عشق محرم 🧞‍♀️عشيقة العبري 🧞‍♀️

‎🔯 الجزء ٣٥ من قصة العشق المحرم 🔯

🔯 الجزء ٣٥ من قصة العشق المحرم 🔯
🕎 بقلمي أنا ريم 🕎
جميلة : (مشا منها اللون و قلبها كايضرب يضرب ، شعرها القدامي فزغ بالعرق ديال الخلعة) نااري شنو كنت كاندير ! ناري معا من كنت كانخرج ! كنت كانخرج مع حمق (شفايفها كايقفقوا ، ذخلات لتصاور فغوغل و غلسات كاتشوف السادية فالفراش كي كاتكون حتى تعيفات) نااري ناااري يا سيدي ربي فيمن كنت غادي نطيح (ناضت كاتجري لساكها جبدات تلفون لي عطاتها دعاء و جبدات منو لاكارط سيم و يديها كايقفقفوا) هادشي خاصوا يسالي هنا (قسمات لاكارط على جوج و لاحتها) ناري شنو غادي ندير فراسي (طاحوا دميعات من عينيها) كنت غادي نلوح راسي فحفرة مظلمة كثر ما هي مظلمة عليا فهاد الدار (جمعات رجليها و بقات كاتبكي) يهودي و قلنا يسلم و لكن حمق ! مايمكنش ! أنا مانقدرش ندير هادشي لي كايديروا هادوا (بقات كاتشوف فغوغل تصاور ديال امرأة معلقة و كايضربها راجل بسوط و لا هاديك لي محنية على ركابيها و راجل شادها من عنقها) لا لا لا جاب الله عرفت هادشي بكري !
لطيفة : (كادق عليها) جميلة واش جيتي ؟؟؟
جميلة : غادي نساك بحال إلا عمرك كنتي فحياتي (تنهدات) غادي نساك أ جوزيف الكوهن !
لطيفة : (كاتهضر بحال شيخة) وااااا جميلة !
جميلة : (حلات الباب و هي كاتعض شنافتها) ها أنا أخالتي !
لطيفة : (قاصت ليها فمها) يخليلي لفم لي يقول خالتي ! أجي شربي معانا أتاي !
جميلة : (استغربات) واخة (مشات لكوزينة تهز معاهم صينية)
سمية : (بتعجب) مالكي على داك تريكو كامل غادي يلصقوا فيك الحلاقم !
جميلة : غي خليني فيا البرد (بكذب) يمكن أتجيني الدم !
سمية : آه (هزات طبسيل ديال الحلوة) جيبي معاك  سكار !
جميلة : واخة !
(مشاو تجمعوا كاملين فالصالة ، هي و مها و خالتها بالاضافة لمنال و مهدي و سفيان و بقا عاطيينها لضحك و تقشاب فحين كانت جميلة مرفوعة)
لطيفة : (كاتشوف فمهدي) إوا الله يعطيه الغرض هذا لي دار فيك أ حبيبي هاد الحالة !
مهدي : (شاف فجميلة و حتى هي شافت فيه) واييييه !
سفيان : دابا هو نتا ماعرفتيهش اذن علاش دار فيك هاكا ؟
مهدي : (ببرود) مانعرف يمكن تغالطت ليه مع شي واحد !
جميلة : (حنات راسها)
سفيان : لعجب !
منال : (كاتشوف فجميلة و ساهية فيها)
لطيفة : (شافت فمنال) كوليها كوليها !
منال : (حشمات) حشومة عليك أ ماما !
سمية : (مافهماتش) مالها ؟
لطيفة : كاتشوف فجميلة !
جميلة : (بقات كاضحك بعفوية) يكما تبدلت عليك ؟
منال : (حشمات) صراحة حيث شحال هادي ما شفتك جيتيني مبدلة !
لطيفة : وا قول تبارك الله ! جميلة انشاء الله غادي تزوج بشي راجل قد دنيا ! عرسها باذن الله الرباط كامل أيهضر عليه !
(بقا كلشي كايضحك باستتناء جميلة و مهدي لي كانوا كايشوفوا فبعضياتهم ! غير هما بجوج لي عارفيين شنو طاري)
🧚🏻‍♀️🧚🏻‍♀️🧚🏻‍♀️
🔯🏠🔯 فمنزل الكوهن 🔯🏠🔯
(بعد ما حس براسو برد ، جبد جوزيف تلفون ديالو و عيط لجميلة ، لقا العلية الصوتية ، عرفها تعصبات خاصة أنها ماشي بنت عادية ، هي امرأة ذكية و شخصيتها قوية و مستحيل تقبل المنظر لي حطها فيه ، تنهد و دوز أبيل لمطعم)
المكلف : (كايترعد) موسيو جوزيف !
جوزيف : جميلة مشات !؟
المكلف : آه أ سيدي !
جوزيف : منين مالقاتنيش شنو قالت ؟!
المكلف : (بلع ريقو) أنا مانقدرش نقول ليك أ سيدي شنو قالت من الأحسن نصافط ليك تسجيل ديال الكاميرة و شوف براسك !
جوزيف : (تنهد) صيفطوا دابا (قطع و جبد غارو جديد ، شعلوا و خرج ذخان من نيفو)
🧚🏻‍♀️ بعد حوالي دقيقتين🧚🏻‍♀️
(وصل جوزيف الفيديو و بقا كايشوف فجميلة بتمعن ، بقا مراقب بعينيه الحاديين حركاتها بالتدقيق الممل ، هو ماشي غي ولات كاتعجبوا هو ولا مهوس بيها لدرجة لا تصور ، يمكن هي تربعات على عرش الضحايا ديالو حيث عمرو ماهتم بشي امرأة بحال اهتماموا بجميلة ، أغلب العيالات لي دازوا فحياتو كانت العلاقة ديالو بيهم كاتقتاصر على الفراش و ماكاتفوتش نطاق السادية ، ولكن باش يولي يخرج معاها كصاحبها و يذخل فحياتها شخصية و يعاونها هادشي غريب .... هو منين و لا  كايشوفها مابقاش كايشوف بطريقة عادية زعمة كضحية عابرة ! لا هو و لا كايدقق فتفاصيل الصغار لي فيها كأنها جزء من ممتلكاتو ، يمكن هاد الأنثى حركات فيه الجانب المتملك لي فيه ، و لا باغيها تكون ليه بأي ثمن ، المهم بقا كايسمع هضرتها و ابتسامة شريرة على وجهو ، شوية هز حجبانو بطريقة مخيفة و هو مصدوم من طريقة لي كانت كاتبكي فيها و الشيء لي صدموا أكثر و كثر هي الجملة الأخيرة لي قالت : { قووول لداك سيدك أنا ماشي قحبة يشريني بالفلوس ديالو !!! أنا ماشي قحبة يدوز بيا الوقت و يعاملني بحال الكلبة !!! انا بنفسي و بكرامتي (جات غادة و رجعات) و قول ليه ماكانش عليه يهرب حيث عمروا ماغادي يعاود يشوف كمارتي مرة أخرى !!!!}
جوزيف : (بقا كايضحك بجهد ، عض شنافتو تحتانية و هو معجب بتصرفها) صعيب تهناي مني دابا أ جميلتي !