مخابرات خلف الاسوار بقلم / اسماء جمال

مناقشه

#رواية_مخابرات_خلف_الاسوار

طيب انا مكنتش ناويه اتكلم الا اما الناس تهدى و بعدين نتناقش عشان انا بحب اقرا عقولكم من خلال تعليقاتكم و حكمكم ع الامور ..
بس فى كام رد لازم ارد عليهم ..

اولا الناس اللى بتقول انى سايبه النهايه مفتوحه و مقفلتش الاحداث و انى عملت كده ف #مارد_المخابرات !!
طيب مارد اما منزلتش الخاتمه ده كان عشان حاجه من الاتنين
اولا كان فى مشروع اتفاق مع دار نشر و كنت مستنيه اشوف هيرسى على ايه و اما متفقناش قررت اراضى الناس اللى بتحبنى بجد و مش بتتصيد اخطاء و همها مصلحتى و مزعلتش منى وقتها
و قولت هعملهم جزء تالت بس كنت مستنيه ارتب له افكار جديده مش عايزه اكتب جزء جديد نعيد و نزيد و نرغى فيه ف الماضى و ذكرياته
روايات كبيره و ناجحه لكاتبات كبار و عجبونى جدا بس لها اجزاء مكنش ينفع تتكتب .. جزء بحسه و انا بقراه انه مكتوب بس لمراضاة الجمهور بتاع الروايه لكن مفهوش لا فكره رئيسيه بتلف حواليها الاحداث و لا له احداث اصلا و كل احداثه يا البطل بيفتكر الماضى اللى هو اصلا جاه بتفاصيله ف اول الروايه يا بيقعد يحاسب ف اللى حواليه يا بيعيش ع الماضى !! طيب فين الجديد ؟؟؟
و انا مكنتش حابه اعمل ده ف مارد و تطلعلى واحده تقولى ياريتك ما كتبتى تالت و مط
ف كنا مستنيه احطلها فكره جديده تمشى الاحداث و من هنا لحد ما اوصل لده قررت انزل #مالك و اما نزلت مالك جاتلى فكره اقفلها غامضه و اكمل حواديتها مع مارد ف جزء خاص بيهم ..
بحيث تكون احداثه جديده مالهاش علاقه باللى جاه اول الروايه
و اذا كنت خلال النشر قولت عن #مالك مش هعملها جزء تانى ف ده كان اولا ف لحظة احباط من التفاعل و من الناس اللى مبتشوفش غير نص الكوبايه الفاضى و بتسيب الروايه بالمجهود اللى اتعمل فيها و تمسك ف هفوه معينه
زائد انى كان ليا سبب تانى و هو انى وقت ما ابتديت انشر قبل كده #مارد اعلنت من وقت نزول الجزء الاول ان الروايه جزئين و للاسف وقتها الناس بقت تستعجل الاحداث ف اول جزء لمجرد انهم عايزين التانى و يشوفوا هيوصل لفين و انا محبتش ااكرر غلطتى تانى و اعلن بدرى
و بعدين يا ستى بدل ما تشوفيها انى برجع ف كلمتى ليه متشوفهاش انى مثلا حبيت افاجئ الناس اللى بتحب سوما بجد و عايزه تقرالها تانى و مزهقتش ؟؟؟

ثانيا بقا ...
الناس اللى معجبهاش فكرة ظهور #مراد و قالت انه مالهوش لازمه دوره .. او دوره متأخر .. او دخوله الروايه مبتذل !!
لحظه بس .. اولا دخلة مراد مين قال انها متأخره ؟؟؟
انتى تعرفى دخل الروايه امتى عشان تحكمى متأخره و لا ف وقتها ؟
طيب مش يمكن كان متابع مالك من الاول بس جيبت دوره خفى عشان يبقى فى غموض ؟
مش يمكن لو مكنش ظهر مكنش هيييبقى فى ايد هتتمد لمالك و كانت النهايه هتبقى محزنه بجد لانه ساعتها كان هيقع بجد او هيتحاسب قانونا !!
ف حبيت اعمله مخرج يصلح بيه اخطائه
عشان زى ما وريت الناس ان فى كتير بيغلط بحكم الظروف ف فى بردوا الخير جواه بيغلب و ضميره بيلعب دور و ممكن يقف تانى على رجله من غير ما ايد تتمدله
و ان كل واحد فينا عنده القدره يعمل كتير و بنفسه و بدون مساعده بس لو هو قدر يشحن ارادته من تانى !!
اما عن الاحداث اللى فاتت انا وضحت خطوط عريضه لاساسها زى ظهور مراد و ابنه وضحوا ع الاقل مكالمه الحريق كانت لمين
و.مكالمه الباخره و المشوار اللى مالك عمله..
و.حاجات كتير كده بانت ان مراد كان الايد اللى بتصلح فيها ..
اه لسه موضحتش ده حصل ازاى .. بس وضحت ان مالك برئ .. ازاى بقا دى هنعرف تفاصيلها ف التانى
انا مستعجلتش النهايه انا سيبتها غامضه و هسردها بحكمى انا ع الامور ف التانى
لكن قصدت اسيبها عشان انتوا تحكموا من نظرتكم انتوا
ان مالك يستاهل و لا لاء
فهد كان صح و هو ببطبق القانون و ضميره صاحى حتى لو ع حساب اقرب الناس له
موقف حلم و صدمتها
قصدت اشوف الامور و حكمكم عليها انتوا