عشق محرم 🧞‍♀️عشيقة العبري 🧞‍♀️

‎🔯 الجزء ٢٣ تتمة من قصة العشق المحرم 🔯

🔯 الجزء ٢٣ تتمة من قصة العشق المحرم 🔯
🕎 بقلمي أنا ريم 🕎
🧚🏻‍♀️🧚🏻‍♀️🧚🏻‍♀️
طلع جوزيف فالدروج باتجاه جناحو الخاص ، ذخل سد عليه الباب بالساروت كالعادة ، حيد حوايجو و ذخل ضرب دوش خفيف عاد خرج هز تلفون و خرج لبالكون كايطل على الجردة و الريح كايدي و يجيب شعرو الزعر لي كولوا كايقطر بالما)
جميلة : (جاوبات مخلوعة) ألو !
جوزيف : مالكي (لاحظ نبرة صوتها لي مبدلة) واش كاين شي مشكل؟
جميلة : (بلعات ريقها) آه !
جوزيف : (عقد حجبانو) شنو هو ؟
جميلة : (بتردد) علاش درتي فمهدي ديك الحالة !
جوزيف : (ابتاسم) هادشي لي مقلقك ؟
جميلة : باقي ماجاوبتيني !؟
جوزيف : (ببرود) حيت مد يديه على شي حاجة ديالي !!
جميلة : (تصدمات بجوابوا) كيفاش ؟
جوزيف : الجملة باينة مافيها مايزيد يتشرح !
جميلة : (قلبها بدا كايضرب يضرب بحال إلا غادي يسكت) واش أنا مهمة عندك لهاد الدرجة باش درتي فيه هاكاك ؟
جوزيف : (ابتاسم) مهمة و بزااااف !
جميلة : (فرحات و مشاو ليها الكلمات)
جوزيف : (عرفها حشمات) مالكي سكتي !
جميلة : (تنهدات و هي مزنغة) أنا عارفة بلي هادشي لي كاندير فيه أنا و نتا غلط فغلط و عارفة مزيان بلي غادي نوصلوا لطريق مسدودة فاللخر و لكن المهم هو انني دابا فرحانة بزاااف حيث تعرفت عليك و نتا من أحسن لحوايج لطراو ليا فحياتي !
جوزيف : (بصوت رجولي) متأكدة ؟
جميلة : آه متأكدة ! و لكن عافاك ماتعاود ضرب حتى واحد بسبابي ! بغيتك تبقى ديما جوزيف لي عرفتو أول مرة !
جوزيف : (عرف خوها قال ليها شي حاجة عليه خلعاتها ، ابتاسم) واخة !
جميلة : يا الله تصبح على خير خاصني غدا نمشي للافاك !
جوزيف : (ذخل و تكا فناموسيتو) و نتي من أهلا جميلتي !
جميلة : (عضات شنافتها) باي باي !!!
(قطعات و هي حاسة راسها فحلم زوين مابغاتوش يتسالا ☁️✨ ، مامتيقاش راسها أنه حتى هي ولا عندها شي واحد كايهتم لأمرها و عاطيها قيمة كجميلة ماشي كجسد ديال جميلة ، فحين جوزيف منين قطعات بقا كايشوف فالسقف و هو ماعارفش راسو شنو كايخربق ؟ بقاو بجوج كايفكروا فبعضياتهم و فعلاقتهم المعقدة حتى جبدوا فنفس الوقت التلفون تلفونهم و ذخلوا كتبوا فغوغل : ( ما حكم علاقة اليهودي بمسلمة ) ، بقاو كايبحثوا فمراجع مختلفة حسب ديانة كل واحد منهم ، هي كاتبحث فالقرآن و السنة أما هو فبقا كايبحث فالعهد القديم ، لدقائق و هما كايذخلوا من موقع لموقع بدون أي فائدة ، كلهم كانوا كانوا كايعطيوهم نفس النتيجة : حرام !
علاقتهم هي علاقة محرمة سواء فالإسلام أو حتى اليهودية ! حتى أن واحد الموقع كان كاتب : كيف للماء أن يختلط بالنار ؟
(حسات جميلة باحباط شديد ... و هي تحط تلفونها جانبا و دارت سدات عينيها و هي كاتفكر حتى داها النعاس ... أما جوزيف ناض كب كاس ديال الروج 🍷 و بقا كايفكر و عقلو مخربق ، دابا هو مايقدرش ينكر أن جميلة كاتعجبوا بزاااف و هي أكثر بنت لفتات انتباهو ماشي غي بجمالها و لكن حتى بشخصيتها القوية لي مختالفة على البنات لخرين ، داكشي علاش مابغاش يستغلها كجسد و يلوحها غي كإشباع لسادية ديالو ، و لكن فنفس الوقت هو مايقدرش يدير معاها علاقة رسمية حيث هي ماشي غي محرمة عليه فالدين ديالو بل حتى فقوانين عائلة الكوهن ممنوع يتزوج فرد من العائلة بمسلمة أو مرتدة بأي شكل من الأشكال ! حس براسو مربوط من غاع الجوانب ، حط الكاس و ناض خدا العود و بقا كايلعب لحن زويين (غادي نحطوا ليكم لتحت ⤵️) ، جوزيف من الصغر و هو عندو هواية يلعب العود و القيطار و كايتقنهم مزيان ، بقا كايلعب و هو كايفكر حتى خرج بقرار انه غادي يخلي الأمور تمشي عادي حتى يلقى حل لهاد التخربيق ! و غادي يكمل علاقتو بجميلتو بشكل عادي !