
(شنو كادير ؟ ياك قلتي هي نقية و ماشي بحالهم ؟)
جميلة : (بترجي) حبس عافاك (طاحوا دميعات من عينيها)
عض جوزيف على سنانو ، هو كان ضعيف تحت تأتير عينيها الحزينين و فثواني قلال طلق ليها من يديها لي ولاو زورق بقوة مازير عليها و حطها فالأرض بشوية هادشي قبل ما يخرج بزربة هربان و يزدح من موراه الباب باتجاه طمبيلتو ، حبس و هو فقمة الشهوة ، حبس و هو النار شاعلة فيه ... ركب فالطمبيل و سد عليه الباب ... ضرب الفولون بجهد هو غادي يطرطق بالأصاب ، جبد سورارت من جيبو و يديه كلهم معرقين و كايترعدوا بشكل مخيف ... صدروا كان كايطلع و يهبط أما عينيه كانوا دم !!! شعل طمبيل و حرك الفولون بزربة بيديه لاتجاه مجهول ، مشا و خلا من موراه جميلة لي كانت غالسة مصدومة وكاتستوعب شنو وقع )
🧚🏻‍♀️🧚🏻‍♀️🧚🏻‍♀️
( بقات جميلة لدقائق كاتفكر فشنو وقع عاد ناضت برجلين خاويين كايترعدوا باتجاه الروبيني ، تقابلات مع المرايا و بقات كاتشوف فعنقها لي كولوا مصات زورق بعضهم كايقطروا بدم !! بقات كاتقيص فيهم و يديها كايترعدوا ، كانوا كايضروها بزاف !!! ناري كي غادي دير تغطي هادشي على دارهم ؟! تنهدات و غسلات وجهها بالما بارد عاد جمعات شعرها و هي تالفة ، عقلها ماشي مخربق ، كان فيه تشاش ؟
دابا واش هادي هي العلاقة الحميمية بين الراجل و المرأة لي كايعاودوا ليها عليها ؟! فين هي رعشة و فين هو الاحساس زوين و المتعة ؟؟؟  هي ماحسات بحتى حاجة من هادشي ، كانت حاسة غي بالألم و الخوف آه الخوف من أن الرجل لي كان كايحسسها بالأمان يغتاصبها بنفسو ! لا لا جوزيف ماشي طبيعي ، نسبة العنف عندو زايدة على القياس ، هاد الإنسان كايتبدل عندو جوج وجوه ، مرة كايكون جوزيف و مرة كايكون وحش )
🧚🏻‍♀️🧚🏻‍♀️🧚🏻‍♀️
(بقات جميلة واقفة مدة طويلة حدا الباب كاتسترجع قوتها و هي خايف فنفس الوقت ، كيفاش غادي دير تواجهو و لا تشوف ليه فعينيه ؟ و إلا هجم عليها ؟ لا مايقدرش ! هي خاصها ضروري تفسير لهادشي لي وقع دابا !
المهم بعد تردد كبير حلات الباب و خرجات و هي مقررة تلوموا على تقربوا ليها بديك الطريقة ! بديك الطريقة العنيفة المستفزة ، و كانت ناوية حتى تهددوا انها غادي تبعد منو إلا عاود ، منين خرجات لقات المطعم خاوي و حتى جوزيف ماكاينش ؟! بقات واقفة فالوسط و كاتسناه يخرج من شي بلاصة ضننا منها انه نادم ؟!
السرباي : مدام سمحيلي !
جميلة : (كاتغطي عنقها) نعام ؟!
السرباي : سمحيلي واش نعيط لي على طاكسي ؟!
جميلة : (باستغراب) شنو ؟!
السرباي : امممم قلت ليك واش نعيط ليك على شي طاكسي حيث سي حوزيف خرج هادي شي 35 دقيقة !
(جميلة كون غي طرشها السرباي فديك اللحظة و مايقولش ليه ديك الجملة !!! حسات بالنار شاعلة معاها و ولات كولها كاترعد !!! كيفاش كيفاش قدر يمشي بدم بارد بدون أي تبرير أو اعتذار ؟! زطمات على سنانها ندما حيث جات معاه لهنا بحال شي كلبة خلاها فهد ، الحمقة هو كان باغي يغتاصب و منين بنتي ليه صعيبة مشا و خلاك ! كان باغي غي يدوز الوقت و نتي كاتسنايه يعتاذر الحمارة ! علاش دللتي راسك أجميلة هاكا ؟! حلمتي بزاااف أ جميلة حتى وصلتي لسحاب ! حلمتي أن واحد بحال جوزيف غادي يشوف فوحدة بحالك ، حلمتي أنه غادي ينزل من مستواه لعند وحدة بسيطة بحالك (شداتها الضحكة على غبائها و عينيها تغرغروا بالدموع) حلمتي أنه غادي يسلم على ودك !
جميلة : (عينيها بداو بوحدهم كايقطروا دموع حاريين) شحال جاني فالحساب !
السرباي : مدام مايمكنش !
جميلة : (فمها كايترعد ووجها ولا حمر بدموع) هضر !
السرباي : مدام راه الريسطو من أملاك سي جوزيف مايمكنش نقبلوا الخلاص من ضيفة ديالو !
جميلة : (كاتغوت بهستيرية) أنا ماظيفة عند حتى واحد !
السرباي : (بقا ساكت)
(حلات ساكها وجبدات منو غاع الفلوس لي كانت جامعة باش تشري الحوايج ، 300 درهم لي جمعاتها درهم بدرهم باش تشري لبسة دوز بيها البروجي ضحات بيهم على ود كرامتها)
جميلة : (حطات الفلوس فوق الطبلة و هي غادي طيح بالأعصاب) قووول لداك سيدك أنا ماشي قحبة يشريني بالفلوس ديالو !!! أنا ماشي قحبة يدوز بيا الوقت و يعاملني بحال الكلبة !!! انا بنفسي و بكرامتي (جات غادة و رجعات) و قول ليه ماكانش عليه يهرب حيث عمروا ماغادي يعاود يشوف كمارتي مرة أخرى !!!!
🧚🏻‍♀️ توقعاتكم و لا نصعر 🧚🏻‍♀️
بنات التفاعل ميت !؟ يمكن انحبس !؟
فين التعاليق و الآراء ؟! فين جيم ؟! علاش كاتقراوا بحال الاصنام ؟!!!!؟!!