عشق محرم 🧞‍♀️عشيقة العبري 🧞‍♀️

‎الجزء ١٤ من قصة العشق المحرم

🔯 الجزء ١٤ من قصة العشق المحرم 🔯
🕎 بقلمي أنا ريم 🕎
🔮🔥🔮 لقاء النار بالماء 🔮🔥🔮
{ جا جوزيف خارج و هي تبان ليه المرأة لي غوت عليها كاتخدم و تبكي ....}
جوزيف : (ماشافش فيها) خدمي بشوية ! تال غدا و جيبيه ليا !
(المرأة بحال الا نزلات عليها الرحمة ، بقات كاضحك و تمسح دموعها) : شكرااااا أ سيدي !
🔯🔯🔯🔯🔯🔯🔯🔯🔯🔯
وقفاات جميلة و دعاء حدا الباب ديال الكلية كايتسناوه يجي و هما مخلوعين ، بعد دقائق ، جميلة بانت ليها سيارتو الضخمة جاية !
جميلة : ناري جا ! الله يعطيك أ دعاء الغراق كي وحلتيني !
دعاء : (حلات فمها) ويلي على طمبيل !!!!! وحش هادي ماشي طومبيل !!! شوفي وقفي حتى يهبط بغيت نشوفوا !
جميلة : واخة (مشات جميلة باتجاه الطمبيل حتى بان ليها حل الباب و هبط عندها) سلام !!
جوزيف : (مد ليها يديه) أهلا !
جميلة : (مدات ليه يديها و هي كلها كاترعد)
(منين تلاصقو يديهم ، حس بيها جوزيف كاترعد من الخوف ، زير على يديها و جرها بداك الجهد لعندو و نزل لعندها سلم عليها من الحناك ، جميلة بقات مصدومة و هي كاتشوف وجهو الفاتن قرب ليها و باسها فحناكها بجوج ، حسات بضو داز فجسدها منين كان كايبوسها ! حناكها حمارو بحال مطيشة و تلفات ليها الهضرة)
جوزيف : كيبقات رجليك بعدا ؟
جميلة : (كاترعد بوحدها و تلفات) بخير !
جوزيف : يا الله ركبي !
جميلة : (باقة شاداها الذوخة) آه واخة !!!
(مشات ركبات و هي حشمانة ، اويلي على جميلة لي عمرها هضرات مع شي واحد ، راكبة دابا مع راجل ماكاتعرف حتى سميتو ، و خارجة معاه راس فالراس)
جوزيف : (كايهضر برجولة و كايشوف فطريق) كاتحشمي بزاف !
جميلة : (بغات تبين راسها اجتماعية و مولفة) لا لا !!!! علاش ؟
جوزيف : (دار شاف فيها و هبط ليها المراية لي كاتكون الفوق) شوفي وجهك !
جميلة : (بقات كاتشوف فوجهها حمر بحال ماطيشة و هي تبدا ضحك على راسها) صراحة أول مرة نخرج مع شي راجل داكشي علاش حاسة براسي مخلوعة شوية !
جوزيف : (ابتاسم حتى تسدوا عينيه)
جميلة : (بقات كاتشوف فيه باعجاب و تدقيق تام ، لفت انتباهها أربع خواتم كان دايرهم فيدو و شكلهم غريب و مخيف نوعا ما، حدرات راسها و هي حشمانة من راسها كيفاش كاتحنزز فراجل)
جوزيف : (دار شاف فيها) فين بغيتي نمشيو ؟
جميلة : مممم لي بغيتي !
جوزيف : واخة (هز تلفونو و هضر) خويو ليا الفوق كامل !
🔯🔯🔯🔯🔯🔯🔯🔯🔯
{ بعد مدة ، وصلوا أبطالنا لقهوة كبيرة كاطل على البحر  🌊 }
جوزيف : يا الله هبطي !
جميلة : (خافت و حسات بتوتر) غي بلاش !
جوزيف : (بعد فهم) ماعجباتكش البلاصة ؟
جميلة : لا البلاصة زوينة بزاااف و لكن (شافت فيه بعيونها الفاتنة) خفت لقا شي واحد كايعرفني و لا كايعرف خويا و نصدق فالمشاكل !
جوزيف : (فشل قدام عينيها و دور وجهو) ماتخافي من والو أنا معاك !
جميلة : (تنهدات) واخة !