عشق محرم 🧞‍♀️عشيقة العبري 🧞‍♀️

‎🔯 الجزء ٢٢ من قصة العشق المحرم 🔯

🔯 الجزء ٢٢ من قصة العشق المحرم 🔯
🕎 بقلمي أنا ريم 🕎
(هز عزيز ولدو مهدي على كتافو و اتاجه بيه على أنظار جميلة لي باينة فيها الصدمة لجهة البيت ديال الغلاس ، نعسوه بزز فوق السداري و بقاو دايريين بيه وباين عليهم الخوف و القلق)
سمية : (كاضرب ففخاضها بجهد) أويلي غدايدي على ولدي !!!! أويلي كي رضولي حبيبي !!!! دعيتكم لله !!!! يا ربي راك كاتشوف !
عيشة : (شداتها سخفة) يا سيدي يا ربي على موصيبة !
عزيز : صافي سكتونا (كايغوت بجهد) جميلة جري عيطي على طبيب لي حدانا ! ماقادين على فضيحة !
جميلة : (تلفات و ماعرفات ما دير) واخة واخة !!!
🧚🏻‍♀️🧚🏻‍♀️🧚🏻‍♀️
(خرجات جميلة كاتجري و عقلها تالف ! كاتفكر واش يكون جوزيف لي دار فيه هاكا ؟؟؟ المهم مشات دقات على جارهم الطبيب لي ساكن فالحومة لي موراهم ، دقات بشويك مرات و مرات عاد حلات ليها مرتو لي ماكاتحملش جميلة حيث كاتغير منها)
عبير : (طلعاتها و هبطاتها) شكاين ؟
جميلة : (متوترة) ختي عبير الله يحفظك لاما كلمي ليا سي يوسف عافاك !
عبير : من نيتك !!! لاش أنكلموا ليك فنصاصات ليل !؟
جميلة : عافاك أ ختي عتقينا راه مهدي عاد دابا جا كولوا مضروب فوجهو و حالتو حالة !!! الله يسهل عليك أختي لاما عاونينا !
يوسف : (كان دايز بسروال بيجامة) عبير شكون كايدق ؟ (شاف جميلة و هو يبتاسم) جميلة ؟
جميلة : (شافت فيه بترجي) يوسف خويا أجي معايا عافاك !؟
يوسف : شنو كاين ؟!
عبير : (عوجات وجهها و ميقات جميلة) قالت ليك ضربوا خوها و بغاتك تمشي معاها !
يوسف : بصح ؟؟؟ انا جاي معاك دابا ! عطيني دقيقة !
جميلة :واخة أ خويا !
عبير : (بقات كاتشوف فراجلها لي مشا كايجري مع جميلة) اممم اممم امممم غي شافها و لا كاينقز ! رجال د آخر زمن تفوووو (سدات الباب)
🧚🏻‍♀️🧚🏻‍♀️🧚🏻‍♀️
🏠 وصلات جميلة و يوسف لدار 🏠
(ذخل يوسف بزربة هاز معاه واحد صاك و بقا كايمسح لمهدي وجهو و ذاتو مزيان بالما و بيدادين حتى نقاه كامل ، ضرب ليه ليبرة فدراعو و عطاه شي دوا شربو عاد خرج عندهم)
سمية : يوسف ولدي عتقني راه أنطيح !
يوسف : ماتخافيش أ خالتي مهدي بخير ! راه غي ذاتو واكلة العصا بزاااف لي تكرفسو عليه باينة كانوا قاصدينو ! المهم راه فاق دابا و لكن باقي مهلوك و خاصوا شي يامات باش يقدر يوقف !
عيشة و سمية : (فنفس الوقت) الحمد لله !
يوسف : (شاف فيهم بجدية) غدا خاصكم ضروري ديوه يدير شهادة طبية و دفعوها لبوليس حيث الضرب لي كلا راه ماشي عادي ! هذا راه وحش لي دار فيه هاكا و خاصو الحبس !
(جميلة و هي كاتسمع هضرتو صفارت و قلبها بدا كايضرب يضرب بحال إلا غادي يسكت)
عزيز : (بجدية) ولا عليك أ سي يوسف (حط يديه على كتفو) سمح لينا أ ولدي شطناك معانا !
يوسف : لاواه أ سي عزيز ! مادرت غي الواجب ، غدا انشاء الله نجي نطل عليه إنشاء الله !
سمية : الله يرضي عليك أ ولدي !
يوسف : (شاف فيها) بسلامة أ جميلة !
جميلة : (ساهية فالأرض فعالم آخر) "لا رد"
سمية : (قرصاتها) راه قال ليك سي طبيب بسلامة !
جميلة : (رجعات لوعييها) بسلامة بسلامة !!
(ابتاسم ليها يوسف و خرج ، المهم هو خرج من هنا و هما ذخلوا من هنا كلهم عند مهدي و غلسوا حداه)
عزيز : (كايقيص فوجهو) مهدي !!!! مهدي !!! ولدي كاتسمعني ؟!
مهدي : (حل عينيه و هو حاس براسو ميت ، غي جسد بلا روح) با !
عزيز : (قبط فيه) ها أنا أ ولدي حداك !
سمية : ماتخافش أ ولدي راك فالدار !
(مهدي شاف فجميلة بحقد و عاود حنا راسو ، تما عرفات هي و تأكدات مزيان أن جوزيف هو لي دار ليه هاكا ، بقات كاتسناه يفضحها و هي غادي تسخف بالخلعة)
عزيز : مهدي قول ليا أولدي شكون دار فيك هاد الفضيحة ؟؟؟
مهدي : (بقا ساكت)
عزيز : (غوت) غي هضر أ مهدي و ماتخاف من حتى واحد !!! و الله أ ولدي حتى نذخل لحبس هذا لي تكرفس عليك !
جميلة : (زادت تخلعات و قلبها قرب يسكت)
مهدي : (هضر بزز) ماعرفتش !
جميلة : (تنهدات و سدات عينيها بحال الا جاها العفو)
سمية : (بتعجب) أويلي على ماعرفتيش !؟؟ واش حماقيتي ؟ راه باينة شي واحد كان شادها فيك حسيفة !
عزيز : (من تحت سنانو) مهدي !!!!
مهدي : راه قلت ليكم ماعرفتش ماعرفتش (سد عينيه) خليوني نعس !
عزيز : صافي خليوه ينعس حتال غدا و نهضروا !
سمية : واخة !
(بغاو يخرجوا و هي توقفهم هضرة مهدي)
مهدي : (ساد عينيه) جميلة اجي غطيني عاد سيري !
جميلة : (فهماتو) واخة !
(خرج كلشي و بقا غي مهدي و جميلة فاص أ فاص)
مهدي : (ببرود) نتي عارفة شكون دار فيا هاكا ياك !
جميلة : (بلعات ريقها و ماقدراتش تجاوبو)
مهدي : (شاف فيها) حرشتي عليك داك الوحش ديال صحيبك !
جميلة : (تصدمات) ماقلت ليه والو أنا !!!
مهدي : حتى نتي أ جميلة مصاحبة ؟!
جميلة : (حنات راسها و ماجاوباتوش)
مهدي : (بجدية) المهم حضي راسك منو ! داك الراجل ماشي طبيعي !
جميلة : (مافهماتش قصدو) كيفاش زعما ؟!
مهدي : (ببرود) خرجي خليني نعس !
جميلة : (بخوف) دابا غادي تقول ليهم غدا هادشي لي عارف !
مهدي : (سها فالسقف) على لي شاف دوك العينين ديال داك الهمجي يقدر يعاود يهضر !
جميلة : (مافهمات والو و لكن حسان باطمئنان كثر) واخة !
(خرجات جميلة من البيت و هي حايرة بين أفكارها المخربقين ، ذخلات لغرفتها و سدات عليها الباب بالساروت و تلاحت فوق ناموسيتها كاتفكر .... بقات دقائق و دقائق و هي كاتحاول تفهم علاش خوها قال على جوزيف { وحش و همجي } فحين هي ما شافت منو غي الاحترام و الحنان ... حسات بالخوف و هي تقرر توضع حد لهادشي ! ناضت تحنات تحت الناموسية و هزات تلفون الصغير لي عطاتها دعاء و لي كان مخبي باش مايشوفوهش الدار ! تأكدات من أن الباب مسدود مزيان و هي تخشا فبلاصتها و دارت عليها الكاشا ، بقا كاتشوف فالتلفون لمدة طويلة و هي تزعم صافطات ليه ميساج فيه : ( slm ! Bghit nhder m3ak ) بعد تردد كبير ، زطمات على قلبها و صافطاتو ! لي ليها ليها !!