عشق محرم 🧞‍♀️عشيقة العبري 🧞‍♀️

‎🔯 الجزء ١٧ تتمة من قصة العشق المحرم 🔯

🔯 الجزء ١٧ تتمة من قصة العشق المحرم 🔯
🕎 بقلمي أنا ريم 🕎
🏠 فمنزل جميلة 🏠
(تحط العشا و تجمع كولشي على طبلة باستتناء جميلة)
سمية : (كادق عليها بشوية ) جميلة !!! حلي نعطيك تاكلي !!
جميلة : (كاطل من السرجم و الظلام فالغرفة) لا رد
سمية : (كادق) واش أتبقاي بجوع ؟؟؟؟ راه غادي تمرضي !
جميلة : (لا رد)
سمية : (تنهدات و مشات غلسات فالطبلة)
عزيز : (كاياكل) فين هيا ديك خيتي ؟
سمية : (لا رد)
عزيز : (ضرب طبلة) راه غادي نهرس ليك وجهك فين هيا ؟
عيشة : (ببرود) فبيتها ! دابزات مع مهدي و ضربها !
عزيز : و لاش ضربتيها نتا عاوتاني ؟
مهدي : راه هي لي جبداتني ! ولات دايراني بحال الكلب فهاد الدار ! و لكن ماكاينش لي ضسرها قد داك القراية لي كاتقرى يتحابها راه طفراتو و وصلا لقمر وليت فينما نهضر معاها تهز عليا !
عزيز : (بعدم اهتمام) صافي سكتونا خليها الا مابغاتش تاكل لهلا يطيحوا فجوفها !
( عيشة تنهدات بتأسف أما سمية كانت حانية راسها و ساكتة كاتفكر)
🧚🏻‍♀️🧚🏻‍♀️🧚🏻‍♀️
( بعد العشاء مشات عيشة لعند جميلة )
عيشة : بنتي (كادق) حلي كولي ليك غي لقمة !
جميلة : (لا رد)
عيشة : واخة ابنتي على خاطرك ! ها أنا خليت ليك حقك مغطي فالكوزينة الا جاك جوع خرجي كوليه !
سمية : (كانت دايزة سمعات الهضرة ، حدرات راسها و ذخلات لبيتها)
🧚🏻‍♀️🧚🏻‍♀️🧚🏻‍♀️
🌦 صباح جديد غائم و بارد 🌦
(ناضت عيشة و سمية فصباح بكري على غير عادتهم ، ذخلوا لكوزينة لقاو الماكلة لي خلاو لجميلة باقة كيما حطوها بمعنى انها ماكلات والو ، بقاو كايشوفوا فبعضياتهم بتأسف و مشاو ووجدوا الطبلة ديال الفطور على حقها و طريقها و غلسوا كايتسانوهم ينوضوا ، من جهة اخرى صونات الساعة على جميلة لي ناضت مهدودة بحال الا كانت فحرب ، تقابلات مع المراية و بقات كاتشوف فوجهها لي برد شوية ولكن باقيين آتار الضرب و حتى فمها فيه جرحة مجمد فيها الدم ، رشات على راسها الما بارد و حلات الماريو لبسات تريكو بالقب باش تغطي ووجهها فالزنقة ، حيدات سروال بيجامة و عاد بانت ليها ضربة ففخضها زرقة ، تنهدات و لبسات سروال فالكحل ،  هزات شكارتها فظهرها و حلات الباب)
عيشة : (سمعوها كادور ساروت) ها هيا فاقت !
سمية : (ناضت كاتحرك يديها بتوتر) كبي ليها كاس ديال القهوة أخالتي !
(خرجات جميلة مغطية وجهها و مشات مباشرة لجهة الباب ديال الزنقة و هزات سبرديلتها تلبسها بدون ماتهضر معاهم)
سمية : (تصدمات) فين غادة بلا فطور !
عيشة : (شدوها دموع) الله يرضي على بنتي لاما أجي ديري غير لقمة فمك !
جميلة : (ماجاوباتهمش ، لبسات سبرديلتها بزبة و عقدات سيور و مشات حلات الباب ديال الزنقة ، خرجات)
سمية : (غلسات فالطبلة و هي حاسة بتأنيب ضمير)