عشق محرم 🧞‍♀️عشيقة العبري 🧞‍♀️

🔯 الجزء السادس من قصة العشق المحرم 🔯

🔯 الجزء السادس من قصة العشق المحرم 🔯
🕎 بقلمي أنا ريم 🕎
دعاء : عقلتي كان باغي يتصاحب معاك !
جميلة : إوا صافي ! هو لي بقا ليا !
دعاء : بغيت غي نعرفك علاش ماكاتبغيش تصاحبي ؟
جميلة : (كاطنز) فين هو ؟ لقيت و قلت لا !؟
دعاء : من نيتك جارك الفن ديال دراري فلافاك و بحال شي حمارة قلتي لا !!! هانتي راه المخير فهاد الكلية طيحيه !
جميلة : لا من نيتك (عوجات فمها) نتصاحب مع واحد قدي ننننن !
دعاء : ممممم يا ختي باغة شي واحد يكون كامل مكمول ! شي ربعيني ؟
جميلة : لاواه زمر !
دعاء : ثلاتيني ؟
جميلة : (كاديها على قد عقلها) اييييه !
(ذخل البروف و كلشي سكت و بقا كايخنزر فيه)
البروف :(ابتاسم) عارفكم ماكرهتوش تقتلوني و لكن انا راه ماعندي حتى شي ذخل فهادشي ! راه الادارة لي قررات نذخلوا نيشان فدورة جديدة باش نشدوا العطلة اللخرة بكري حيت على مافهمت كاين مؤتمر ديال الأساتذة الجامعيين فمراكش فشهر 5 !!!
دعاء : (بصوت حادر) الله يعطيك الذل نتا و أخبارك !
جميلة : (ابتاسمات حتى تسدوا عينيها)
🔯🔯🔯🔯🔯🔯🔯🔯🔯
دوزوا البنات نهار عادي ، وصلات الربعة و بدا كولشي كايخرج من لونفي باتجاه الباب ....
الأب : (كايشير لبنتو) دعاااااء !!!
دعاء : (دارت) ويلي بابا جا عندي !
الأب : يا الله أ بنتي  !
دعاء : (تلفات) يا الله معانا نوصلوك أ جميلة !
جميلة : (كذبات باش ماتصدعهاش) غي سيري أنا باغة ندوز نشري شي حاجة من المدينة !
دعاء : متأكدة ؟
جميلة : وا صافي !
دعاء : (عنقاتها) عنداك تقلقي عليا !
جميلة : اويلي على حمقة !!! سيري سيري !!
(مشات دعاء عند باها لي عنقها و باسها فراسها و طلعوا كايضحكوا فطمبيل ، فحين جميلة بقات كاتشوف فيهم بعيون منكسرة عاد مشات كاتمشا وحيدة )
الراجل : (شافها و هبط كايجري لعندها) ها حنا عاودنا تلاقينا !
جميلة : (صدمها) واش نتا مريض ؟ تبعتيني حتال لهنا ؟
الراجل : نمشي على ودك حتال جهنم !
جميلة : (تنهدات و ماجاوباتوش)
الراجل : (تابعها) وا مولات العينين الخوضر حني عليا !
جميلة : (فخاطرها) مريض هذا (بقات غادة كاتمشا و ماعاطياهش وقت وقت)
الراجل : (زعم عليها و قبطها من دراعها) وا غي سمعيني عافاك !!! راه ناوي المعقول !
جميلة : (خنزرات فيه) وااااا طلق مني واش نهضر معاك بزز !!!!
(نترات دراعها منو بجهد و بقوة ماعصبها قطعات الشانطي بلا ماتنتابه لضو لخضر لي كان شاعل هادشي كولو غي باش تهرب من كمارتو ، مع وصلات لوسط طريق و هي تسمع داك الراجل كايغوت)
الراجل : (غوت بجهد) عنداااااااااااااك !!!
(جميلة شافت فيه و مع غادي دور وجهها و هي تلقا طمبيل كحلة جاية جهتها بسرعة !!!! كلشي وقع فثواني قلال بحال البرق ، كسيرات الطمبيل بجهد و زدحات جميلة حتى طاحت فالارض)